إلى شاعر المنتدى مع التحيه

بسم الله الرحمن الرحيم

السلام عليكم ورحمة الله وبركاته

مساكم الله بالخير جميعاً

يسعدني ان اطرح بين ايديكم هذه القصيده

وهي موجهه إلى الشاعر المبدع فهد بن رزيق الحارثي

اتمنى ان تنال اعجابكم واستحسانكم

الاياوقت ماعندك ..بصيره=هواجيسك.. على قلبي ..خطيره
تسلي ..خاطري بعض الليالي=وباقي الوقت.. تتركني .بحيره
تجرعني ..سمومك كل. ابوها=وانا شاعر.. جماهيري ..غفيره
تعاندني.. وتتحدى.. جنابي=ولكن ياعسى ..فالامر خيره
اقوله واعتلي روس.. النوايف=واخالف درب من نفسه .حقيره
واعز .النفس ..والبي .هواها=وامتعها بهقواتٍ .كثيره
وادوس الصعب كله. في طريقي=واعاند خافقي ..واهد.. طيره
ولكني. تعبت وطال .صبري=وانا قلبي ..هواجيسه. تديره
ولابه يافهد من قال وشبك=واجيه بكل علمي واستشيره
ولا يابن رزيق اسمع كلامي=انا غصت المحيطات الغزيره
واخذت من الزمن.. هذا تجارب=وكسرت الرحاه ..المستديره
ولكني وقعت.. بحب غروٍ=جماله يافهد يتعب نظيره
عطيته كل ما املك في حياتي=وصارت كنها فالقلب اميره
هنوف زينها.. يرعد ..ويبرق=ومكانتها وسط قلبي.. كبيره
عشقت ديارها واغليت اهلها=وتقبلت القدر شره وخيره
قضيت بحبها فتره. طويله=ولا دخلت وسط القلب غيره
الي ..خمس اسنوات ..اعشق واعاني=واسج الرجل بدروبٍ عسيره
حرام اللي .يجيني من.. ظنيني=وانا ما اطريه .غير .بحسن ..سيره
الي قلب واحاسيس ومشاعر=بها..عشق.. وغلا.. زايد. وغيره
ولكن فازبه يالقرم غيري=وسل السيف ..قدمي من جفيره
ملكها بالعقود.. وبالوثايق=وجرعني من.. اكوابٍ ..مريره
بعدها يافهد قلبي تعذب=وعظمي منكسر ماله جبيره
وحالي يافهد تاعب وناحل=وعيني بعد ماروح سهيره
ولكن ويش اسوي بعد خلي=اغامر ثم اسوي لي مسيره؟
او اقفي عنه وانساه واكبه=وادور بين كل الناس غيره
انا خابرك رجال هواوي=وشاعر يحكم القاف وخبيره
ابي علمٍ يزيح الهم عني=يخلي عيد مرتاحٍ ضميره

تحياااااااتك لكم جميعاً ودمتم بخير

عــيـــد الــشـــعــــر

وعليكم السلام ورحمة الله وبركاته

الله يكون في عونك يا أبو عبيد
واللي مالك فيه نصيب جعل ياكله الذيب وأنا أخوك !

إصبر والله يعوضك خير
والله سبحانه وتعالى هو موزع الأرزاق ..

صحّ لسانك يا أبو عبيد
شاعر مبدع ومعودنا دايم على الجزلات .

الغربي

قصيدهـ نالت إعجابي كثيراً

وابن رزيق كفو ومسند ودرع جنب


ننتظرك يا فهد


ودي للجميع

قصيدة في قمه الروعه اشكرك

ولاهنت

		المشاركة الأصلية بواسطة : اقتباس
	او اقفي عنه وانساه واكبه=وادور بين كل الناس غيره

صح لسااااااااانك ملاييييييييييين يا الغربي وعلا شاااااانك

والله اذا تبي نصيحتي يا اخوي

اسمح لي على هالعبارة

اللي ما يبيني ما أشريه

ولو القلب يعصاني أدوسه ولا ألتفت

الله يعطيك العافية والله يبعد عنك الهم

وبانتظار شاعر المنتدى فهد بن رزيق

دمت في حفظ المولى

يارجل اثر كل ماحل بك من الحب

انا اقول من العسكرية

صاير حزين واثر الحزن محتويك

كأني اشعر معاناتك الله يزينها معك

صح لسانك ملايين

صح لسانك وعلا شانك
ياابوعبيد
رائعة جدا

الله الله يالغربي صح الله لسانك ملايين وبيض الله وجهك
قصيدة جزله ومن شاعر جزل أعجبتني الأبيات
أعلاه وراقت لي كثيراُ
وبأنتضار أبن رزيق

الله يعينك يا أبو عبيد ويفرج همك عاجلاً غير آجل وان شاء تكون آخر الاحزان وهذه حال الدنيا يوم لك ويوم عليك وسع صدرك ياذيبان, وحالتك ذكرتني بأبيات مخلتفة وطريفة وذلك من باب المزح فقط لاغير وهي :

الحب قطع قلوب البعارين***حتى الحمير السود يلعن جدفها

اصبحت انا من عقب فرقاك مجنون*** ماغير احذف بالحصى من نطحني

أحزن على فرقاك مثل الوراعين*** لآ مروا الدكان وأسرع أبوهم

من زود حبك مايجي عيني النوم .. ومن كثر مااسهر باعو اهلي فراشي !

ولا بـه يا فهـد مـن قـال وشـبـك
واجيـه بكـل علمـي واستشـيـره

حياك الله يا أبو عبيد
وأظن من قصيدتك واضح إن كل شيء منتهي
يعني باختصار شوف نفسك ودوّر نصيبك واللي
راح وطار ما عاد له رجعة أبداً
صح لسانك ملايين وبإنتظار أبو رزيق