وصية شيخ قبيلة المسيلات الراحل الشيخ\ سعيّد البقار المسيلي الحارثي

يالله يالله ياللي ترزق المعسر الـى اعطيـت=يا مالك الملك ياللـي مطلـع فـي كـل نيـه
ودي نوصي محمد جعـل كـل المـال يفـدا=وليا سلـم مـا شحنـي لاكثيـر ولا شويـه
سندت راسه عسى الله لا يخيب مـن ترجـاه=سقوى على العين لا قالوا تجّـوز لـه صبيـه
واعطيته البندقه حتى عسيـر الحيـد يرقـاه=ويدور الصيـد تـوه فـي شعـاب الحارثيـة
لا باس ياللي يضم اوصات جده يـوم وصـاه=واللي سواته موصى ما يبـي منـي وصيـه
تشيل جـدك علـى متنـك وتقتـاده بيمنـاه=وتروف بي يا محمـد ليـن تاجينـي المنيـه
وان مت ما همني مالاً ورى ظهـري كنزنـاه=والظن ما به ولا واحـد يبـي يبكـي عليـه
يقلون عـود مقفـي ليـت فـي قبـره دفنـاه=نسيوا فعولي مـن اول يـوم حـل الجاهليـه
يا كم درجنا في الديرة وكـم ظلعـنً بدينـاه=يا من بنا اللي رقد في البيت وامنـا الرعيـه
ماقط ظلت سراويلـي علـى رجلـي ملـواه=ولا لبست الحجل مثـل الصبيـه فـي يديـه
ما نعشق الا ام خمس اللي صليب العظم تفضاه=عشقتها فـي شبابـي والقلـوب الهـا نحيـه
يا كم قنصنا عزيب الصيد والقايـد طرحنـاه=ما قط ظليت حـرف النـار عابيلـي تكيـه
واليوم عمري سرقني مثل حبلاً الـى طوينـاه=ما عاد بشره على البنـدق ولا تشـره عليـه

الحجل يقصد الساعه للايضاح

رحم الله الشيخ سعيد

وكل الشكر اخوي عبدالله المسيلي على نقلها لنا

يعطيك العافيه

ما نعشق الا ام خمس اللي صليب العظم تفضاه
عشقتها فـي شبابـي والقلـوب الهـا نحيـه

الله يرحمك يالشيخ سعيد ويسكنك الجنة

وبيض الله وجهك يا عبدالله وطالبينك تنقل كل قصائد الشيخ سعيد البقار

الله يرحم الشيخ ومشكور اخي الكريم

على هالنقل الرااائع

كل الود

شعر ثمين .. وحكم

تتناقلها الاجيال..

رحم الله الشيخ سعيّد البقار

ومشكور يالمسيلي على نقل القصيده

اللـــه رحمـــك يالبقـــار رحمـــة واسعــــة وجميـــع مـــوتى المسلميـــن
ومشكــــوور يابـــو عابـــد علـــى نقـــل القصيـــدة
ونــــرجوو منـــك المـــزيد

قصيدة مملؤة بالنصائح وتجارب الحياة

نسأل الله أن يرحم الشيخ سعيد المسيلي

وأن يدخله فسيح جناته

ولك منا جزيل الشكر أخي عبدالله

وفي انتظار مشاركاتك القادمة التي تعطر بها

صفحات هذا المنتدى

أشكركم على مروركم