يالزرب لا ترهب وأهلك الشدادين

بسم الله الرحمن الرحيم

والحمد لله رب العالمين والصلاة والسلام على أشرف الأنبياء والمرسلين وعلى اله وصحبه أجمعين

أعزائي أعضاء منتديات الشدادين

السلام عليكم ورحمة الله وبركاته ..

وكل عام وأنتم بخير ومبروك عليكم الشهر الكريم

يسعدني أن أقدم لكم القصيدة التي ألقيتها في الإحتفال الذي أقاموه أهالي هجرة الزرب واتمنى أن تنال استحسانكم

يالله يا خلاق الأنفس من الطين = يا باسط البيدا ورافع سمانا
يالواحد الفرد الصمد قاضي الدين = عليك عنزتنا وباسمك بدانا
يالله ثبتنا على المنهج الزين = وانك على الدين الحنيف اتهدانا
يقول ابن مهرس من الشعر بيتين = سوات صب الهيل والزعفرانا
طارن عليّ من المثايل عناوين = ولا اجيب غير النادرات السمانا
شعر ٍ يعدونه رجال ٍ موامين = ماهي محاريف الغزل والحنانا
وفي ماقفي ما اقول بكرة وبعدين = وإليا بديت أصهل صهيل الحصانا
يالزرب لا ترهب واهلك الشدادين = دونك عيال العود حصن وضمانا
دونك رجال ٍ في اللزوم امعروفين = نطاحة الهيجاء طوال اليمانا
الاد شداد ان غدا العلم علمين = وطال النهار وغطرفن الزيانا
عاداتهم يثنون روس العنيدين = بمسلبات ٍ حكمها في يدانا
حنا مواريث الرجال المسمين = اللي على نهج الشهامة ربانا
واللي جهل ينشد جبال الامرين = وسلوان اظنه في الدهر ما نسانا
ولخيلنا وسط البهاره ميادين = يوم اشهب البارود جاله غشانا
صلنا ونزحنا جموع المعادين = كله لعانا الجار يومه نخانا
هذي مواقفنا مع الربع الادنين = وإليا بدا ريع اللوازم بدانا
وترعى بنا في الخوف رثم العرانين = اللي بها المشعاب رسمه يبانا
ترعى بنا من غير عاني وتأمين = ومن حيث ما طاح الحياء له نوانا
في شف سرفات البكار المزايين = نرعى الخطر بمصقل الهندوانا
ومن دونها نروي السيوف المسانين = وياشين فال اللي طرح في نحانا
والضيف يلقى عندنا الخاطر الزين = والكيف وكسور الشحم في الصيانا
ولا ننزل ألا في الرفاعة ومرسين = عادات أهلنا من قديم الزمانا
ولجارنا مثل الحياء والبساتين = محشوم ما يلحق عليه الهوانا
دونه نحط ارواحنا والملايين = ما كنه ألا واحد ٍ من حدانا
يالزرب يا ورث الجدود القديمين = لا تستمع في فلان وألا فلانا
هذي منازلنا منول وذلحين = منزال أوايلنا ومنزال ابانا
وياعنك ما حنا على الجار مخطين = وإليا بغانا في اللوازم لقانا
لكن ثار وثوّروه الشياطين = واشوف تالي الوقت قام وشنانا
وحنا لزلات الرفاقه دموحين = وفي وجعت الادنين ما قد سعانا
إن كان يبغى الطيب زين ٍ على زين = هذاه مطلبنا وغاية منانا
وإن كانه معيي فحنا معيين = قطع الرقاب ولا مهونة لحانا

أخوكم / فيصل بن مهرس

الله يبيض وجهك يافيصل ابن مهرس شاعر كفوا وفخر للشدادين
والاد شداد هم هل الاوله وحماية الحد

		المشاركة الأصلية بواسطة : مرزوق الشدادي اقتباس
	الله يبيض وجهك يافيصل ابن مهرس شاعر كفوا وفخر للشدادين والاد شداد هم هل الاوله وحماية الحد

وجهك الأبيض يابن العم

ومرورك وردك يشرفني ولاهنت يا سنايدي

صــــــــح لســـــانك
وبـيض الله وجهـــــــك
لاهنـــــــــت

يامرحبا والله بشاعرنا الكبير فيصل بن مهرس
قصيده تاريخيه وفيها من الفخر لقبيلة الشدادين
جزل الكلام والمعنى شاعر ابدعت في شعرك
وصخرته في مدح قبيلتك ومفاخرهم في حاضرهم وماضيهم
الله يبيض وجهك ويكثر من امثالك .

بيض الله وجهك يا شاعر الشدادين ماقصرت كفيت ووفيت

قصايدك يا فيصل دائماً جزلة وجميلة وتحمل معاني كبيرة

فيصل بن زايد بن شرار بن مهرس الشدادي الحارثي
صح السانك ولاد شداد يستاهلون كل خير وهم كسابه الناموس

صح الله لسانك لين ترضى

كتبت و أجزلت , شاعر و يفخر به الشعر

أبيض وجه و عسى الجنه دارك و قرارك

لاهنت يا أمير

صح لسانك واعتلا شانك

ويستاهلون كل خير الشدادين

الرجال لقالو قالو ونعم فيهم من صغيرهم لين كبيرهم

وتقبل مروري

تحياتي

فيصل بن مهرس
صح لسانك ملايييين وعلا شانك
والله والسبعة الانعام
قول وفعل

والقصيدة قوية المعاني وجزلة المفردة
وراقية الأسلوب , ويستاهلون
الاد شداد المدح

وفاقدينك لنا فترة
تقبل مروري
دمت بخير,,,