قصيدة ( نوت وملوك الجن ) التي حيـّـرت عقــول الشعراء ..!!

السلام عليكم ورحمة الله وبركاته

هذه القصيدة أصبحت حديث المنتديات العربية والخليجية بوجه الخصوص وتناولوها أهل العلم والأساتذة وهي للشاعر ناصر الفراعنة
السبيعي , والقصيدة شدت إنتباه الكثير من أساتذة علم التاريخ والأدب ووقفوا أمامها كبار شعار الجزيرة العربية لما فيها من غموض
وغوص في أعماق المعاني والتاريخ .
وخلاصتها أنه استفسر منه أحد أكبر شعار الكويت عن حقيقة (نوت) التي وردت في بعض قصائده في قصيدة طويلة يشيد بشاعرية ناصر
الفراعنه ويمجده وهو الشاعر أحمد الخياط .

فقال ناصر هذه القصيدة :

على قبراليتيمة"نوت"ثوبي بالخلا شقّيت=ذكرت الله وشبّت في ضلوعي حربٍ أهليّة
عقب وِتْرالسبع والخمس والتسبيح والتسميت=طيور الما على سلمى تغنّي( طاق طاقيّة )
على باقي عرَق ساقي زجاجة كاهنٍ شمّيت=على قِرْنة حجاجه نجمة السِبْط اليهوديّة
على الجنب التهامي لبّسوني خرقةٍ في زيت=تلالى مثل وأري جمرةٍ في حوض صفريّة
على ساقة ملوكٍ من بلاد الرافدين أضحيت=أركّب سنّ وأقلع سنّ لو ماله ولاليّه
وفي ريشة جناحٍ من حمام الأخشبين أدويت=امّذْرِع شان واقرع شنّ وابرقع نصيريّة
وعلى ظهرالنعامة سافروا بي سبعةٍ من هيت =إلى أعتى شعوب الأرض الادنيّة والاقصيّة
ذبحت العبد الادريسي ونِجْل الطاغية حِبْرِيت=بأرض المغرب الأقصى طبخت من اللحم نيّة
على تابوت"نوت" أحيا وأموت أفنيت ماأبقيت=ضربت الطار وأجتاحت عبيد الزاركونيّة
على قبر اليتيمة "نوت" أجدّد حسرتي لاجيت=وأقبّل ضاحكات الموت تحتيّة وفوقيّة
على شانك يا"نوت"خطلان البشوت أعميت=أقارع كل ذو سِدْنٍ وذو خِدْنٍ وكوفيّة
على شانك يا"نوت" روس الخاينين أدميت=أسرّج مِرْج..أمرّج سِرْج علويّة وسفليّة
على شانك يا"نوت"أضرب بحدّ مْصقّلٍ اصليت=وكدنا ننتهي لولا خيانة عيد الألفيّة
خبيثٍ من بني قومي سقاني حامض الكبريت=قرَت وسطه عجوزٍ من ذوي حضرم ظفاريّة
وبسم اللي لهول اسمه تزلزل منبرالسوفيت=نحَرها أعلى ظهرها جُبّةٍ بالسمّ مطليّة
ثلاث دهور أصارع نافثات الزور ماذلّيت=أغيّب شمس وأدفن رمْس والأصنام مرميّة
ثلاث أزمان أداقش مسرجات الجانّ في تكريت=ثلاث أزمان تمْر خلي ملوك الجانّ رجليّة
ثلاث سنين أعافر نافخات الطين ماولّيت=ثلاث سنين أكفّن قاريات التين بيديّه
وثلاث شهور ألاعي نازلات الطور ماملّيت=أجاوب جنب خيمة ضاربات الطنب طبليّة
وثلاث أيّام تنعاني سرايا يام لين أصغيت=أقدّم كوع أوخّر كوع يابيّي ويابيّه
لذي الفيروز سادن معبد النيروز مالبّيت=لغير الواحد المعبود ماأبديت مافيّه
بوادي برْك طارت بي حراير تُرْك يوم أمسيت=أعاشر ليل عاشر كل ذي حمراً نميريّة
طباين سبْك تدبْك دبّك ساع أقبلت ساع أقفيت=لسرْدٍ شرْد جرْد مرْد أصيّح كل قيسيّة
ببطن القِرْش أعشّي حايمات العرش ماغدّيت=وحرْش الطرْش اورّدها قليب الهرش عصريّة
بوجه الحوت جلّ اللي خلقني ضيغمٌ صنتيت=هِزَبْرٍ ماتحرّك منه ساكن ألف سكنيّة
ورب البيت ماخلّيت منهم بيت ماهدّيت=أهدّم دور وأبني دور والآيات متليّة
هل المزمار عبّادةلسان النار والباكيت=بني الإفْرَنْج قومٌ من فرنج الزنْج مبليّة
بكى سابور ذوالأكتاف في قصر الملك بلْهيت=على نَيْكل سقيفة عابد الهيكل ضحاويّة
تغطرس بِطرس النقرس وجينا له على التوقيت=من أرض الفرس وأرض الروم جبنا القوم منهيّة
بعمّا والنبأ والخمس من سورة سبأ شدّيت=بقوّة ماتواتر في الليال العشْر مكيّة
أقمنا دولة الأيتام من حِلّي إلى حِلّيت=وآخر عهدنا ماأورَدَتْ ليلى الأخيليّة
وأنا ماهاضني فيما على بيض الورَق خطّيت=شجاعٍ لقّبوه أحمد وله شلفا وشبريّة
أعرف أحمد إلى جاءجاء وأنا لاشلت ماحطّيت =تحامينا على وضح النقا والأرض محميّة

