?? أنا وين اروح وكل دربٍ مشيته هـمّ ???

//
\\
//


ودي بحضنك في الهوى دون تفريــق ..!!
وأشفــي عــذابي بريح وردك وأشمــك..

وأحيــا بقــربك..دون كــل المخــاليق ..
وابعــد وكلــي شوق وارجــع واضــمك..

وأبحــر بحبك وأغرق القلب تــغريــق ..
حتى تذوووب أشواااق قلبــي بدمـــك..!!


//
\\
//


أغليك من قلبي ومن روحي أغليك،،
وأفـــراح قــلــبــي تــكــتــمــل فــي ملقاك...

كــلــك حـــلا ســبــحان مـنـهـو مـسـويـك،،
يــا مــجـمــلــك فــي عـيـن قـلـبـي ومحلاك...

زود عــلــى حــســنــك طــبــوع تــحــلــيـــك...
تــــفــــرقـــك عــن هــذا وهــــذاا وهــــــــذاااك


//
\\
//


يوم التقينا بعد لوعات وفراق
تشكي وأنا أشكي وأنت ما فيك فيني

تشدني نظرة عيونك وأشتاق
لرموشها ســـــاعـــة تلامس جبيني


//
\\
//


لو هبوب الريــح طير جادلـــــك
قلت لك غطيه ولا ظفريــــــــــــه

ولو زلال الما يلامس شفتــــــك
انقهرت وقلت لا لا تشربــــــيه

ولوشعاع الشمس لامس وجنتك
قلت غطي وردها لا تحرقيــــــــــه

مابـــــي الا وسط قلبي أسجــــنك
وما اسمح الا ايديني اتلامس يديه


//
\\
//


ليت كلماتي تخفف عن غيابك
ليتني دايم معك وانتي تضحكين

ليت كلماتي تجفف كل همك
وامسح دموعك وابدلها بحنين

لو تقولي الآه اشعرها معك
تكتئب دنياي ولا اشوفك حزين

انا أغليك وسط قلبي موقعك
حتى روحي تحت امرك لو تبين


//
\\
//


أدور لك كلام أجمل و لا أجمل من كلام القلب ؛؛
و عمر القلب ما يكذب نهار يكلم أحبابه
أطير لك حمام البال و أفقد كل ليله سرب ؛؛
يمسيه الورق في حضنه الدافي و يدفى به
شعوري لو نثرته للهبايب كل جرح هب ؛؛
و عنيت الهوى و أهل الهوى و الحب متشابه


//
\\
//


أنا وين اروح وكل دربٍ مشيته هـمّ
جميع الدرووب أمنين ماجيت مهمومه!!

يقولون لاكثرت عليك الهمـوم فنـمّ
تناسى همومك والمقاديـر مقسومـه!!

خذلني زماني والزمن مابوجهـه دمّ
يهين الانسان لين يتضايق من هدومـه!!


//
\\
//


أصبـر دمعي بكذبه يادمعي باكر وباكر..
يجيني من ترك فيني غلاه وصدقه الكاذب
ويقبل باكر وكنه هذاك الزاير العابر..
ويقفي تارك بعده سخاه وجوده الشاحب..
وأعود أكرر الكذبه وأقول ان الفرح باكر..!!
وأسوي نفسي الصادق ..
وصدقي فالأصل كااااذب !!!


//
\\
//


يقولون الــ/ هوى نظره يقولون الهوى أحلام
يقولون الــ/ هوى همسه تذوب خافق فيهـــــا

يقولون الــ/ هوى دنيا تضمنها الغلا بهيـــــام
يقولون الــ/ عشق سلطه ولا تقدر تقاويهـــــا

ولكني أشوف اليوم خداع وبعثره وأوهـام
مثل غشوه على قلبك على عينك تغشيهـــا

مثل كذبه تصدقها معاها دارت الأيـــــــام
مثل فكره على بالك بها نفسك تمنيهـــــــا


//
\\
//


لو كثرت جروحي فلا نيب مكسور..
أنا أكـســر اللي قال إنه كسرني...
ماهو حكي < زايف > ولا كبر وغرور..
أنا في ( عــزهـ ) وأقهر اللي قهرني..
والوقت ياصاحبي دايم يدور...
ولا بد مايصحى ( غـشـيـم ) خســــرني


//
\\
//


شريـته وهو طفل صغير وجــاهل ،،
وعلمته كيف الناس للناس يوفون
أخذت بيده رغم كل العــواذل،،
وأمنته على قلبـي وشلته بالعــيون
واليوم ينكـر كل ماكان قـايل،،
ويطعنــي برمح الغدر ( رمح مسـنون )


//
\\
//


نـاظرنـي بطرفـة الســاهـي وقــال
// لو تفــارقنــا أمــوتـ //
وإفترقنــا ولا رســايــل ولا حتـى صوتـ
وكنتـ أســأل دايمـ أسأل يــاترى وش صار فيه ؟
قــالوا : مبســوط مــا عليه وصــار أجمـل
وإبتسمتـ وقلتـ هذا إلي أبيــه
بس شــلونـ صدقتــه يــومـ قــال
// لو تفــارقنــا أمــوتـ //!!!


