يانوف أنتي خلص بكـرة تبـي تصيريـن دكتـورة

يانوف أنتي خلص بكـرة تبـي تصيريـن دكتـورة =وأنـا تــوي بـعـد يالله خلـصـت الثانـويـه
حياتـك كلهـا بــرا يـانـوف تحـضـري دورة =وأنـا مــرة بحيـاتـي ماتعـديـت السعـوديـه
أنا حدي الرياض أن طرت وصلت لـراس تنـورة= وأذا مسـوي بهـا كاشـخ تعـديـت النعيـريـه
أنـا أسـأل وش تبيـن بواحـد مثلـي وديكـورة =أبـد لايغـرك الصـورة ترانـا عـيـال فقـريـه
يفـز القلـب لادق( الرقـم الخـاص) بشـعـورة =مكالمـه (ولايـوجـد رقــم ) معـنـاه دولـيـه
وقالـت هـاي أور يـو وأنـا أقـول مشـكـورة =تــرى مـاحـب الا أنــي أحـكـي بالعربـيـة
وهي ماتـدري فـي أنـي ولكـن هـي مجبـورة= وأنا مـن جنبهـا ماأعـرف ولا كلمـة أنجليزيـة
أنا أحسبها كـذا مـدري وأقـول البنـت مغـرورة =مـاأدري أنهـا أصـلا كــذا أصــلا طبيعـيـة
طبيعتـهـا كــذا حـلـوة ودلـوعـه وأمــورة =وبنـت مـدلله مــرة تـربـت ع الرومنسـيـة
تغيّر (لوكهـا ) بصبغـه تقـول البنـت مسحـورة= ومـرة بلوكهـا تطلـع تقـل قـطـوة شيـرازيـه
تقول الحين فـي لنـدن تـرى الاجـواء ممطـورة= فـي عاصمـه الضبـاب هنـاك الاجـوا ضبابيـه
وجابت لي أسـم شـارع مـن أسمـاء مشهـور ة =في شارع مـدري(أجول رود) تتمشـي صباحيـة
وقلـت أنـي أنـا مثلـك ماخـذلـي بـعـد دورة =(علي شارع أبو الأسـود تقاطـع شـارع الميـه )
وتتسوق فـي هـاراوودز تبـي تشـري أباجـورة =وأنا أتسوق في سوق (حجاب ) أبي أشرى لي طاقيه
علي لـو مينـا فضيـة عصـاة القيـر مكسـورة =أهجـول باالنسيـم الشرقـي بجـالـه مزاجـيـه
ماأسمـع الا ( محمـد عبـده ) رووح أبـو نـورة =وأنا مع صـوت أبـو نـورة مأسمـع اي أغنيـه
أنـا كنـي مثـل زيـدان وأنتـي كنـك الـكـورة =يمـررهـا الــي فيـغـو مـرتـدة وعكسـيـة
أنا عايش بوضع بس ذبحني الوقـت فـي جـورة= وأنتـي عايشـة أصـلا وضـعـك ع الرفاهـيـة
قضيتي العمر مـن دولـة الـي دولـة ومعمـورة =من لندن الـي باريـس سفـر فـي كـل صيفيـه
حياتـك كلهـا يـانـوف لفيـتـي الـكـرة دورة =وأنـا مـرة بحياتـي مـا تعيـديـت السعـوديـة

للشاعر /بسام الفليح

مشكور اخوي لكن

لو سمحت نسق الابيات

وادخل على الرابط هذا لو ماتعرف طريقة التنسيق

http://www.shdadeen.com/vbq/showthread.php?t=2702

مودتي

مشكور ياعبدالله الشدادي على النصيحه ولكن لاأعرف كيف أعدل الموضوع إذا كنت

تقدر تساعدني فلك الشكر الجزيل

تحياتي وإحترامي

أخوك

نواف الشدادي

روعة هذه القصيدة أخوي نواف والله يسلمك ويطول عمرك

أحسنت الاختيار واتيت بكل جميل ومتميز

تسلم يديك والله يغليك

رحم الله والديك يالسلطان على المرور العطر والتعديل الجميل

وتقبل تحياتي وإحترامي

أخوك
نواف الشدادي

شكرا علي الدكتورة نوف


صح لسان من قالها


وسلمت يمناك

وتسلم يمينك يا قرقوش على المرور العطر

والله لايحرمنا من مرورك

تحياتي وإحترامي

أخوك
نواف الشدادي