جعلهم مايقولون

بسم الرحمن الرحمن
السلام عليكم ورحمة الله وبركاته
مساكم الله بالخير جميعاً

مدخل
بأعلمك وش صار .. يوم انني رحت
.متوقع(ن) في غيبتي .. عنك ما أبكيك
ما ني مكابر والله .. اني انا طحت
طيحة شجاع(ن) .. ما عرف كيف يرضيك
ما أقول انا ما نحت .. يا هيه انا نحت
.و تسابقت دمعات .. عيني وانا أطريك
يا ما حفظتك سر .. للسر ما بحت
من خوف لا يدري .. عدوك ويذيك

يقلون ولا جعلهم مايقولون=نفسي خذت كل الفخر والمهابه
لوكان بعض الناس بالحقد يسعون=لجل اندمر واعيش جو الكابه
لكن مهما صار والله ليبطون=قلبي تعود ياجروح الحرابه
ماعاد اميز بين طيب وملعون=كل النوايا حسب ظني تشابه
ناسٍ تبين ضن وتخبي ضنون=والوقت صرنا بين ضرسه ونابه
قد قالها المشعان ياللي توحون=جاه السوال ورد له بالاجابه
لو كان قد شلنا مثل مايشيلون=يصير فالطيبه شكوك وغرابه
لكن نحمد ربنا خالق الكون=ولاغير ربي شخص نرجي ثوابه
ولا الخواطر سرها صار مدفون=والعد كلٍ يستلذ بشرابه
تمتعوا ياناس وامشوا على الهون=واسروا على صوت الغناء والربابه
ولا انا ماني من الهرج مشحون=من بعد حل الظلم قلبي رضابه
درست في دنيا الشقا علم قانون=واعرف تفاصيل الزمان وعذابه
والحب خلا الحال من دون في دون=وياويل قلبٍ حب خله غدابه
حده على الغربه والاجواد يدرون=واحتل عرش القلب حتى سطابه
كم واحدٍ خله بذكراه محزون=وكم واحدٍ حبه لخله سرابه
ناسٍ على ليلي وليله يغنون=ويستانسون ان كان طول غيابه
لكن نور العين ذايب ومفتون=في شاعرٍ جنن سطور الكتابه

مخرج
لاتنتظر مني فراق ومصده
وان شفتني مقفي ترى عذري الموت

الغربي

الغربي
صح لسانك وبيض الله وجهك شاعر ومتمكن وفقك الله

صح لسانك يا أبو عبيد

ولا هنت يا شاعرنا العذب

صح لسانك يا أبو عبيد

وبيض الله وجهك

ولاهنت يا ذيبان

قصيده مميزه يالغربي

صح لسانك وبيض الله وجهك

من أجمل ما قرأت .. قصيدة تقطر منها عزة النفس والشموخ بالذات

قدرتك على تصوير الشعور ... وابداعك في ترتيب الافكار يروقني بشدة

أسجل اعجابي بنظمك

الغربي

صح لسانك والله

مررررررررررررره روووووووووووووووعه

^_^

صح لسانك يالغربي
خل قصايدك كلها كذا بلا غزل بلا كلام فاضي

اعجبني البيت هذا

ماعاد اميز بين طيـب وملعـون
كل النوايا حسـب ظنـي تشابـه

صح لسانك يالغربي
مبدع دائما ً
وليس هذا بغريب عليك
ننتظر جديدك .

الغربي سلمت اناملكـ
اكثر من روعــــــه
دام احساسك الراقي وشعرك العذب