أبكي وعيني تسهر الليل يا ريم

كان الشاعر مسجون ماراً من أحد الممرات وفي ذلك الممر كانت ( ريم وأمها ) داخلين لزيارة سجينهم والشاعر سمع صوت الأطفال فتذكر أبنائه فدمعت عينيه فرأته ( ريم ) ( ) فقالت ريم لأمها : ( يمّه الرجال يبكي !! ،، فقالت أمها زاجرة : ريم !!! ) عندها ،، كتب الشاعر هذه القصيدة :: :: :: أبكي وعيني تسهر الليل يا ريم مدري بلاها الشوق والا الظليمه ,, يا ريم دمع العين مدري على الريم والا على قلبن تواكل صميمه ,, تقول لاطمني على نونها سيم أبكي وعندي لأزرق الدمع قيمه ,, ويمكن يكون الدمع للعين تكريم ويمكن يكون إلها عذاب وحريمه ,, والله يا لولا دمعتن كنها الديم راحت ضلوعي من عذابي حطيمه ,, ودام البكا يا ريم ما فيه تحريم يا عنك والله لأرخص الدمع شيمه ,, وابكي على حالي من الوجد وآهيم لين الزمن يخلف عليّه نسيمه ,, أبكي حياتن صافيه ما بها غيم وين المحبة والقلوب السليمه ,, أبكي قهر وابكي من الغبن والضيم وابكي من طعونن بقلبي قديمه ,, غدر الزمن خلّى بوجهي مراسيم وما يذبح الرجال مثل الهزيمه ,, بعض المصايب شرها ياكل الهيم وشلون بكبود الرجال الكريمه ,, وبعض المصايب يخلفن المفاهيم تبغى على ما قيل صبر وعزيمه ,, مظلوم بالدنيا وغيري مظاليم من عرض ناسن لبسوهم جريمه ,, ما عاد أبي من سود الأيام تعليم عقب العذاب اللي كلاني جحيمه ,, ولو تصفي الدنيا عليّ الملازيم ما عاد أدور من وراها غنيمه ,,,,,,,,,

بندر النايف

يكفي حزن ياأخي ارفق بنا نحن ممطورين والحزن خيم علينا من شخصكم

الكريم وأبعدت الوناسه الموجوده بالهيكل الجسماني يكفي دمع ويكفي

حزن ( الله لايجيب الزعل وش اسم الباقي) ههههههه

بندر الله يوفقك ويسر لك جميع أمورك يابعدي

يا هلابك يا هلابك يا خيال

قصيدة أعجبتني ونقلتها وفعلا هي موجعه
بس راااقت لي كثيرآ ,,

		المشاركة الأصلية بواسطة : اقتباس
	من عرض ناسن لبسوهم جريمه

ربه يمهل ولا يهمل
قصيده رااااااااااااااااائعه
وحزينه جداً
تسلم يمينك يندر على هالنقل

هلابك يا شمعة الدنيا
وشاكر لك مرورك الطيب

,,,,

الله على روعة القصيده

جميله وأكثر صح لسان قايلها ملايين

ولاهنت عالنقل الراقي

تقديري

هلابك يا فاقدة أبوها

ومرحبا فيك وشاكر لك مرورك الطيب يا طيبه

دمتي بود ,,,

تقول لاطمني على نونها سيم
أبكي وعندي لأزرق الدمع قيمه

رآآآآآئعة القصيدة يا بندر النايف
بروعة فكرك وذوقك الرآآآآقي
وتميّزك الواضح سلمت يمناك
وصح لسان شاعرها المبدع

قصيدة جميلة يا بندوره

ومحزنه واجد واجد


بندر برايفت

تهقى كل من مر هنا قراء الموضوع

والا بس حذف رد وطلع

القصيدة رائعة يا أبو نايف
وقصتها واضحة جداً وسبق وأن قرأتها
لكن اللي لفت نظري عدم مبالاتك بالتنسيق
وأنت تعرف إنه شرط من شروط بقاء القصائد في أقسامها
وفقك الله