آخر 10 مشاركات |
مختارات | الحقُّ يَعْلو ولا يُعْلى عَليهِ |
|
||||||||||||||||||
(عنتر) على خواته ,, و(دجاجة) عند المدام !!
أخوها مانعها تروح الفيصلية يقول مسخرة وكله مغازل واحترمت هالأخ ولاراحت لها يوم تزوج وكل يوم هو والمدام في الفيصلية طيب وين المسخرة والمغازل الحين !! ::::: وحده تقول أخوها مبلشها كل يوم تسوي له عشاء لأصحابه وأبي أصناف غريبة وأبي وأبي .. وطلباته ماتخلص تقول يوم تزوج قلت بس فكة برتاح .. تقول صار يطلب مطاعم وعقب صار يضيفهم شاي وقهوة ومع السلامة المدام مارضت تطبخ له !! ::::: أخوها يبلشها ورى نقابك كذا .. عيونك تفتن غطيها ورى لبستك كذا .. بدلي لبسك ضيّق ويوم تزوج والمدام تلبس اللي تبيه وضيق ومخصر وعند حموانها ولاكأنه يشووف يعني صارت العيون ماتفتن الحين !! ::::: أحاديث وقصص عشناها وسمعناها كثيراً تجسد واقع الأخت المغلوب على أمرها التي تحاول أن ترضي أخاها من باب الإحترام وتحترم مبادئه وقناعاته ولكنها تفاجيء بعد زواجه بتغيير تلك المباديء وتنتزع من المبدأ لـ تتحول إلى مزاجية بغيضة لا أعلم لما الإستبداد بالأخت ومحاولة فرض الأراء عليها وبعد الزواج تتغير المفاهيم لـ نجد أن الزوجة تفرض قناعاتها على الرجل فيكون صاغراً لها !! :::::: فـ هل كانت تلك المباديء وهماً ومجرد فرد عضلات ؟ أم أن شخصية الرجل تضعف بعد زواجه ؟ أو عشانه متعود ع خواته والحرمه كائن جديد دخل حياته فيستحي منها ؟ ::::: "الفكرة مقتبسة بتصرف مع إضافاتي"
|
09 Mar 2010, 02:34 AM | [ 2 ] | ||||||||
عضوة متميزة
|
والله جبتيها صح ياترف صدقتي وربي لي عودة للمناقشة .. |
||||||||
|
|||||||||
09 Mar 2010, 02:36 AM | [ 3 ] | ||||||||
عضو مرشح للإشراف
|
أخوها مانعها تروح الفيصلية يقول مسخرة وكله مغازل واحترمت هالأخ ولاراحت لها يوم تزوج وكل يوم هو والمدام في الفيصلية طيب وين المسخرة والمغازل الحين !! رايح هو وزوجته عاادي معه محرم ســلامات تبينه تروح الفيصيله بدوون محرم والله حاااله والله ليقطعوونه |
||||||||
|
|||||||||
09 Mar 2010, 03:53 AM | [ 4 ] | ||||||||||||||||||||||||||||
عضوة متميزة
|
بانتظار عودتك |
||||||||||||||||||||||||||||
09 Mar 2010, 03:59 AM | [ 5 ] | ||||||||||||||||||||||||||||
عضوة متميزة
|
وشهد شاهد من الرجال قلت بلسانك عادي يروح ويا زوجته طيب حلال عليه هو وزوجته وحرام على أخته ! أنا ماقلت بدون محرم وشي طبيعي بيكون وياها أحد خصوصاً بالفيصلية سواء بمطعم أو بسوق لكن وينه عن أخته ليه ماراح معها وصار محرمها يعني بدون نقاش الأخت بيقولها مابقى إلا الفيصيلية وحتى المملكة وحتى لو بغت مملكة المرأة طلبات ومعروض وبالأخير العذر فساد وأي محل بيكون له فرع بالأسواق الثانية وبالمقابل تلاقيه يتعشى بالمملكة هو والمدام ونسى سالفة الفساد مع خواته وهذا الحاصل ! |
||||||||||||||||||||||||||||
09 Mar 2010, 11:45 AM | [ 6 ] | ||||||||
مؤسس شبكة الشدادين
|
