ومع الأسف بعض العقول معزولة

بسم الله الرحمن الرحيم
السلام عليكم ورحمة الله وبركاته
اخواني اليكم قصيدة الشاعر الكبير بدر الحويفي

لا تازن الرجال لاشفت زوله=وزن الرجال اعقولها يافتى الجود
دلايل الرجال فعله وقوله=تحكم عليه امنطقه علم ماكود
ما ينفع الرجال جسمه وطوله=لا صار ما يدري عن النقص والزود
كسب المعالي ما يجي بالسهوله= يصعب على اللي ما يجامل على الكود
المجد عشاق الكسل ما ينوله=دربه على اللي يجهل الطيب مسدود
وحفظ الشرف مبدا صفات الرجوله =والمتزن ماهو على الدرب منقود
ومرافق الجهال يابن الحموله= نقصٍ على السمعه وتعقيد وعقود
كل ٍ جليسه يقتدي في افعوله=المعتدل واللي عن الخير مصدود
ومع الاسف بعض العقول معزوله=ما تقل بالدنيا لهم رب معبود
ما خافوا المولى وطاعوا رسوله=اللي له العباد خشاع وسجود
ماحسبوا يوم ٍ حسابه وهوله=يشيب راس اللي هاك اليوم مولود
يطرق منافيذ الخوافق ذهوله=يوم الحساب اللي به العبد موعود
بأخر نفس لا نوخت به ذلوله=يوم التفاهم بين ناشد ومنشود
عند الضريح اخر محطة نزوله= النفس تصعد والجسد مرتع الدود
ياهل العقول المبصرات احسبوله=ترى الحياه ا بلا عمل ما بها فود
أعمل عمل وأطلب من الله قبوله=منهج طريق الخير واضح ومحمود
دامك نشيط وكل شيٍٍٍٍٍٍٍٍ تنوله =ترى السفر له حد والعمر محدود

صح لسان الشاعر بدر

ولاهنت يابو زياد على النقل والاختيار الرائع

كسب المعالي مـا يجـي بالسهولـه = يصعب على اللي ما يجامل على الكود
المجد عشـاق الكسـل مـا ينولـه = دربه على اللي يجهل الطيب مسـدود

صح لسان الشاعر بدر الحويفي

وسلمت يمينك اخوي حمد

إختيار رائع كـعادتك

صح إلسان الشاعر

وصحت أناملك على النقل يا أبو زياد

وانت ماتهون يابو عبيد

وشاكر حضورك

		المشاركة الأصلية بواسطة : غريب بدياره اقتباس
	كسب المعالي مـا يجـي بالسهولـه = يصعب على اللي ما يجامل على الكود المجد عشـاق الكسـل مـا ينولـه = دربه على اللي يجهل الطيب مسـدود صح لسان الشاعر بدر الحويفي وسلمت يمينك اخوي حمد إختيار رائع كـعادتك

بدر الحويفي شاعر حكيم

وانت اختر ت البيوت المليانه

ياغريب

والله يطول عمرك

		المشاركة الأصلية بواسطة : بنـــ ( H )ــدر اقتباس
	صح إلسان الشاعر وصحت أناملك على النقل يا أبو زياد

صح راسك يابندر

تحياتي لك

صح لسان الشاعر بدر وبيض اله وجهك يا حمد على النقل

سلمت على الاختيار الموفق وصح لسان الشاعر
ولاهنت على حضورك المتألق
دمت بخير

وجهك ابيض يابن مهرس


وحياك الله