>( العين مابدها والقلب مابده )< تعال لنشوف....

هذه المجموعة هي عبارة عن رسائل جوال كتبتها في مناسبات مختلفه على عجل في أماكن مختلفه..وفترات متباعده..كحال بقية قصائدي ولكنني لم استطع أكمالها لتصبح قصائد طويله بالرغم من مرور أكثر من سنتين على بعضها..ولا اعلم السبب..ولكنه الشعر يختار وقته ومساحته وموضوعه!!((الحق في أكمال هذه القصائد محفوظ لوجادت القريحة وتكرم الشعر..))

((العين مابدها والقلب مابده))

أنا ما أحبك كثر كل البشر لاكن=غلاك كل البشر ماتقدر تعده
بنيت لك في ضميري يا الغلا مسكن=أنتي طوايف سعود وعده وجده
غلاك في داخلي ثابت ومتمكن=ثبات شيخٍ ثبت في ساعة الشده
لا يمكن انساك مهما صار لايمكن=العين مابدها والقلب مابده

((البخور والشمعه))

الخميس انتهى والليله الجمعه=والمواعيد ياعيني وياليلي
البخور وسكون الليل والشمعه=والرغد والنعومه والمناديلي
الملذات تحت السقف مجتمعه=والبلابل من النشوه تغني لي
يا حلاة الندى..دمعة على دمعة=ويا حلاة الوناسة والمواصلي

((شبيك لبيك))

لا ضاق صدرك أتصل وأبشر أجيك=أمشي رجل والا مع الخط عبري
شبيك يابنت أهل الجود لبيك=هاتي همومك وأدفنيها بصدري
أبيع كل الناس ياشوق واشريك=تفداك احاسيسي ونبضي وفكري
وأن ما كفتك أطلب حياتي وأنا أعطيك=يفداك عمري يابعد كل عمري

((نسيت الاسامي))

تمكن غرامك في حنايا الضمير وحل=ونسيت الاسامي غير(----) وطاريها
تتلين ردفٍ تل معلاق قلبي تل=على راحتك .. كل المعاليق تليها
ولكن شوفي للجروح العطيبه حل=ذبحني هواك..وعشرتك ويش تاليها
دخيل الجديل اللي على زين عودك هل=تطفين نار أشواقي اللي شعلتيها
تعالي معي نشرب خمور الهوا ونعل=ترى أعمارنا لحظات والموت قافيها

((غلاك روح))

غلاك ماهو بس شهرين ويروح=غلاك باقي لين تقضي حياتي
أعيش لك أحساس وأعيش بك روح=أنتي هواي ورغبتي وأمنياتي

((فتحت لك قلبي))

لي قلب قبلك مغلقاتٍ حناياه=لغير(----) مافتح قفل بابه
فرشت لك صدري من أدناه لقصاه=جري خطاك بكل قدر ومهابه
يابدري اللي يوم أشاهد محياه=أنسى الشقى وأنسى الألم والكأبه
لو أنت ما تهوى قصيدي وتقراه=تركت شطحات القلم والكتابه

((حارثيه))

يامفاتيح السعادة ياهناها=ياقمر ليلي ومصباحي ونوري
ياغناة النفس ياغاية مناها=أيه أحبك في غيابي في حظوري
حارثيه وشبكني في هواها=وأقتنعت بحبها وأرضت غروري

((تبغى الصحيح؟))

تبغى الصحيح..الكفو معروف مبداه=لو غير أرضه ماتغير مباديه
وتبغى الصحيح..الصقر بك من حلاياه=تصيد صيداته وترقى مراقيه
وتبغى الصحيح..الطيب اخذته من أقصاه=اسعد بشر خويك اللي تماشيه
وتبغى الصحيح..أيّوه..الا وا حلا لاه=على وليفٍ تل قلبي بياديه

((أسبح مع التيار))

أبا أنصحك قبل الزمن لايطوفك=وتعاجل اهاتك وصفق بياديك
خل العناد وخف نبرات صوتك=وأسبح مع التيار يمكن يوديك
من دون صاحب وش يساوي وجودك=ومن دون صاحب ياترى من يسليك؟

((أنساك !! لله))

يامرحبا يستاهل الطيب شرواك=ياطيبٍ ماله على الشين جُره
يرتاح قلبي كل ما أوحيت طرياك=غيث السما رمز الوفا والمسره
أنساك !! لله.. يرفض القلب يناسك=بعدك عذاب وقرب غيرك مضره
بلغ تحياتي للأبطال وعفاك=سلم عليك الفين والربع مره

((عيديه))

كل عام وعيدك أفراح=يافرح قلبي وعيده
يوم اشوف حروفك ارتاح=يا عسى أيامك سعيده
للوفا والطيب مفتاح=وأنت مفتاحه وسيده
ليت لي مخلاب وجناح=واصل الارض البعيده
كان اجيك الأن ياصاح=بالتهاني والقصيدة

الله الله قمه روعه

صح لسانك أخوي سعود ولا هنت يالنشمي

سعود سليمان
لن يزيد اطرائي فانت قمة في الابداع

ولكن

سجل لي وليس لك اعجابي بكل ماتكتب

صح لسانك

أبيات ورسائل تحتاج الى تمعن وتذوق

ياليت المناسبات معها بس يالله هالمره نمشيها


اي بالله صح لسانك

تحياتي لك

صح لسانك ولا هنت ياشاعرنا

المجموعة طيبة جداً ومن شاعر لا يشق له غبار

الله يسلمك سعود وان كنت اختلف معك في رسائل الجوال واعتبرها حب مجمد ... مجهز بالمواد الحافظه ...
رسالتي دائما ساخنه من القلب الى الجهاز .. وجهة نظر لا اصر عليها كثيرا ..

صح لسانك يا سعود000000000000000000000000والى الامام

صح لسانك أخوي سعود ولا هنت يالنشمي

صح لساااااااااانك يابو سليمان

مميز يالغالي دايما مشاركاتك جزله

		المشاركة الأصلية بواسطة : سيف الشدادين اقتباس
	الله الله قمه روعه صح لسانك أخوي سعود ولا هنت يالنشمي

صحت أبدانك...ويا هلا بك!!