آخر 10 مشاركات |
مختارات | ربّ أخٍ لي لم تلِده أمي ينفي الأذى عني ويجلو همي |
|
||||||||||||||||||
قصيدة رثاء في مشعل بن سلطان بن غالب الشدّادي
قصيدة رثاء في مشعل بن سلطان بن غالب الشدّادي الذي توفي في حادث مروري على خط الجنوب في 12-5-1406هـ
يالله يامطلوب يارب الأرباب=سامع دبيب النمل فوق الصفاتي
يامغني الفقران بعد التعذّاب=ومبدّل سياتهم بحسناتي يارازق الداب العمى بين الأطناب=سخّر له طيور السما لين جاتي تفرج هموم مالها عدّ وحساب=الواردات أكثر من الصادراتي والحال يشويها من النار شبّاب=والكبد فيها جمرةٍ ماتباتي والقلب يضرب بين الأضلاع بحراب=ومصيبةٍ ياكبرها في حياتي أونست في قلبي كما قرصت الداب=تكونت بسهومها الساطياتي ياراسي اللي من كثير المرض شاب=والجسم فيه أمراض متنوعاتي أهرج مع العربان والبال منصاب=يعلم به اللي يعلم الخافياتي وإن ضاق بالي وقت في راس مرقاب=مالي جدا إلا دمعتي والسكاتي هليت دمعي فوق خدي والأسلاب=ساهر ياعين إخذي وياعين هاتي دموع عيني كنّها الجم سكاب= هذي مقابيل وذي مقفياتي أبكي على اللي قبل نص الشهر غاب=بيني وبينه حال عشر حصواتي عليه دمو عالي القبر بتراب=وعيونّا بدموعها محجفاتي وأقفيت عنه ويجذب الروح جذّاب=الله ماأكبر لوعتي ياعزاتي عز الله إنه مايحب التهذراب=ولاهوب من مشاية الموبقاتي ولا هوب متكبر ولا هو بنصاب=ولا خاط ثوبه مع موديل البناتي للقبح متجنب و للطيب كسّاب=من روس ربعٍ تكسب الطايلاتي عز الله إنه سعد ربعه والأصحاب=من خلقته مايترك الموجباتي ولا هوب شتّام ولا هوب سبّاب=لكن ماينفع كثير الشماتي الأجل يوم إنه وفى جاله أسباب=وتكانفنّه سبّق حايماتي مير اصبري ياعين كبي التعذاب=مير اصبري ياعين مافات فاتي
التعديل الأخير تم بواسطة عبيد بن سلطان ; 17 Feb 2006 الساعة 04:49 PM
|
17 Feb 2006, 06:36 PM | [ 2 ] | |||||||
عضوة متميزة
|
الله يرحم مشعل وابوه.. ويسكنهم الجنه .. ابو سلطان وابو عيد شيوخ .. ومن خلف مامات صح لسان شاعرنا عبيد .. |
|||||||
|
||||||||
17 Feb 2006, 10:39 PM | [ 3 ] | ||||||||
مؤسس شبكة الشدادين
|
دموع عينـي كنّهـا الجـم سكـاب=هــذي مقابـيـل وذي مقفيـاتـي أبكي على اللي قبل نص الشهر غاب=بيني وبينه حـال عشـر حصواتـي عليـه دمـو عالـي القبـر بتـراب=وعيـونّـا بدموعـهـا محجفـاتـي أي والله عيوننا تبكيك كل ما ذكرناك رحمة الله عليك يا عمي مشعل والله يجعل الجنة مسكنك ومنزلك ويجمعنا بك في مستقر رحمته الله يعيطك العافية يا أبو عيد ويطول لنا في عمرك والله إنك جددت الجرح في قلوبنا وأبكيت عيوننا |
||||||||
|
|||||||||
18 Feb 2006, 09:18 PM | [ 4 ] | ||||||
|
رحمك الله ياخالي مشعل رحمة واسعه واسكنك فسيح جناته ومشكور يابوعيد على القصيده |
||||||
|
|||||||
19 Feb 2006, 11:51 AM | [ 5 ] | |||||||
نائب المشرف العام
|
الله يرحمه ويسكنه فسيح جناته صح لسانك ابو عيد على القصيده |
|||||||
|
||||||||
02 Apr 2007, 10:48 PM | [ 6 ] | ||||||||
شاعر
|
الله يرحم عمي رحمه واسعه ويسكنه فسيح جناته صح لسانك يابوي ولاهنت |
||||||||
04 Apr 2007, 03:32 AM | [ 7 ] | |||||||
بنت المطر
|
ولا هوب متكبـر ولا هـو بنصـاب=ولا خاط ثوبه مـع موديـل البناتـي
الله يرحمه ويسكنه فسيح جناته الكل يذكره بالخير والطيب مايذكرونه الا بالطيب صح لسانك يابو عيد .. |
|||||||
|
||||||||
06 Apr 2007, 06:05 PM | [ 8 ] | |||||||
|
صح لسان ابو عيد.. اشهد أني أستمتع في القصيد الجزل..والاصيل.. تحياتي |
|||||||
|
||||||||
28 Jul 2008, 06:16 AM | [ 9 ] | ||||||||
شاعر
|
الله يرحم عمي رحمه واسعه ترفع لروعتها رغم حزنها يابو عيد |
||||||||
29 Jul 2008, 09:42 PM | [ 10 ] | ||||||||
شاعر
|
الله يرحمه ويغفرله ويسكنه فسيح جناته قصيده جزله ولاهنت |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وفاة سلطان بن مشعل بن فهيد الشدادي | عريب النسايب | أخبار الشدادين | 22 | 10 Oct 2008 07:08 PM |
حادث اليم على اخونا سلطان بن مشعل بن فهيد | ابن مهرس2008 | أخبار الشدادين | 11 | 27 Sep 2008 10:24 AM |
ألف مبروك لأستاذنا مشعل بن سلطان | البرنس | أخبار الشدادين | 29 | 18 Sep 2008 12:05 AM |
قصيدة مشعل الحارثي | أبن مهرس Vip | قصائد مختارة | 11 | 01 Sep 2007 08:41 AM |
وفاة جد السلطان .... سلطان بن غالب | ماجد الشدادي | أخبار الشدادين | 41 | 16 Mar 2006 10:03 PM |
|