مفرق عفيف

لاعاد يومٍ حدّني فيه الزمان أنخا ضعيف=وأنا أدري إنه مايعرف يطيب طبعه ورث أبيه
عزّ الله إنّي كنت عن شرواه قبل أشهر وانيف=لكن عاقبني زماني حط حاجه في يديه
حسبي على الأيام ماخلت ثقيل ولاخفيف=من شينها ألاّ قد بلتني به وانا ماني كريه
أجود لو شحّ الزمن بالمدّ واقري كل ضيف=واجوز عن زلة رفيقي واكره جدال السفيه
وراك ياوقتي تخون بعزتي وانا الشريف=أهب ياطبع الزمن في ذمتي ما انت بنزيه
ياليتني قدام أفكر به على مفرق عفيف=سويت لي حادث ومت بساعته قدام أجيه
إيوا الله إن تقول ناضمني مع الجنبين سيف=وآموت وآنا مانسيت مكابره قدام أخيه

صح اللسانك ياوحي الالم
رغم ان عندي تحفظ على عنوتك ونخوتك لهذا الضعيف مهما كانت هذه الحاجه

وراك ياوقتـي تـخـون بعـزتـي وانــا الشـريـف = أهب ياطبـع الزمـن فـي ذمتـي مـا انـت بنزيـه

ياليتنـي قـدام أفكـر بــه عـلـى مـفـرق عفـيـف = سويـت لـي حـادث ومـت بساعتـه قـدام أجـيـه

منْ الشُعراء المُميزينْ بمنتدانا
صح لسانك ولا هنتْ

تحيتي

صح لسانك يا أبو أريج ولا هنت
ولا يجوز للمرء تمني الموت
مهما كانت الظروف

مميز ومبدع كالعادة
والله يحفظك ويرعاك

أبدعت في نظم قصيدة جزلة قوية
سلمك الله
أبا أريج
وزاد فيض شعرك في الخير

صح لسانك ولاهنت والله يبعد الموت عنك ويخليك الى اريج