..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الشعبية > بحور القوافي > قصائد مختارة
  [ 1 ]
قديم 15 Sep 2010, 07:49 PM
فارس الشدادين

أبن جبري غير متصل

مـجـمـوع الأوسـمـة : 1
الحضور المميز


تاريخ التسجيل : Aug 2010
رقم العضوية : 29451
الإقامة : saudi arabia
الهواية : ركوب الخيل
المشاركات : 1,390
معدل التقييم : 28
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
مجموعة من قصائد الأسطورة محمد بن فطيس المري



مجموعة من قصائد الأسطورة محمد بن فطيس المري

--------------------------------------------------------------------------------

مجموعة من قصائد الأسطورة محمد بن فطيس المري
(حامل بيرق شاعر المليون)


الشاعر : محمد بن حمد بن فطيس المري

العمر : 26 سنة


شاعر قطري شاب ،،
يمتاز شعره بالجزالة وسهولة توصيل الفكرة ،،
و سلاسة الربط في مواضيع القصيدة ،،


وهذه الأبيات التي شدا بها شاعرنا :





قطر موطني وانا مثل مـن تربـوا فيـه =راع البل وراع المال والغيص والفـلاح
رجال ٍ الى سمعوا نـداه اجمعـوا لبيـه =تطيح الغتر والروس .. بس العلم ما طاح
سواعد الامير وفالمحافل فخر و وجيـه =ونارد حياض الموت كنحن خرز مسباح

= = = = =



الموت تالي العمر والدنيا مقيـل =والاخرة هي منتهانـا لا محـال

وديني وحب الناس والخلق النبيل =ثلاث هي اي الى حسن المئال

الله يقدرنـي علـى رد الجميـل =والله يجمّلني الى جالـي مجـال


= = = =


اندوج بأشقر صافي الظهر والذيل =مطروح قد ريشة ظهره محروقه


يطلع وطلعه لا طلع.. طلع الليل=زود ٍ على طلعه وطبعه.. لحوقه


له هيبة فالجـو قبـل المحابيـل =فرخ العقاب ايخاشره في حقوقه


= = = =


لاتحسب الجفن من دمعه عقيم =يستحي منك والى اقفيت انثره


ولايغرك وان بدا جسمي سليم =والله انه مثل سـور المقبـره


والله ان احر من دمع اليتيـم =دمعة الرجال من فرقا مـره


= = = = =


غاسل ٍ كفي من مصافحة بعض اليدين =وقافل ٍ بوجيه اهلها صناديـق البريـد

اشهد اني للبلاوي على الدنيـا مديـن =كل ما راجعت نفسي طلعت المستفيد

المواقف تشخل الناس والطيّب يبيـن =كل عام يطيح تسعه ويصفا لي وحيـد

= = = = =


ودي بـك وابيـك وابــاك وابـغـاك =جمّعتهـا لرضـاك واخـتـار فيـهـا


كانك مشكك في الوفـا والغـلا هـااك =جوالـي اقـر القائمـه كــل ابيـهـا


رقمك مع (الصادر) ولا (وارد ) اسواك =والناس في اللي ( لـم يـرد عليهـا )

