هرج القفا

بسم الله الرحمن الرحيم
هذه القصيده جديده
واللي يقراها يعرف موضوعها
اتمنى ان تنال اعجابكم

بديت باسم الله رب العبادي=رب العباد وعالم كل الاسرار
هو الوحيد اللي عليه اعتمادي=سبحانه اللي خالق إبليس من نار
اللي رفع سبع بليا عمادي=الواحد اللي للمخاليق غفار
يالله ياربي تحقق مرادي=وتزلزل العدوان والناس الاشرار
ناس يحبون الحكي والدوادي=اهل الريا والشك والكذب والعار
اقلوبهم متغطيه بالسوادي=ونفوسهم فيها من الحقد مليار
كلامهم مثل السيوف الحدادي=من هرجهم قلبي يقطع بمنشار
قدرتهم واسكنتهم في فوادي=وحطيتهم في داخل القلب مقدار
غير نظرهم ذا الزمان الرمادي=كبار مير عقولهم دايم صغار
اروح ولااقعد واطول رقادي=هم وشلهم فيه عسى ايامهم نااار
عسى نساهن يلزمن الحدادي=وعسى جميع ايامهم عج وغبار
طبعي كذا والحظ دايم شدادي=احب اسج الرجل في كل الاقطار
احب ادير الفكر والجو هادي=واخاوي اهل الطيب والناس الاخيار
وطيبي ماهوب بهرج ناس حقادي=طيبي يعرفه دايم الضيف والجار
للجار اقدم كل مافي مرادي=والضيف وان جاني لقى شبه النار
وإن جانهار فيه سم الاعادي=اللي مع اهل الطيب مارد ومصدار
ماهوب مدح في بس الوكادي=اني اصد النفس عن بعض الاخبار
ابوي علمني بكل المبادي=يقولي ياعيد لاجاك خطار
قدم لهم كل الذي في الايادي=واحذر ترى ياعيد ذالوقت غدار
يقول خلك فاليالي سنادي=وانصحك لاتتبع قصيرين الانظار
يقول خلك مثل طير الهدادي=وانصحك انا ياعيد عن بعض الاشوار
واقوله يابوي عزك مرادي=تامر عليه لو اقف داخل النار
يابوي دام الراس حي ينادي=انا معك يابوي لو الزمن جار
نذر عليه قبل اجي في اللحادي=لتشوفني يابوي في درب الاحرار
والله لرد الحق لو كان غادي=بامرالله اللي عالم كل الاسرار
سويت لي قاف بقدح الزنادي=اصخر قصيدي واعرفه بين الاشعار
وصلاه ربي عد ماسال وادي=على النبي عداد ماطاير طار

وسلامتكم

سلمت ياالغربي

صح لسانك وطال عمرك

كل التقدير

زعيم الحب

صح بدنك ولاهنت على

المرور

نـاس يحبـون الحكـي والـدوادي=اهل الريا والشك والكـذب والعـار
اقلوبـهـم متغطـيـه بالـسـوادي=ونفوسهم فيهـا مـن الحقـد مليـار
كلامهـم مثـل السيـوف الحـدادي=من هرجهـم قلبـي يقطـع بمنشـار
قدرتهـم واسكنتهـم فـي فــوادي=وحطيتهم في داخـل القلـب مقـدار

اخوي الغربي للاسف هذا الحاصل هذه الايام

صح لسانك وبيض الله وجهك
وفي انتظار جديدك
تقبل تحياتي

بيض الله وجهك

يالغربي

على ها لجزله

اخي الفاضل الغربي ( عيد )
والله العظيم اني مشتاق لمعرفتك
اشتياق الارض للمطر
بعدما قريت قصيدتك الجميلة
ولي قصيدة حول الوضع الذي ذكرته
اقول فيها :

لاتـسـتـمـع في راعي القال والقيل = عـلوم يـوديـهـا والاخــري يـجيبي
عايش على النمة قليل المحاصيل = طـبـيـعـتـه نـقـل الـكــلام الـمـريبي
يـفـرح ليا شاهد على عزوته ميل = قـمـلـة قـفـى تـزعـج بكثر الدبيبي
والرأس يبقى رأس مايشبه الذيل = ودرب المعالي يا النشاما صعيبي
والصقـرمنـزاله برؤس الشهاليل = والـبـوم منـزالـه بـجــال الشعيبي

حبيت مشاركتك بهذه الابيات، وان شاءالله اورد القصيدة كاملة في اقرب فرصه

وتقبل تحياتي

صقر قيا

ابن جربان

صح بدنكم وبيض الله وجيهكم على المرور الرائع

تقبلو تحياتي

		المشاركة الأصلية بواسطة : اقتباس
	اخي الفاضل الغربي ( عيد ) والله العظيم اني مشتاق لمعرفتك اشتياق الارض للمطر بعدما قريت قصيدتك الجميلة ولي قصيدة حول الوضع الذي ذكرته اقول فيها : لاتـسـتـمـع في راعي القال والقيل = عـلوم يـوديـهـا والاخــري يـجيبي عايش على النمة قليل المحاصيل = طـبـيـعـتـه نـقـل الـكــلام الـمـريبي يـفـرح ليا شاهد على عزوته ميل = قـمـلـة قـفـى تـزعـج بكثر الدبيبي والرأس يبقى رأس مايشبه الذيل = ودرب المعالي يا النشاما صعيبي والصقـرمنـزاله برؤس الشهاليل = والـبـوم منـزالـه بـجــال الشعيبي

		المشاركة الأصلية بواسطة : اقتباس
	حبيت مشاركتك بهذه الابيات، وان شاءالله اورد القصيدة كاملة في اقرب فرصه وتقبل تحياتي

==============================================
اخوي من رؤس بنيوس
الرجال تشرف بمعرفه الرجال امثالك
وصح لسانك وانشالله نشوف القصيده كامله
قريبا
اشكرك على المرور الرائع
والتعقيب الاروع
تقبل تحياتي اخوك الغربي

اخوي

الغربي

بارك الله فيك

قصيدة جزله ومن شاعرجزل

سلمت وصح لسانك

في انتظار الجديد

نـاس يحبـون الحكـي والـدوادي=اهل الريا والشـك والكـذب والعـار
اقلوبـهـم متغطـيـه بالـسـوادي=ونفوسهم فيهـا مـن الحقـد مليـار
كلامهـم مثـل السيـوف الحـدادي=من هرجهـم قلبـي يقطـع بمنشـار

صح لسانك يالغربي
قصيده تعبر عن واقع


بعض البشر اليوم

الله لايكثرهم وأنت

صح لسانك