أتمنى أن أكون قد وفقت في اختياري

هذه قصيدة النجمة السداسية والزئبق الازرق لشاعر فهد محمد فريك الصقور اليامي
وهي مجاراة لقصيدة ( نوت وملوك الجن ) للشاعر ناصر الفراعنه .



قصيدة النجمة السداسيه والزئبق الازرق

بوجـه الله وأنـواره زبرجـد خاتـمـي سمـيـت =علـى درب(ن) بـه الآثـام لـه الأطـوار ملـويـه
ببرج إمن البحر حوت(ن) وطالع قوس أنا قد جيـت =بسلمـى هوبـر وهـوجـل طوالقـهـا سمـاويـه
بقبر بحضرموت وسدره(ن) دمهـا كمـا الكبريـت =سـواده فـي حمـاره فـي زراقـه نـار مصليـه
بعلم إمن الصحن هاروت وشيوخ(ن) لهـا جمشيـت =عقايقهـا ذمـاريـه بـطـوق أهــرام مصـريـه
من إقصور الصحاري في جنـوب الخاليـه بلهيـت =من المغرب مـن السـاق الغرابـي جـات مرضيـه
من السدره من البلقاء مـن الدلهـي مـن أم بشيـت =من المشرق مـن الغـردق فحيـح الجـن وحشيـه
من إقصور آل سلمى من جزر قلزم بحـور الميـت =مـن إدروب إبـن خـدام الرمـاح بمـاس مبـريـه
من الوادي بنـأ مـن وادي السـردد مـن البلقيـت =من المارب مـن الزرقـاء مـن إسلـوس التهاميـه
من الفيلق من الشرشق ومن شوذ(ن) ومن تصنيـت =مـن أبنـاء الصلاطـم مـن هبيـد إبـن اليهوديـه
من إستبرق من الخندق رعوم ومـن خيـام الخيـت =من السفاح إبـن رقـراق مـن أحـزاب المجوسيـه
سـلام الله وأمـان العقـل بأنـواره مـع التوقيـت =بإنجيـلـه وتـوراتــه وفـرقــان الـزبـوريـه
أمـان إمبردخـا توشـا هشـيـك الله والتشتـيـت =بـزردا هردقـيـل إيـمـان شـاكـو دو الإلهـيـه
أولوا هاتي بدريـا جنقـل إستـارا جهـو درنيـت =سمنـدر داتشـي سانـب شترمـرغ إنصولوغـيـه
بهـارا أونـت ريقستـان دارا نـي نهـي قنديـت =بهـو تـاره جهـودري نـرش نرميـنـا بـداريـه
بجرنـص ماهتاكـوا جلدشيـر الجنجنـق كمتيـت =قدومـا رنفديـن أنجـي مـن اللهجــات عبـريـه
سرت روحي معا برق(ن) تلالا بالسمـاء وإحييـت =علـى ظهـر الظليـم إللـي هقـل بديـار روميـه
خطامه من جديل أشمط وله مرخي ولا قـد ريـت =مثـل ذاك الـذي الأرضيـن تحتـه جـات مطويـه
صحبني مسحل السكران إبـن جنـدل ولـه حييـت =ومدرك إبـن واغـم مـن شيـوخ الجـن الأزديـه
ولافـظ إبـن لاحـظ بالنظـر لـدد ولـه لـديـت =وهـاذر إبـن ماهـر مزمـر إلـسـان الهلالـيـه
بحـق الله وبوجـه بحـق أوجيـه أهـل البـيـت =قتلـت إمـن الهياكـل سبـعـه وسبعـيـن مبنـيـه
من إللي حبها فينـي كمـا نـار(ن) عليهـا زيـت =مـن الـوادي لجـب تنـعـا وعزوتـهـا بيامـيـه
مـن إللـي تشلـع بقلبـي لهـا لاينبغـي التثبيـت =عطيبـات الشلـوع بكيـه(ن) مـن فوقـهـا كـيـه
