صادفتها صدفة .. في مستوصف القمة ( قصة وقصيدة )

السلام عليكم ورحمة الله وبركاتــه....
يقولون إنها قصه حقيقية لواحد تزوج وحدة وطلقها
ناس تقول مسحورين
وناس تقول عين
الله أعلم

المهم الشاعر أوجعه ضرسه وراح يحشيه بمستوسف القمة
وشاف مطلقته ومعها أخوها وقال هالقصيدة الحزينة..

صادفتها صدفة بمســــتوصف القمة =بالعين راعيتها لحــظة وتـرعانـي
شميت أنا عطرها ويا بخت من شمه =يدوخ ويسكر ولو ما هوب شرباني
قــمت أتـذكر زمــان فــــات وألمــــه =لاعــادة الله نصــيب يوم ودانـــــي
هـلت دمــوع العــيون ولابــقى غـمة =ممـا جــرى لي نسيت ألآم الأسنـاني
معهـا أخــوهـا رفع كفة عـلى فمــــه =كنه يقـــول الله الستـــــار ياقـانــــي
نفس الملامـــح ويشبه دمهـا دمــــه =سبحان رب خلقــهم دعــج الاعيـاني
يدري بحبي وتدري أمــــــة وعـمــة =حـال القدر بيننا والحـب سلـــــطاني
يبكي ويمسح دمـــوع عيونه بكمـه =يبكـي علــى شانها ويبـكي على شاني
والله لولا الحــياء والـدين لاضـمــة =وأسمــعه شهقــة من قــلب شفقـانـــي
والحب بلوى ومـنة النفس ملـــتمة =وش حيلتي والغضـي دمـي وشريـانـي
أسمي يروح ويجــي والقلب من يمة =القلـب عندة يبـية ولايبـــي ثــــــانـــي
أقسم بربي وأنـا لـــي مذهـب وملــة =لاعيش أحبــة ولــو حبــه علــي جاني
شربت كاس الهوى ورويت من سمة =مامت وارتحت ولاهـوب اللي أحيانــي
وأضحك مع الناس والأحزان منضمة =كني سعيــد وأنا مبلـــي بالاحــزانــــي
عنـدي وصية وتـال الهــــرج يـايمـة =المــوت حق على القاصـي مـع الدانـي
وأن صرت فوق النعش والناس ملتمة =مــروا علـى بيتها وتشـوف جثمــانــي
قولوا لها المــوت زم صـويـحبك زمـة =ما مات حـبة ولــو هو بالنعـش فـانـــي
شلنـــاه للمــقبرة وأدعيــلة القمــة =خوذي جوابه وجودي له بالإحســانــي
يالله يالمقــتدر ياكـاشــف الغمــة =تفــرج لمـن حالــته دوم بنقصــانـــــي

وأضحك مع الناس والأحزان منضمة=كني سعيد وأنـا مبلـي بالاحزانـي
يالله يالمقتـدر ياكـاشـف الغـمـة=تفـرج لمـن حالتـه دوم بنقصانـي

صح لسانه وصح فكرك وذوقك
قصيده محزنه حييييل

اختيار رائع حاتم لقصيده رائعه

صح السان الشاعر وشكراً لك على النقل

		المشاركة الأصلية بواسطة : هدوء الشدادين اقتباس
	صح لسانه وصح فكرك وذوقك قصيده محزنه حييييل

صح بدنك يا هــدوء
حزنتيني معك :icon_cry:


شاكر لك حضورك والله يبعد عنك الأحزان

		المشاركة الأصلية بواسطة : الداخل اقتباس
	اختيار رائع حاتم لقصيده رائعه صح السان الشاعر وشكراً لك على النقل

العفو الداخل

والأروع مرورك الله يحفظك

قصيدة رائعة :6666:
عاد أنا حافظتها مثل أسمي من حبي لها

وحسب معلوماتي المتواضعه أن القصيدة كاتبها واحد من أهل سدير( يالبى سدير وأهلها)
تقبل مروري خيو

		المشاركة الأصلية بواسطة : اقتباس
	عندي وصية وتـال الهـرج يايمـة الموت حق على القاصي مع الدانـي وأن صرت فوق النعش والناس ملتمة مروا على بيتها وتشـوف جثمانـي

قصيدة رائعه بالفعل 0 واختيار اروع

اخوي حاتم

لاهنت ويعطيك ربي العافيه وتقبل احترامي

		المشاركة الأصلية بواسطة : شمعة الدنيا اقتباس
	قصيدة رائعة :6666: عاد أنا حافظتها مثل أسمي من حبي لها وحسب معلوماتي المتواضعه أن القصيدة كاتبها واحد من أهل سدير( يالبى سدير وأهلها) تقبل مروري خيو

وش عندك بـ سدير يا شمعة

خليك على القويعية وأهلها :icon_mrgr


شاكر لك حضورك شمعة الدنيا

		المشاركة الأصلية بواسطة : ابن مهرس2008 اقتباس
	قصيدة رائعه بالفعل 0 واختيار اروع اخوي حاتم لاهنت ويعطيك ربي العافيه وتقبل احترامي

هلا بك ابن مهرس 2008


لاندمت يابعدي
شاكر لك حضورك وتواصلك الدائم

:icon_cry: :icon_cry: :icon_cry:


حراااااام عليهم وش يبون فيهم الله يكفينا شر الحساد آآآآآآآآآآآآآآآآآمين يارب

صح لسانه واحساسه ومنطوقة قصيدة أكثر من جميلة

شكراً لك حاتم على النقل المميز

تقبل مروري .