تعال ياسيف الشلاوى

يامرحبا مليوون ياسيف الشلاوى
.
.

مرحبا بالشاعر اللي مانشوفه غير ساعه=ثم عنا يختفي ماعاد ندري وش حصله
رحت ادور صاحبي ماجد مع اكبار الجماعه=واثر ماجد من محله جاء وحضر في محله

هلابك يالغربي وحياك الله

وحيا الله الشاعر سيف الشلاوى .. وإن شاء الله نشوف محاورة راقية وجميلة وممتعه .

الله يبقيك يابو نايف ولاهنت

امسك الصف

البقا ياشاعر فيه الحميه والشجاعه=حافظً سلم الجدود ودرب جدانه يدله
هو صحيح ان الوصل ياعيد أخير من القطاعه=يكفي أعن ام الشحم في حلتك فنجال دله

صح لسانك مليون يا الغربي
وحياك الله انت وسيف الشلاوى
بانتظار المحاوره

		المشاركة الأصلية بواسطة : سيف الشلاوى اقتباس
	البقا ياشاعر فيه الحميه والشجاعه=حافظً سلم الجدود ودرب جدانه يدله هو صحيح ان الوصل ياعيد أخير من القطاعه=يكفي أعن ام الشحم في حلتك فنجال دله

.
.

اجمل كنوز الزمن ياصاحبي كنز القناعه=والحبل معقود لازم ياولد شالي تحله
كل بنتٍ عاصيه ماعندها لا الامر طاعه=وش سبب عصيانها دام الولي ظلل بظله

دروبي بحر

حياااااااااااااااك ربي منور بحضووورك

احمد الله وأشكره لو فيه هوشات وفراعه= دام راسي حي سيفي قدم عدواني بسله
والبنيه مالها قدم الرجل حيل ومناعه=حولت في بيت دكتورً يداوي كل عله

البنات اللي سوا يالذيب من وقت الرضاعه=صابهن فيروس معدي والعرب يقلون فله
مير ياخلاق سترك دام للعدوى بشاعه=تغضب الدين الحنيف وتشقره مليون مله

القصر عامر ياعيد وعزه الله بارتفاعه=لو غزونا بالمرض ماصابنا فالقلب ذله
مار حذرى تنجرف مع كل كلمه فالاذاعه=الثقه فالنفس تبقى لو حصل فالعين خله