من إللي بالألف والـلام ميـم وصـاد أنـا فزيـت =مـن إللـي سـورة الأعـراف فـي هلهـا ثبوتيـه
ثلاثيـن الليالـي لحقهـا عـشـر(ن) إذا عـديـت =عـددهـا بإثنـتـي عـشـره بأسـبـاط العبـوديـه
دعاء موسـى دعـاء هـارون يامـن للهدى صديـت =بـأن الـرب واحـد وأرسـل الطـوفـان بعثـيـه
جهنم والحطب نـاس(ن) تمنـى ليـت ثـم ياليـت =إليـن إنـه يلـج ذاك الجـمـل ســم الخياطـيـه
طرائق في قـدد ذيـا بهـا حـي(ن) وذيـا ميـت =وقـد كانـوا لـبـد متراكـمـه وآيــات متلـيـه
يصيح إمن النمل صايح ومن هدهـد ومـن عفريـت =ومن صرح(ن) ممـرد مـن قواريـر(ن) زجاجيـه
شربت إمن اللبن قدحـان سبعـه بالظمـأ وإرويـت =من إللي قرهـا مثـل الحـدج مـن فيـض رمليـه
وأخذت من النظر عين اليمامه صايب(ن) ماأخطيـت =مثل نقش الحـروف إللـي علـى صمـان صخريـه
ومن شوك السلـم نجنـي عناقيـد العنـب شكليـت =ومـن داء السمـوم إجلـودنـا بالـزيـت محمـيـه
رجمت إللي شياطين(ن) بلا رؤس(ن) ولين أعميـت =قوافـل وسمـهـا الحـيـه بكـرعـان الصليبـيـه
تلاحقنـي عصـاء بقعـاء وجـرة ساقهـا جريـت =إليـن إنـي قريـت آيــه بـهـا الأرواح مكفـيـه
وريت إللي عصاه إعظـام جـده يـوم بـه مريـت =جنـت الأبنـاء ذنـب أبـآءهـا سبعـيـن مسنـيـه
ويوم إني لعجت الصوت خـرت لـي ولا خريـت =مداغيـش الرمـاح إللـي لفعـل الخـيـر منهـيـه
وجيت الكاهن إللي بالعمـر عمـرد ولـه سريـت =إللى أيـن الاسـود تمـت ودار(ن) منـك منسيـه??
ألا إما وكم قرن(ن) تصارع بـك وكـم أرديـت?? =وأي الفـلـك تسبـحـهـا وأي أدوار مـرعـيـه??
وعمر(ن) أنـت تحملـه ينـادي شيبـه التصويـت!! =إلـى أيـن ومتـى هـل كيـف نـبـدأ الإنتهائـيـه
فقال: إن كربلاء بيشل جنته قبـور فـي تكريـت!! =وتوحيـد الإلوهـيـه لــه أسـمـاء وربوبـيـه!!
فقلـت: إلا رعـاك الله أخبرنـي عـن الحلتيـت?? =فـخـر يبـكـي بالـدمـوع إلـلـي كبـوتـيـه!!
فصاحت والرمـاح بهـا بقيـد الحـزن والتكفيـت =بعكفـان الضلـوع إللـي بـهـا قطفـيـن مثنـيـه
ولينه يابري حالـي مـن إللـي شفـت بـه حنيـت =كـلاء أبنـاءه السبعـه وعــاش بــدون ذريــه
بكاء الميلق تخاريـص الثيـاب إللـي لهـا رديـت =علـى رؤس الغراميلـي بتـابـوت الجحـوديـه!!
مليت المجندة بسهـوم بـرق(ن) بالنضـاء وأغليـت =بجاثوم(ن) علـى جلحـوف سـدر وريـف مرويـه
وشفت إللي بكاء قافـه رمانـي بالنظـر وأخطيـت =علـى كبـد الغـراب إيصـوم يـوم بليـل شهريـه
تـدق الطـار والمزمـار صيـرف دندنـه جريـت =علـى بنـت السليـل الجرهمـي الأعمـال بالنـيـه