//
\\
//


فيني ألمـ غربهـ مع فرقــا أعز الناس
/ سفيـنه تايـهه تبحـــثـ عنـ مـوانــيها/
ذكرتكـ يومـ ودعــــتـــكـ .. وضاقتـ فيني الأنـــفاس ؟؟؟؟
بـــكـتـ عـيــني على فـــــرقاكـ لكنـ ..من يواســيها؟
حــــــرامـ أشوفـ أفـــــراحي بأقدامـ الألمـ تنداس
أداري دمعـة هلتـ ومالــي ..غير/ أداريــها /


//
\\
//


ياحبيبي ما بقى فيني جهد
أنت غالي والغلا يركض وراك
فيني ادموع الهوى برق ورعد
والأمل تبقى معي وأبقى معاك
أية (احبك) والجفا ما قد ورد
وودي اني دوم بس اكسب رضاك
إلتفت صوبي وعاهدني عهد
( قبل تنساني تنسيني غلاك )


//
\\
//


غيرك بقلبي ما فتحنالة حساب
تعال وزع ربح سهم التجافي
يامن ملكت السوق في شركة احباب
ضارب انا وياك ما قول كافي
قدرك بقلبي ما نزل مثل ينساب
لا والله إلا فوق مثل المصافي


//
\\
//


أنا ماأشير بالفرقا..ولا أحدك على المقعاد
تخير في طريق الوصل..والا درب هجراني
حرام الوصل مايجمع قلوب عن هواها بعاد
وبعض البعد لو عذب يجمع بين خـلاني
تحسب ان الهوى ضحكة دقايق عشتها بميعاد
إلى مارحت تنساها.. وتنسى الوعد وتنساني


//
\\
//


ألا ياصاحبي.. الرفقة ترى ماهي ثياب جداد
تبدلها متى مليت..وتلبس غيرها ثاني
إلى ضاع الوفا..ما به هوى بارجيه أنا .. ووداد
ترى ذا الفرق.. بين أقرب قريب.. وبين عدواني
تحاكيني بطرف لسان وهجري من صميم فؤاد
وتاقف من بعيد .. ويم الموت تنحاني


//
\\
//


الموت يوم تحب لك ميت شعــــور ....
ما يحس بأي نوع مـــــن الولـه
لعن ابو حــــب يمــــوته الغـــــرور ....
ليت منهـــو حـــس به من أولـه
مشكله لا صــــار للاحــساس ســـور ....
والبرود بحــد ذاتـــه مشكــله


//
\\
//


مصعب الاحزان من عــــقب السرور ....
ويا عـذاب اللي حبيبه يخـذله
ما تهيا لي وســـط ظلمـــــاي نــور ....
وظلمة النفس الــبريه معضله
والله اني ع الــعنا دايـــم صبـور ....
لـــكن أحداث جرت لـــي مــذهله


//
\\
//


لا ترتبك يادخيل الله وتربكني
النفس من دون سبه معك مرتبكه
سوالف الناس تدري ماتشككني
فيك إنت بالذات ماتلحقني الشكه
ياطاغي الحسن من غيرك يحركني
هو فيه غيرك يرد الروح في ضحكه


//
\\
//


غصب على عين جرحى أقبل أعذارك
وأسامحك لو نهتني عزتي دونك
كثر الخطايا بحقي زاد مقدارك
مع كل هذا وأخاف إتخونك ظنونك
لا ترتبك لا تحاول تفضح أسرارك
أقراك كلك على بعضك من عيونك


//
\\
//

رااااااااااااائعه تسلم سيف

		المشاركة الأصلية بواسطة : اقتباس
	غيرك بقلبي ما فتحنالة حساب تعال وزع ربح سهم التجافي يامن ملكت السوق في شركة احباب ضارب انا وياك ما قول كافي قدرك بقلبي ما نزل مثل ينساب لا والله إلا فوق مثل المصافي

هلا والله بسيف الشدادين

وهلا بمسجاته الطيبة

لا هنت يالذيب وعساك على القوة دوم

		المشاركة الأصلية بواسطة : اقتباس
	رااااااااااااائعه تسلم سيف

الله يسلمكـ عــموو ..


الروعهـ مروركـ العــطر في متصفــحي ..!

		المشاركة الأصلية بواسطة : اقتباس
	هلا والله بسيف الشدادين وهلا بمسجاته الطيبة لا هنت يالذيب وعساك على القوة دوم

الله يسلمك ويعافيكـ يا أبو عبدالله ..


لا هنت على المرور الطيب يالغالي ..!

أنا وين اروح وكل دربٍ مشيته هـمّ
جميع الدرووب أمنين ماجيت مهمومه!!

يقولون لاكثرت عليك الهمـوم فنـمّ
تناسى همومك والمقاديـر مقسومـه!!

خذلني زماني والزمن مابوجهـه دمّ
يهين الانسان لين يتضايق من هدومـه!!

.......

تحيتي لروعتك

		المشاركة الأصلية بواسطة : اقتباس
	تحيتي لروعتك

الروعهـ مروركِ خيتو وهج الخــيال ..!

اااااااااالله ااااااااالله
رووووووووووعه
سيووووووفي

		المشاركة الأصلية بواسطة : اقتباس
	اااااااااالله ااااااااالله رووووووووووعه سيووووووفي

الروعهـ مروركـ خيو خلودي ..!

رائع مانقلته
دمت ودام جديدك
دمت بود