من جديد يا هلا والله بمشرفتنا ترف وموضوعها الراقي جداً والواقع الذي نشاهده كثيراً ولا ينكر حدوثه إلا من كان تعامله مع أخواته وزوجته على حد سواء..فعلاً هنا مفارقات قوية وتناقضات كبيرة وتباينات في التعامل لا يمكن أن يقرها عقل من رضي العدل وأراد المساواة أنا معك في حصول هذا الأمر ومن فئات كثيرة تقوم بتغليب جانب الزوجة على الأخت المسكينة في كثير من الأمور أنا ضد هذا الأمر وخاصة بعد الزواج فالزوجة هي من صارت مسئولة عن احتياجات زوجها وتلبيتها والأخت ما قصرت كفّت ووفت أيام عزوبيته والآن وجب عليه احترام راحتها إلا لأمر تقوم هي به برضاها أو يكون محتاجاً لها في حال مرض زوجته أو ولادتها أو لظروفها الأخرى كما يجب على الرجل مراعاة شؤون أخواته والاهتمام بها وقضاء احتياجاتهن خاصة في الأسواق أو التعليم أو التوظيف أو غيره فالأخت لا مثيل لها ولا بديل والله يحفظك ويرعاك |
||||||||
|
|||||||||
09 Mar 2010, 01:35 PM | [ 7 ] | ||||||||
عضو متميز
|
بصراحة من يوم شفت عنوان الموضوع ومن دون ما أقرأ كاتبه قلت : أكيد هذي ترف << عارف أسلوبها هههههه بصراحة مبدعة دائماً بمواضيعك الزبدة أنا أشوف ومن وجهة نظري الشخصية اللي يكون متسلط على خواته سواءً كان متزوج أو أعزب ليس برجل ورخمة لأن الأخت مهما فعلت لن تجلب العارألا إذا كان شاك بتربية والديه والشباب المتسلطين يروا مايفعلوه البنات غير المتربيات في الأسواق من حركات وغمزات وهمزات وطريقة لبس وحركات ويبني ذلك على أهل بيته غلط وأكبر غلط ( الأصابع في اليدين ماهي سوى ) وبالنسبة للرجل اللي تغير شخصيته الزوجة وتسيره على ماتهتوي هذا ماهو رجل رخمه لأن الرجال قوامون على النساء مو العكس وأما سالفة ماتسوي العشاء لضيوفي قوية بيت أهلها أولى بها وترى الحرمة زي السيارة تتركها وتركب غيرها <<< هذا المستخدم مايحب الفيصلية لا قبل ولا بعد الزواج ههههههه ترف ينطيك العافية على روعة الموضوع |
||||||||
التعديل الأخير تم بواسطة طــارق الشدادي ; 09 Mar 2010 الساعة 01:38 PM
سبب آخر: إضافة بسيطة
|
|||||||||
09 Mar 2010, 02:05 PM | [ 8 ] | ||||||||
عضوة متميزة
|
والله ياترف اممممم مدري وش اقول لاني ماشفت الا كل خير من اخواني وماقصروا الله يطول باعمارهم طبعا فيه هوشات وما هوشات بس مايرفضون شي بدون سبب او بدون عواقب (واصلا مالهم دخل في روحاتي وجياتي بابا عندي هو اللي يتحكم فيني او ماما) والرجال اذا تزوج شي طبيعي انه راح يروح يتعشى مع زوجته لان الزوجه غير الاخت سوالفهم غير وكل شي غير وكل شي يختلف ^_^ بس لو راح مع اخته بيرتفع ضغطه وهو يلحق وراها ومسألة العبايه عادي الزوجه تقدر تقول اني البس العبايه اتكشخ عشانك وتقدر تقنعه بطريقتها الخاصه بس البنت وش بتقول بتقول اني اتكشخ عشانك يا اخوي بيقول دحدري الله يجزاك خير ع اقرب مخرج وتكشخي عند زوجك مو عندي او ان سبب تغير الرجال لسان زوجته يلوط اذانها :d والله اعلم ^_^ ترف موضوع في قمة الرووووووووعه يعطيك العافيه يالغاليه ^_^ |
||||||||
التعديل الأخير تم بواسطة أم الفزعات ; 09 Mar 2010 الساعة 03:03 PM
|
|||||||||
09 Mar 2010, 09:30 PM | [ 9 ] | ||||||||||||||||||||||||||||
عضوة متميزة
|