وأنا أدري من بناء تدمر صفاح ومن عمـد وإلقيـت =قبيلـه مذهـب بتسعـه عـروج الـذود حوشيـه!!
وقالوا: جللت مـن حوشنـا ببكاركـم فـي عيـت =إبل مـن عسجـدي وإبـل(ن) بعيـدي ثـم عمانيـه
وقال: إللي ظلم: طاعون عمواس الـذي قـد فيـت =رمـاح الجـن شنـت حـرب بالمسمـوم مسقـيـه
غسـق ليلـي وأعنـان الشياطيـن التـي قـزيـت =من أعطان الإبل فإحذر صـلاة أعطـان الأرضيـه!!
وموج(ن) والزبد الأسود جزر موجه وأنـا مديـت =ولينـه تنكويـر أعظـم مـلـوك الـجـن هنـديـه
فقلت: أعطي جواب(ن) صادق(ن) فينا إذا رديـت!! =مـن أعظـم جـن والوجهـات بالتحديـد شاميـه??
فقال: إنـه يسمـى دركـازاب الشـام ماسميـت!! =تسمـى مـن طلاسـم كاهنـة الإغريـق طوكـيـه
هـي إللـي حسبتهـا بالمنـادل والنجـم وإغبيـت =ومنهـا صـار جبـروتـه مشـاذيـب الدمشقـيـه
ومن أعوانه الشنقنـاق بـن عملـوق ذو الجرنيـت =يليـه الشيصبـان إللـي عميـق بــروج مائـيـه
فقلت: أجسادكم: جاوب من النار السمـوم إحميـت =خلقنـا مـارج(ن) مـن نـار ودار الإنـس مغويـه
وتدعيني عجوز(ن) مـن يريـم وجيتهـا وإسهيـت =مـن إللـي عينهـا فـي راس نهديـهـا حقيقـيـه
فقلت: أعوذ بالله منش قالت: ويـش بـك سويـت?? =تعـوذ خلقـنـا ولا مــن الأعـمـار الألفـيـه!!
حن إللي بالعمـر الألفـي طغينـا يافهـد وإغويـت =قبايل حـن سعالـي حـن قطاريـب(ن) وغوليـه!!
وإنسـان(ن) فجنيـه فأتـراب(ن) بـهـا صبـيـت =فعملـوق(ن) تسمـى مــن نتيـجـة الإختلاطـيـه
وجاني شايب(ن) يرغي ويوم إنـه رغـى فأوحيـت =شماريـخ القصيـد إللـي علـى عرجـون برنـيـه
وشيطان الرقي شعـر(ن) يجارينـي ولـه جاريـت =بـوادي عبقـر المنـطـوق بالمجـمـول شعـريـه
كمـا جهنـام والخطـار والطيـع فـلا حاكيـت!!. =تفاصيل الجـواب إللـي بلاغـه صـرف نحويـه!!
وهي نجمه سداسيـه عطونـي علمهـا وأحصيـت =رموز الكـون فـي علـم الفلـك ماقبـل الإنسيـه??
ودلوني على الشيـخ الجليـل أولـه ظليـم أهديـت =علـى قمـة جبـال السرنـديـب العـلـم مـاريـه
فعلمني من المقعد مـن الحاسـر وقـال أصغيـت?? =وعلمنـي مـن الأعمـى وقلـعـة الأندولوسـيـه!!
وعلمني من الشاقـي مـن الأشقـى وقـد أشقيـت =وعلمنـي عــن الـسـد العظـيـم الإحتوائـيـه!!
وعلمنـي عـن الإمـلاء عـن الأمـال ماملـيـت =وعلمنـي عـن السبـع العقـول إللـي رئيسـيـه!!
وعلمني عن أضرار الضرر والمستضر إحضيـت!! =وعلمنـي عـن الضـراء وعـروض الضروريـه!!
وعلمني عن الهرمس وعقـد الصلـح ليـن إقويـت =مابيـن الإنـس هـم والجـن والأحـقـاد كفـريـه
