تهويمات

مـجـمـوع الأوسـمـة · توقيع : عبد العزيز عوض

أعزائي أعضاء وزوار منتدى الشدادين يسرني أن أضع بين أيديكم هذه القصيدة متمنياً أن تنال إستحسانكم

لوحرّك المنطق لسانين وشفاه=أشعل زمانه والقصايد وقوده

وان حلّق الهاجس بعصفور معناه=ما ينحدر به والمعالي صعوده

وليا احتفل شاعر بالابداع وأغراه=من صادق إحساسه تناثر وروده

شاعر عزف همه بقيثارة الآه=وصوت الألم يملا تقاسيم عوده

من سرحة اهمومه ليا هم مضواه=ومن الوعيد اللي تقابس وعوده

من ضيقة الخاطر ليا ثورة أقصاه=ومن الظلام اللي تناثر جعوده

من الهجاج الجايع اللي تعشاه=ومن الندم لاقام يصفق خدوده

زماننا راضين أو غصب عشناه=ندفن متاعـب والليالي ولوده

ووحي القلم بين السطور التمسناه=من مهد غفلتنا لصحوة لحوده

والصامل اللي يسبق الدرب بخطاه=ماصار رزقه تحت رحمة قعوده

والجاهل اللي تسكن الريح باعلاه=تزلزل أركانه وتقلع عموده

مـجـمـوع الأوسـمـة · توقيع : السلطان

الله على قوة المعاني وجزالة الألفاظ يا شاعرنا أبو عوض
وتسلم مشاعرك وأفكارك على مثل هذه الدرر
أعجبتني كثيراً هذه القصيدة
وصح لسانك ملايين

مـجـمـوع الأوسـمـة · توقيع : ابن الأمير

صح لسانك وعلا شانك يا بو عوض

لاهنت

مـجـمـوع الأوسـمـة · توقيع : أعذب إحساس

أبدعت شاعرنا عبدالعزيز
لاهنت
دمت بخير

مـجـمـوع الأوسـمـة · توقيع : محمد المريري

ابو عوض

أصفق لك بحرارة

الله عليك .... كلمات بصراحة وصدقني ما يقدر عليها أي شاعر

ما يقدر عليها إلا شاعر متمكن مثلك وشرواك

قوة في الألفاظ

وليس هذا ما ابهرني فقط

ولكن ما ابهرني تلك الصور الشعرية الخرافية

ماشالله عليك أبدعت في التصوير والتمثيل

ومرة ثانية أصفق لك واقول

كُن بخير يا صديقي