======


يالله عفـوك يـوم تصفيـة الحسـاب =يومٍ حصاد لما زرعنـا فـي السنيـن


يوم الحشر قرب ولا معنـا زهـاب =اليوم فـي الدنيـا وبكـره راحليـن


نجني ذنوب ونرتجي عفـو وثـواب =وعلى نصر ربـي لنـا مستعجليـن


تـدرون ليـه امالنـا كنهـا سـراب =تدرون ليه النصـر سيـف الاوليـن


الاوليـن اعمالهـم وفـق الكـتـاب =قامـوا عليـه وباعـوا الدنيـا بديـن


وحنا غفلنـا بيـن مـا لـذ وطـاب =والنصـر سيـفٍ مايسلـه غافلـيـن


نصبح على شوف انتهاكات وخـراب =ونمسي علـى دمـع وتنهـات ونيـن


بصدورنا شي تذوب الـه الهضـاب =وافعالنا والواقـع ريـاح ..وطحيـن


وعلى العيون من الفتن مثل الضبـاب =معد درينا مـن يسـار ومـن يميـن


ما للضعيف الا الدعـا لـو مايجـاب =ماغيره الا الشوف مكتـوف اليديـن


يالله زلزل تحـت الاعـداء التـراب =والطف بنا واحقـن دمـاء المسلميـن


ندوعك ياقادر على جعـل السحـاب =جيـش لنصـرة قلـةٍ مستضعفـيـن


اغرقهم بنـوع مـن انـواع العقـاب =غرق الغلام اللي يحسب انـه فطيـن


لوما عصى نوحٍ نجا به في رحـاب =سفينته وامضى معه في العمر حيـن


لكنـه اختـار الخسـاره والذهـاب =اصنع بهم صنعك به وانـت المتيـن


والا اخذهم يامجري ٍ سـود الحقـاب =اخذ العجوز اللي بقت في الغابريـن

ذوقـهـم اللهم انــواع الـعـذاب =اللي عثوا في ارضك امن المفسديـن


والطف بمن لبسوا من التقوى ثيـاب =عـبـادك المستهدفـيـن المتقـيـن


تكالبـت عليهـم انـيـاب الـذئـاب =ولا غير عونـك يامعيـن الصابريـن


من بينهم شيبـه يعجـزون الشبـاب =من وقفته من طولها. فـي الركعتيـن


ومن بينهم بنـت تـون بـلا حجـاب =احجابها لفـوا بـه الجـرح المكيـن


وطفلٍٍ عن عيون امه الثنتيـن غـاب =تبكيـه عيـن وتلتفـت لأخيـه عيـن


من هول مايجري لهم شاب الغـراب =ياوسع حلمك وانـت مافوقـك مديـن

ادعيك وانت ادرى بحال اهل المصاب =وامد كفي لك يـا اكـرم الاكرميـن



،؛، .. ســـولفـــــوا .. ،؛،


سولفوا تكفون لا عاد تسكتون = قبل لا أهوجس وياتيني بلاي

السكات يزود طعوني طعون = وتنكسر لا جا على راسي عصاي

سولفوا لو ما بغيتوا اتسولفون=قبل لا اقعد في الحزن رايح .. وجاي

واضحكوا لو بالعماله تضحكون =وجاملوني لو يضايقكم حكاي

لي وليفٍ راح جعله ما يهون = هو دواي وداي .. أو داي ودواي

راح لكن طيف زوله في العيون=مرةٍ قدامي ومرة وراي

وإن سكتوا جا وهو طيفه يمون = رحت أهوجس له وأبين له ولاي

مكسب عيوني من الفرقا مزووون = تمطر لطاريه .. والبرق ؟ أصدقاي

كل ما طروه لو هم يمزحون =احرموني من غداي ومن عشاي

أدري إنه ما تناسى الود كون=تسمع إذنه في قفاي اللسن عداي

وكانهم قالوا نسيته يكذبون= وإلا أنا فيه أمتلك نظرة وراي

كان حبه لي على خبري مصون =والله ان كني بقدري .. وبغلاي

ذي بقايا الحب وأطلال الجنون =والله أعلم في ضميره وش بقاي

غير طيعوني ولا عاد تسكتون = ولا والله إن أسمعكم بكاي


،؛، شــــطـــر حفـــــظتــــــه ،؛،


ماني بمن ياتي ولا يدري به = شطرٍ حفظته ما أعرف كتابه

شطرٍ يناسبني لمثل الليله =وآشوفني في ذا المكان أولى به

أبا أتكل بالله ونعمٍ بالله =اللي ما يوصد دون خلقه بابه

باقول واللجنه تقيم قولي=ومن كثرة الشعار ماني آبه

الحمد لله واثقٍ من روحي=وإن كنت ذيب فالرجال ذيابه

ما أقول أنا أشعر واحدٍ في العالم= لكن قصيدي كفو وأنا أدرى به

الشعر جمعنا لو تفرقنا= حدودنا وظروفنا الغلابة

الله يبيض وجه راعي الفكرة= عز الله انها تنحسب لحسابه

والله يبيض وجه من يرعاها= محمد الله يحفظه لأحبابه

محمد ولد زايد عريب المجنى= ولي عهد الديرة الخلابة

الشعر تاريخ لنا من مبطي = وإعلامنا يوم السنين نهابه

الشعر بيت والوزن عمدانه= معناه طنب وقافيته حجابه