وكان المشكلـه نمـرود بـن جبـار يـوم أرسيـت =بدلـو المـاء مجانيـق الحجـج بالحـق مقضـيـه
وإضطر بن مايـان بـن كيـوان وغـرور الهيـت =ردعها علم آصف: في غضون إغضـاض طرفيـه!!
وقال: إن الحكيم إسمـه يسمـى بيرسـات إعليـت =ملقـب شـاه مــردان العـلـم بـآيـات قدسـيـه
وداره مملكه مردان فـي البحـر الخضـر زليـت =جزيـره وإسمهـا صاغـون خــط الإستوائـيـه!!
وريـت البختـري نبتـه زماليـق(ن) ولا عـديـت =نجوم(ن) تلتطم عـرض السمـاء شظـف وعموديـه
فألا رد البـراء يإللـي تعاكـس وجهتـي وأشفيـت =دوانيـق الخشـب والـمـوج يلطمـهـا شمالـيـه
وجيت إللي على برخـوص هايـل دعوتـه لبيـت =يـدق إمـن الثنـادي دقــه المكـسـور قهـريـه
وجـر البيشنـه جـره قتيـل(ن) منهـا ضجـيـت =كمـا جـر الـزراف إسلالهـا وطـعـون جنبـيـه
وقـال: الفارعـه والهرمـزان أقفـوا ولا ماليـت =بشابور(ن) وإبـن سابـور وقتـل الحـر عمديـه!!
وأنا إللي حالف(ن) والثار يقضـى كاننـي لاقيـت =جيـوش(ن) عيشهـا فينـي بوجهـي عـار مطليـه
فقلت: إصبر وذي الدنيا تدارج بالرحاء وإرحيـت!! =ومطحون الحـزن تنسـف هبـوب الريـح فوقيـه!!
فقال: البندريـه فـي طـرف جـدي ولـه داريـت =وقلـت: الـدايـم الله والحـيـاء فـتـره زمانـيـه
فقـال: البئـس للدنيـا وحـال(ن) فيـه قـد أفنيـت =بمـا فـيـه إختـلافـات الزمـانـات المكانـيـه!!
وقد كنا بعلم(ن) في السماء ندري ببعـض الويـت!! =ونعطيهـا بـنـو الإنـسـان والقـربـان سحـريـه
فسحق(ن) معشر الإنسان من إللي بي بلاء وإبليـت =كسحـق الزئبـق الأزرق لجـبـروت المجنـيـه!!
فقلت: إنا بنـي همـدان لا تجهـل فقـد وافيـت?? =سيـوف(ن) ترفـع الحـجـه وتثبتـهـا أكيـديـه!!
تجاهلنا وحـن نجـم(ن) تراقـي بـه وإذا راقيـت = فـلا ترقـى وإذا ترقـى فراقـي الشهـب رصديـه
نصيحه خل روحك جاثمه وإنسـى وإذا سجيـت?? =فـدور(ن) ينتهـي وقتـه وصبـر(ن) لا إتكاليـه!!
وعلـم الله والرحمـه لا تحصـى وإذا أحصـيـت =فأنـت الجاهـل إللـي زاد عقلـه كـم جهلـيـه!!
تقول: إن الشديد الله وأقـول: إيـوه معـك ماشيـت =وأقول: إنـه لـك أقـرب مـن لبـن الأم الحنونيـه
فخـل الله نصـب العيـن وزبـدة ماأنـا نصـيـت =إلاهـي لاتكلـنـي نفـسـي الـضـراء لحظـيـه
وجيت إللي على جابوح سينـاء بالجـدى وأجديـت =وحتـى إنـي وصلتـه دون مركـوبـي برجلـيـه
فقال: إتشوف ذا الجرجوب في قاعي وأنـا شكيـت =بـأن الشـق فـوق الأرض يعنيـنـي خصوصـيـه
فقلت: البيت طين وتنقله وأبطـاء معـك وأبطيـت!! =تجمرش وأنصـدع والقـاع فـي شـره عموميـه!!
فقـال: إلا صدقـت بعلـم طوقتـه وبـه كمـيـت =تجـاوب حسبمـا منهـج علومـات الجيولوجـيـه!!
