الرجل له ماقف يجي فيه ويروح

‏الرجل له ماقف يجي فيه ويروح
اما طلع لك كفو والا زلابه

وقت السعه كلً سنافي وطحطوح
لوكان مايسو جناح الذبابه

احد يبي يفديك بالمال والروح
واحد يسد بوجه حاجتك بابه

في الموقف الغصاب بتشوف بوضوح
مثل الوحوش الضاريه وسط غابه

‏تبي تشوف بعينك انسان ملموح
يعلن مع نص الطريق انسحابه

الي منول كان رقم على لوح
ومن بيننا عرق النسب والقرابه

جنب وقال انا اعتذر قلت مسموح
وانت منول طامع وتهقابه

وتبي تشوف انسان دمه لك يفوح
لوقدمه الموت الحمر مايهابه

‏في عيوننا مبطي مهستر سلتوح
وابرك مراويح السعد في ذهابه

له باب ابيض قدم الاجواد مفتوح
كلي يبي يخدمه سمح جنابه

وشرواه معنا وقفو دون مصلوح
وقفت شرف تشهدلها كل لابه






‎#النايش

ارحب يا أبو نايش والله يحييك
بعد فترة غياب تعود إلينا بهذه القصيدة


الله يبيض وجهك ويعلي قدرك وما قصرت
وصح لسانك ولا هنت على تواجدك

صحة ابدانك وشكرا لك ولمرورك الكريم