ابيات رائعه في العفو والتسامح من بني العم

أبيات رائعه في العفو والتسامح من عيال عمنا

في 5/9/1418هـ عفا المدعو /عبدالله محمد الخالدي الحارثي عن القاتل فواز الحارثي

عسى الله أن يجزل له الموثبة والأجر

__________________________

يالله منشي نسيم الهبايب=ياعالم المكنون لو كان غايب
اغفر لعبدٍ مخلصٍ لــــك تـــــــــــــايب=أنت الاله اللي بعبدك بصير
واصلح عبادك في جميع البلادي=ياواحدٍ دايم عليك اعتمادي
سبحانك اللي للمخاليق هادي=بيدينك الارزاق والتدبير
هاضت هجوسي بالشعر ثم غنيت=من موقفٍ يفخر به الحي والميت
ورديت من زين الهجوس وتنقيت=وغيري تنقى فالمثايل كثير
هيضني الموقف ورديت قافي=جدايد بن هلال من بال صافي ي
نقى السمان ولايجي بالعجافي=صخر هواجيس الشعر تصخير
في موقف بين الرفيق ورفيقه=في ساعةٍ فيها من ابليس ضيقه
وخسران من يتبع بليس وطريقه=من يتبع الشيطان دربه عثير
قتل وعداوه بعد طيب وصداقه=وهم بني عم وقرابه
رفاقه وتقطعت بين الثنين العلاقه =وكسرٍ قوي يعجز عن التجبير
القاتل اللي ما اعتمد قتل جاره=رفيقه الوافي وداره بداره
راحت حياة اللي يعزه خساره =واحد قتل واخر في ايد الخفير
ساقه على القاضي وقال اعترافه=وهل العباير فوق خده حسفانه
والنوم بعد اللي حصل منه عافه =شاف العذاب ومنكر ونكير
حكم عليه الشيخ يقتل قصاصي=بالسيف ماهي طلقةٍ بالرصاصي
ولا واحدٍ عن حكم الاسلام عاصي =حكم القضا لازم علينا يسير
ماسنه المولى علينا نطيعه=احكام بالاسلام ما هي وضيعه
طبق عليه الشيخ حكم الشريعه=شريعه من نورها نستنير
واصبح نزيل السجن خمس اسنواتي=بين الحياة وبين طعم المماتي
سهران ليله ما تهنى المباتي=يعاقب الونات والزفير
وحلوا هل المعروفمن كل ديره=يرجون عبدالله وشيخ العشيره
بن حميدي له على الرفق غيره =وطيرٍ بلا جنحان ماله مطير
وصلوا محله من جميع القبائل=وصلوا لابو خالد كريم الخصايل
وفعل الجميل يدوم والعمر زايل=لهم على بيته وريد وصدير
من داعية بنيوس جا ربعٍ قروم=قيفٍ سواة السيف ماهو بمثلوم
لهم في المعروف تاريخ وقسوم =قيفٍ كما البحر العميق الغزير
ومن الشلاوي جا رجالٍ مطاليق=قيفٍ يسد الريع في حزة الضيق
اللي على فعل الجمايل مشافيق=سعد الضيوف ونجدة القطير
وجا من الموسى رجال ثقاتي=اهل الوفا والمدح والطيلاتي
اللي لهم يوم المواقف تباتي =بحرٍ لموجه لاصفق هدير
وجا من الحسكان ناس مسمين=العزوة اللي فاللفا تقضي الدين
أهل الوفا في كل ميدان وافين=واهل المروه يمنعون الاسير
وجا من الشعثان ربعٍ كرامي=اهل الوفا والمدح في كل عامي
خويهم طول العمر ما يظامي =اللي لهم بين العرب تقدير
العزوه اللي ذكرهم يشرح البال=اقوالهم دايم تبرهن بالافعال
صلحوا بعد واحد وعشرين رجال =لهم على فعل الجمايل مشير
قالوا اسمحوا لي ياجميع الوفودي=ماعندنا فالهرج نقصٍ وزودي
لا حل فالساحه تحل العقودي =ميقاف ثابت ماعنه تغيير
وفي يوم خمسه في نهار ارمضاني=في عام عشر وفوقهن ثماني
فوق أربع أميه ألف والنور باني =في ساعةٍ فيها العقول اتحير
نادى المنادي ياخفير السجوني=ازهم لنا فواز ياتي بهوني
ناداه قال أظنكم تقتلوني =حل الاجل وتحقق المصير
قالوا تولم كان عندك وصايه=ولا عن الحكم المسمى عصايه
وفي ربع ساعه والخفارات جايه =وهو مكانه واقفٍ يستدير
قالوا توض وصل لك ركعتيني=وناظر شمال ورد طرفه يميني
وقال يارب لمثلي تعيني =ون وتضجر ونة الحسير
وجاه المحدث قال خلك عزومي =يلطف بك اللي بالخلايق رحومي
اطلب كريم الوجه جال الهمومي =سبحانه اللي بالبشر خبير
وحطوا على وجههمن الشاش لفه=ويديه من خلفه على الظهر صفه
وفالموتر المشؤم عسكر تدفه =وتحرك الموتر وصاح القير
مشى به اللي للمحابيس سائق=واخذ في المشوار جملة دقايق
والدرب قبله ماش فيه العوايق=ماله عن السيف الرهيف امجير
اخذوه بعضوده وهو ما يشوفي=وعجزت عظامه لاتقل الوقوفي
والناس من حول البراحه صفوفي =وبرك على فرشٍ من الحصير
وتلى البيان اللي يقص البياني=وهومقيد بين خوفٍ واماني ي
سمع صليل المرهف المذهباني =يكسر العظم القوي تكسير
تولم السياف حوله يحوفه=وهو معمم بالنظر مايشوفه
سمع صليل السيف وارخى كتوفه =يردد التهليل والتكبير
رفع يده بالسيف يبغى يلوحه=ونادى المنادي بالعفو والسموحه
وتلجلجت مابين الاضلاع روحه =وصاح الصغير وهلل الكبير
وتقدم اللي منبع الطيب ساسه=وحط اليمين الوافيه فوق راسه
مسح عليه ولديم الحراسه =قال العفو من شيمة اهل الخير
وبرك على الركبه وقدم يمينه=وحل الوثاق اللي مجود يدينه
وشال الغطا من فوق وجهه وعينه =وتعاظم التصفيق والتصفير
وترعرع الجاني لخصمه وظمه=وسلم على راسه وخشمه وفمه
وقبل يديه وخمت ايديه كمه =من الفرح يحبي سواة البعير
قام وقعد من فرحته في مكانه=ومن شدة الموقف تلعثم لسانه
وتذكر أقرابه وبوه وخوانه =ورفع يده يدع الإله القدير
وطبوا على الساحه رجال الصحافه=واحدٍ وقف قبله والاخر خلافه
وعجز يقول الهرج من شي شافه =في موقفٍ يتبلد التفكير
قال أول الاقوال بثواسلامي=والعفو من طبع الرجال الكرامي
ارجو المثوبه في نهار الصيامي =من غير تحريفٍ ولاتحوير
العفو من طبع النبي والصحابه=اليا عفينا ما علينا غرابه
حنا بني عم ورفاقه قرابه =قرابةٍ تستاهل التقدير
واقوال ماقال النبي ابن يعقوب=لاخوانه اللي لفقواعلم مكذوب
رجعوا عشا يبكون والدم بالثوب =ويوسف موطينه بجال البير
وادعي لخالد في شبابه يعوضه=يالله تجعل له في الخلد روضه
ويرافق اللي يروي الناس حوظه =واكفه وناجه من لهب زمهرير
كلٍ دعى له بالعفو والمثوبه =بالله ياجبار تغفر ذنوبه
وانك تسهل ياالالهي دروبه =توفق اللي موقفه شهير
أقول علمٍ ثابتٍ بالوكايد=ماني بناقص فيه ولا بزايد
تحدثت عنه الصحف والجرايد=وبثوه في المذياع عبر الأثير
مني لعبدالله عريب الجدودي=وربعه الخلد لباس وعضودي
شيخ وجبر ترسي سواة الحيودي =البيض تغشاهم كبير وصغير
الخلد اللي للمذاهب مقيمين=رجالهم معروف فالعسرواللين
ربعٍ كرام انفس ولا هم شحيحين =البيض للمامور والامير
اميرهم شيخ يسمى سعيدي=مرسي على القالات يابن حميدي
قيدوم للخلد ورايك سديدي=موقفك وافي ماش به تقصير
من لابة الحرث هل المدح والزود=فيهم كرم متوارثينه من جدود ق
يفٍ مسمى كنه السيف محدود=اهل الجمايل فالنهار العسير
عبرت عما يختلج فالظمائر=عن موقفٍ من جملة شعيث ساير
العزوه اللي ماتهاب الخساير =تعيبرعما يختلج فالضمير
وصوا بعضهم بالوفا والموده=رجالهم وافي في الكيل مده
واليا بدا ربع النشاما تسده =تعطي على فعل الجمايل بشير
من غير نقصٍ في جميع البدودي=الطيب في العربان جاهل وعودي
الطيب ثابت في وطنا السعودي =حقائقٍ ما حافها التزوير
الطيب ثابت والكرم في وطنا=في شرقنا في شامنا في يمنا
والحارثي شاف الحقائق وغنا =قولٍ مسطر بالفعل تسطير
وادعوا معي ياسامعين المحاريف=يالله تعين مقدمين المعاريف
ويالله تخفف عنهم الذنب تخفيف =وانك تكافيهم عذاب السعير
وصلوا على المختار سيدنا البرايا=رسولنا المرسل كريم السجايا
صلوا عليه وكثروا في التحايا=شفيعنا فالموقف الخطير