فقال: الفيض في وادي سماوه عن أبـي قصيـت!! =وفاضـت بـه بحيـره سـاوه إبـمـدات موجـيـه
وليلن(ن) وإخمدت به نـار فـارس مالهـا طفيـت =ورؤيا الموبـذان إبـلا(ن) صعـاب وخيـل دجليـه
وكان الإرتجاس إللـي رجـس الإيـوان ماراويـت =نـزول الحـق فـي رؤيـا ملـك ساسـان كليـه??
وألا ياجبـل قزويـن علـم(ن) بـه عليـك إفتيـت = تذلـل ياجبـل وإخضـع مسيـرة جيـش كوفيـه??
تذكر معركه صفين والحـرب الضـروس الصيـت =ورايـات الجمـوح إلـلـي تـرفـرف بالعقيـديـه
وقمت أجري على البيداء تعبت من الجري وإحميـت =وصيحات القبـور ألعـن علـي مـن طلـق ليبيـه
ولين إني على الحد الجنوبـي طايـح(ن) وإغشيـت =مـن جيـوش(ن) عمايمهـا تخاضـرهـا يمانـيـه
وقال: إللي معي قص الخطـاء بعـدي ولا حسيـت =تشوف الجيـوش إللـي تغطـي الشمـس حربيـه??
ثمـان إميـه ثمـان إميـه يملينـي بهـا وإملـيـت =وضربهـا علـى ألـف ألـف وتدبلـهـا جماعـيـه
يجيك من العدد جيـش(ن) تباهـا باللـواء وإبهيـت =وهـو ذا جيـش مـن قـاده مـن الأنسـاب مهديـه
على دار(ن) عبقهـا بالنسـم فرضـي وإذا صليـت =تخـر ودمعتـي الأخـدود تمسحـهـا الحصينـيـه
وألا لله درك ياقصـيـد(ن) بالحـشـاء كـنـيـت =يسابقنـي علـى خـط القلـم ويجـيـك تحتـيـه!!
وألا أدري هل خطيت الوقت ولا هو خطاء وأقديت?? =ولا أدري عقلـي الأمـي أو الدمعـات الأمـيـه??
وحبري هو المحيط الأطلسـي يـوم إننـي داويـت =بريشـة طيـري الـطـاؤوس الأقــلام العنيـديـه
وطرسي من جلود(ن) بالقرض تدبـغ وإذا خطيـت =فعقلـي فيلـسـوف وفكـرتـي دبـلـوم نفسـيـه
وشعـري جامعـة وبهـا تلاميـذ القـلـم لفـيـت =وقولـي منهـج التعليـم وفـصـول(ن) دراسـيـه
حياتي والممات بـذا الزمـن شينـي بهـا ساويـت = ولا زد همنـي فـرصـه أخـيـره أو مصيـريـه
وليلي لندلـج جريـت صوتـي بـه وليـن أبكيـت =طواهيـش الغـداري والوحـش والبـوم والحـيـه
وأدرقـل لاحنـي محـزون وأجـره وإذا جريـت =كسـوا الألحـان كلمـات(ن) عظيمـه وإرتجالـيـه
تعلمنـي وأعلمهـا تسامـرنـي وإذا خصـيـت?? =سؤالـي جاوبـت: مـادل فـي صيـغـه بلاغـيـه
تزعلنـي وأزعلهـا وترضيـنـي وإذا راضـيـت =بكـت لـي وأستبـاح الفـرع بالوجهـات الأصليـه
وهي ثنتيـن: وحـده تضحيـه وأخـرى إذا شليـت =فهي صيـب ونصيـب وحسرتـي بالجـاش جوفيـه
صدى صيحاتهـا قلبـي وأنـا فـي بيرهـا دليـت =وألا ويلاه ياقصـه زمـان(ن) جيـت فـي طيـه!!
وهي مثل الكفن للميـت يـوم إنـي لهـا حبيـت?? =وأنـا مثـل السجيـن لحبـهـا والحـلـم حـريـه