وياهلا بتواجدك الراقي هذا الواقع ولايمكن إنكاره وينوجد بكثره أحيان يكونون كل العيال حلوين وينط لك واحد مدري وش يبي ومحد يرضى هالتعامل يعني كيف تمنعني من شيء وبالمقابل ترضاه لزوجتك بيكون فيه تزعزع وعدم قبول .. أنا بالنسبة لي عندي قاعدة مع اخواني قبل الزواج اخوان وحبايب ويامرون باللي يبونه وبعد الزواج يصيرون عيال عمي هههههههه بجد أوكيه ألبي لك احتياجاتك الطارئة لكن حركات التحكّم ماأرضاها والبنت بتكون غيوره وحساسه وبتقارن تعامل أخوها معها ومع زوجته فيكون بعيد شوي أحسن من تدخلاته .. أحسن شي إن أبوي عنده قاعدة بناتي محد يتدخل فيهن ولاأحد يتحكم فيهن بوجودي عشان كذا اخواني لاقبل الزواج ولا بعده يفرضون شيء علينا صح يتدلعون ويطلبون أشياء نسويها لكن من طيب خاطرنا وبعدين الولد لاتزوّج خلاص تنتقل مسؤولياته من بيت أبوه لبيته وعائلته فماله شغل فينا إلا صلة الرحم وقهوة المغربية والسوالف لانطلب منه شيء ولا نكلفه بأي شيء وهو بعد مايطلب منا إلا أشياء عادية " ولكن فيه شيء ينرفز إذا كان الأخو عازم على بيت أبوه والحرمه حاطه رجل على رجل ويتأمّر على خواته هذا يبيله نظرة ناريه له ونظرة ثانية لزوجته وابتسامة استنكار ودقه بسيطة وبعدين اللي يآمر فيه بس بعد مايحسون بفداحة الحركة هههههههه < ماسوتها ترى :marsa102: حياك يالسلطان وأسعدني تواجدك الراقي " |
||||||||||||||||||||||||||||
09 Mar 2010, 09:48 PM | [ 10 ] | ||||||||||||||||||||||||||||||||||||||||||||||||||||||||||||||||||||||||||||||||||||||||
عضوة متميزة
|
هههههههه يعني عرفتني قبل تقرأ الموضوع < ماجاب جديد مافيه وحده تحب تناقر بمواضيع تصادمات الرجل والمرأة إلا أنتي أسعدني تواجدك وإضافتك وفعلاً حركات التسلّط قلة في الرجولة وتعبير عن الرخامة يعني لو إنك رجال قول وفعل مو تتقوى وتتسلّط ع الأخت وإنت عارف ضعفها مفروض تفرض احترامك وهيبتك وشدتك بأسلوب يعني تقنعها وتحاورها وماتمنعها من شيء بوجودك ضروري تعزيز الثقة وعدم مقارنة الأخت بغيرها .. أنا أتوقع الهمج هم اللي إذا شافوا حركات المغازل والبنات الصايعات يحاولون يكبتون البنت ويمنعونها ع بالهم بيحمونها بهالطريقة التعسفية والمصيبة لاتغيّر بعد الزواج وصار فري هذا ودك تجلده لين يعرف دروب الرجوله زين
وإذا أحد قاله شي قال : الرجال قوامون على النساء مو معناته الشدة إحنا بعصر التطور والتكنولوجيا والديمقراطية أنا ماني ديكتاتوري أنا بريّح راسي وبين قوسين ( خارشته السندريلا ويتعذّر بالديمقراطية )
والله فيه رجاجيل تختلف نظرتهم ويقولون المرأة لم تخلق للطبخ والنفخ المرأة أبغاها تسولف لي وتكشخ لي والبصل وحركات الطبخ فيه مطاعم يطبخون أحسن من طبخ البيت وبعد يشترطون هالشرط بالعقد وربي السالفة صدق واحد شارط على حرمته إنها ماتدخل المطبخ وهي أصلاً ماكانت تدخله مدلعه ولكن قال أنا مابيها إلا تلبس وتكشخ وتدلعني إلا الطبخ ماتمسكه < الله يكثر من أمثاله هههههههه
طارق : يعافيك ربي ع النقاش الرائع والحضور الراقي " |
||||||||||||||||||||||||||||||||||||||||||||||||||||||||||||||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أخر خبر أغتصااااااب دجاجة | غــــــالي | القسم العام | 14 | 31 Dec 2008 12:19 AM |
جوابه .. إحراج .. كالأسئلة ..!! | لمسات | القسم العام | 20 | 01 Nov 2008 01:11 PM |
عنبر وكادي | فيحان الشدادي | بحور القوافي | 11 | 16 May 2008 08:28 PM |
كم من صقر وقت الشدايد دجاجة | واثق الخطوة | قصائد مختارة | 18 | 09 Mar 2008 05:50 PM |
كم من صقر وقت الشدايد دجاجة | نشمية | قصائد مختارة | 13 | 15 Jul 2007 03:42 AM |
أدوات الموضوع | |
|