اللـــه يعطيـــك العافيـــة يابــو نايـــف
ومــن عفــى واصـــلح فاجــره علــى اللــــه
ولاهنـــــت يابــو نايـــــف

عفى الله عما سلف

قصيده جميله جميله

حكى فيها الشاعر من بداية القظيه إلى حظور القبائل إلى قصته في السجن إلى العفو

شاعر متمكن عن جد صح لسان

ولا هنت أخوي أبو نايف

		المشاركة الأصلية بواسطة : الجيعان اقتباس
	اللـــه يعطيـــك العافيـــة يابــو نايـــف ومــن عفــى واصـــلح فاجــره علــى اللــــه ولاهنـــــت يابــو نايـــــف

البقا يا الحسيكي

هاذي فعايل بني الحارث العفو عند المقدره


الله يعطيك العافيه على المرور

تحياتي

هلابك الغريق مشكور على التنسيق

تحياتي لك

ما أعظم التسامح
وما أروع العفو عند المقدرة
صح لسان الشاعر الحارثي
ولا هنت أخي الغالي أبو نايف
على نقل هذه القصيدة لنا

مشكور اخوي ابونايف

الله يسكن القتيل الجنه وهله يعوضهم بخير منه

وجزاهم الله خير على مافعلوا

السلطان

عواض الشلوي

الله يعطيكم العافيه على المرور

والله لايحرمني ردودكم

تحياتي لكم

^
^

قصيده تحمل الكثير والكثير عن العفو والتسامح ^ ^


تسلم أخوي على الانتقاء الرائع ^ ^

قصيدة جزلة

صح لسان شاعرها

لاهنت