قصيدة النجمة السداسية والزئبق الازرق

بصوت الشاعر فهد اليامي

والمقطع يعمل ببرنامج Nokia Multimedia Player

ويمكن تنزيله على الجوال وحجمه 1.68 م.ب وهي على الرابط التالي:


http://www.arbup.net/v/2318475/29_28...2_1__.amr.html

روعه ياأستاذي الجليل
الــــــســـــلــــطـــان
بارك الله فيك على المجهود الكبير يالغالي
وصح الله لسان شعارنا الكرام
وقصائد جزله

السلطان


تسلم على النقل وصح الله لسان

الشاعرين الرائعين قصائد عجيبه


لاهنت اخوووي السلطان وموفق يارب


اخوووووك برق الوســـــــــــــــــــــــــــم

السلطان ماشالله عليك اقول ماتعبت
صح السان قايلها وسلمت يدين كاتبها
روعه من روائع الشعر

ناصر الفراااعنه الشاعر العملاق

لقبه شاعر الجن والانس

مشكور ابو عبدالله

جداً اختيار موووفق

بيض الله وجهك

وعز الله وفقت في النقل يابو عبدالله

ومجهود تشكر اليه

وشعر عجيب غريب

تحياتي

لا إله الا الله ....

شاعر معجزه سبحان من اعطاه . وصح لسان اليامي ماقصر


صح لسانك ولسان الشاعر اخوي ابوعبدالله ... لاهنت

صح لسان الشاعر ..

قصيدة طويله بس حلوه تسلم ياأبو عبدالله على النقل ...

أبو عبدالله قصيدهـ رآئعه وأجمــل ممكن كنت أتخيــل ...


سلمت يداكـ عزيزي والله يعطيكـ العــافيــه ..


دمت بصحهـ وعافيــهـ ..!