عبدالله العلاوة و حبيب العازمي (صوتية)

محاورة قديمه جمعت بين عبدالله العلاوة البنيوسي الحارثي و حبيب العازمي العتيبي

ونظرا لكثرة الطلبات على سماعها تم اضافتها مع تحفظنا على ماقيل فيها

http://www.harthi.org/uploader/photos/142.mp3

المقطع الثاني

http://www.harthi.org/uploader/photos/143.mp3

العلاوه
-

بيني وبينك ياحبيب مواعيد=فيها اتفاقيه من العيد للعيد
واليوم حان الوعد والزايد يزيد =والصبر زين وكل مطرود ملحوق
انا بيني وبين العازمي ميعاد = ولاحد(ن) يضمن المحضار والغيبه

-

من لاحســب للواقــعه قبل تاقع=ينسى طموحاته وينسى المطامع
مــا يقدر الهوشــه لوانه تفــارع =والصبرزين وكل مطرود ملحوق
مادامت صحبتك من غير ملح وزاد = اجل هذي تراها صحبت الخيبه

-

حبيب
-

ماني بخابر وعد لكن هيا=نبي نقرر وعدنا من هنيا
يااللي تثاري ليش ياابا ثريا =والصبر زين وكل مطرود ملحوق
لاتسرع ياالعلاوه تقطع العداد = ولا يبقى معك عداد تمشيبه

-

يامل قلبن مايبى الشعر كله =لولا العصيمي كان يمديه مله
عقدن عسى رب الخلايق يحله =والصبر زين وكل مطرود ملحوق
يازين الصوره اللي جات من بغداد = رسمها واحد(ن) يفتل فا شانيبه

-

العلاوه
-

قــرر وانا اقرر عســاك بمــصــيبه =مــاهي غريبه مــنك ماهي غريبه
تمسي وتصبح مع شباب(ن) وشيبه =والصبر زين وكل مطرود ملحوق
ماتسكت لين تونس ضربة المسجاد = وتستعرف بعلمن ماانته داريبه

-

ياشين صوره فالجرايد بدتلك =بارك وبالامراس مشدود حملك
مستور يبكيلك وملفي ضحكلك =والصبر زين وكل مطرود ملحوق
انا رجال لاشامت ولا حساد=لوانه صابك من ايامك مصيبه

-

حبيب
-

اول مصيبه يوم غنيت انا وانت =واخر مصيبه يوم اردك كما كنت
مادام هذي منك انا عنك هونت =والصبر زين وكل مطرود ملحوق
ابا الهرجه وابا الدله ماابا البراد= لكن الوقت ماتصفي مشاريبه

-

الشعر ياعبدالله ابن العلاوه =لا تحسبنه ياالعلاوه حلاوه
والصنف يحسب للموظف علاوه =والصبر زين وكل مطرود ملحوق
انا رجال وادرى كلمة النقاد =ومن لاله بصيره ويش اسويبه

العلاوه
-

شاعركم اللي ياعتيبه لقيته =ظلا شبح مار انقلب بسكليته
وانا برجلي في طريقي وطيته =والصبرزين وكل مطرود ملحوق
تبى الدله وتبغالك سيوف حداد=تصبحلك بسيف وسيف تمسيبه

-

يااللي حصلك تالي الوقت قصه =الشعر لوانه حلاوه تمصه
وانته متكي فوق ذيك المنصه =والصبر زين وكل مطرود ملحوق
أبا ازيدك مادام انك تبى تزداد =لكن انصحك خل التمر فاالعيبه

-

حبيب
-

شاعر بني الحارث نعرفه بالأشناب=ولا هذا ورع(ن) لاودى ولا جــاب
في برحة القزاز ســواق دبــاب=والصبر زين وكل مطرود ملحوق
انا في ذمتي لقضبله المرصاد=واطقه بالعصا واكسر عراقيبه

-

مادام طبعك يالعلاوه كذا روح=لا باب متقفل ولا باب مفتوح
واختامها يا جار مسمار فااللوح=والصبر زين وكل مطرود ملحوق
انا ابنيها وانا احميها مع الأجواد =واكب اللي خبيثاتن عناديبه

-

العلاوه
-

الورع صاعك يا حبيب وراعك =في برحة القزاز لزمك وباعك
وصلك مشوارك وطير شراعك=والصبر زين وكل مطرود ملحوق
تهددني والاقدتك تجي منقاد=لكن الحارثي كافتك في جيبه

-

اقضب عصاتك في عفيف وتجمل =وان زانت الحملات قرب وحمل
مره بلا شمله ومره مشمل=والصبر زين وكل مطرود ملحوق
تطرطع ما تطرطع جاك قدح زناد=وجالك حمل تالي الليل تسريبه

-
-

حبيب
-

الورع طول في الجدايل وخنفس =والورع كثر فالازره ودنفس
حنا نرده للسنع مار ينكس=والصبر زين وكل مطرود ملحوق
حاداني يمك المحدار و المسناد=كريم وكل طرقي(ن) تجيبه

-

ماني بجاهل واستمع في الجهاهيل=رجال وادور كلام الرياجيل
واللي يعير ما يحصل محاصيل=والصبر زين وكل مطرود ملحوق
مسامح روح وصلها لابن عياد=وابن عياد ما تطفي مشاهيبه

-

العلاوه/
-

خنفست لجل اصيد بعض الخنافس=اللي على طول الجدايل تنافس
واللي تربط بالحبل مايرافس=والصبر زين وكل مطرود ملحوق
انا برقبك فالمرواح والمعواد=لوان المسجد الأقصى تصليبه

منقول

الله الله يا أبو نايف

زمان يالعلاوة زمان

واليوم تغيرت الأحوال

مشكور يا أبو نايف الله يسلمك

اقضب عصاتك في عفيف وتجمل =وان زانت الحملات قرب وحمل
مره بلا شمله ومره مشمل=والصبر زين وكل مطرود ملحوق
تطرطع ما تطرطع جاك قدح زناد=وجالك حمل تالي الليل تسريبه

هذي هي الأبيات اللي طيرت حبيب في العجة

وضيعت علومه ...!!!

راااائعه المحاوره اخوي ابو نايف لو الكثير اختلف

في معنى حبيب الابيات الاولى الموال الثاني

اللي يقول فيه يازين الصوره اللي جت من بغداد

فهي سوت ضجه كبير بين جمهور المحاوره على المعوم المحاوره

طيبه لو سلمت من بعض الكلام اللي مايليق في حبيب او عبدالله

لك اطيب تحيه

تسلم يابو نائف شعرا لهم جمهورهم الكبير في انحاء المملكة العربيه السعوديه

هههههههههههههههههههههههههههههه

عليك طلعات يا بونايف

تسلم وما قصرت

ابوعبدالله
ابوعلي
السعد
بدوي فاهم
يسعدن تواجدكم وردودكم

أبو نايف

تسلم علي هذي المحاوره الجميله جداَ
لـ شاعرنا العلاوه

ورجال ماقصر أبدع في الرد علي حبيب

ودمـ كما تحب ــت

مشكور اخوي عذب الكلام