الشعر وادٍ فيه صيد واجد= وكلٍ على الوادي يهج ركابه

والأفكار صيد وكل شاعر قانص= وكلٍ يدسم شاربه مخلابه

أحد خياله حر .. وأحد وكري = وأحدٍ خياله كوبجٍ بقطابه

وأنا خيالي كل ما هديته= حول على الوادي وصاد عقابه

شاركت أمثل ديرتي وربوعي = وكل يمثل ديرته وأقرابه

والله إلى الله راد والله قاله= إني لا أسلمها الفخر وكتابه

داري قطر .. وأنا هنا أمثلها = المجد مطلوبي وأنا طلابه

عهدٍ علي إني لا أشرف داري= ترك صبي ما يعز ترابه

شوفوا دمي من حبها عنابي = وحماستي من ضوها شبابه

شاعر خليجي والعروبة بيتي =والبيت ما ياقف بدون أطنابه

وإن عودت بين القبايل فزعه= أنا أشهد إني في اللوازم لابه

لي في القبايل ربع .. وأقدرهم = ماني بمن يجهل مقام أصحابه

وإن عودت لأصلي .. فأنا أصلي مري= من صلب يام أهد القنا وخضابه

قومٍ لنا فوق المعالي بيرق= والسيف قوة سلته بنصابه

الشعر طوقني وأنا طوقته = قمت آتمشى به وأفك أبوابه

يا بنت ياللي تفرقين بعودج = ما ألومهم لو كثروا الخطابه

لامر بج اج على خلق الله = قالوا كذا بالأصبع السبابه

زينج يزينه فعل أبيج وجدج =وإنتي بدورج للنقى كسابه

قومي تباهي بي .. وفلي راسج= عليج من ستر الشرف جلبابه

وإن ما سترتج بالفعول وباسمي =فعقبني الفنجال يا صبابه


،؛، .. يا قـــو قلــــبـــك .. ،؛،



ياقو قلبك على الصّـده ويـا صُــــــبـرك =وياوسع صدري على صدك ويا صُبري


وياطول عمـرك بذاكـــــــرتـي وياكُبـرك =وياشيب عيني بشيّب عــــاد ذا كــــُبـري


والله لون حمل صبري فوقـك..ان تبرك =والله ولو تعتذر منـت بعلـى خــــــــبـري


ان ما جبرك الغلا ما اقدر على جـــبـرك =ياللي على ارض الوفـا ما شبرك بشبري


تـــزعل وترجع وتـلقانـي عــــلـى خبـرك =وانا انكسر لك واجـــــيـك ادوّر لــجبـري


طـــيفك وذكــــراك طـيلـة غيبتـــك سبـرك =وشـــــوقي لشوفتك طيلة غيبتـك سبـري


امـــــحق وليف ومحبه والا اقــول ابـرك =حسبي عليك اعشقك وانت اتحفر قــبري




،؛، .. في شاعر المليون .. ،؛،


في شاعر المليون للشعر مضمار = والسابقة في الشوط تظهر بيدها

امضمرين أبكار الأفكار شعّار= وكلن يحضّربكرته في وعدها

واللي تردت لا يدور لها أعذار = معذورة ما دام قد ذا جهدها

واللي تعوص وتضرب الحاجز يسار= تشلّ ف الدنة وترجع بلدها

وأنا ذلولي بنت صوغان الأشعار = من حبها عندي تفحم وحدها

إن جاره الله من تصاريف الأقدار= جاتك وجاك الجيش كله بعدها

الله عليها من مقاريد الأنظار = وصلت تحست ما غشاها زبدها

وتلقوفها بالعلم رمز وإشعار = وصفق لها منهو بعينه شهدها

ومن روبها أول ما تنصخ تمطار= ياللي تزعفرها من الطاس زدها

شبهت بالهجن الأصيلات الأشعار= وقصيدتي تراث أهلنا مددها

أعتزبه وأقبله إجلال وإكبار= واحة شرف يا سعد منهو وردها

أغلبنا في موجب الضيف والجار= يحلب لبنها قبل يذبح ولدها

وتراثنا من دونه نبيع الأعمار = وبأفعالنا روس المعالي صعدها

واليوم ضاق الجو من كثر الأقمار= تبث حقد لي لحقده رفدها

غزا الشعر قبل أمس غازين الأفكار= قومن على الساحة دفعها حقدها

تلفقوا ثم جاؤوا من كل الأقطار = هذا يصبحها والآخر هجدها

هذا يحرف في الأسف سر وإجهار= وهذاك يذبح موهبة في مهدها

وقفوا علم للشعر في وقت الأسحار= غاروا على الساحة وعروا جسدها

وصاحت بعد ما شافت سترها طار=ووقّف ولد زايد محمد ساعدها

قال أبشري بالستر وبردة الثار= وأضفى عليها سترها ما نشدها

واستل سيف في المواجيب بتار=واطلب وردن في العلا من فقدها

على خطى زايد خطاويه ما بار= والحاجة اللي في خياله وجدها

أغنى العرب من شوف أكاديمي ستار= ومن شوف أمر من السخافات وأدهى

شفت الشعر بستان وأبوابه أزهار= وقطفت ما يسقي المشاعر شهدها

قطفتها من ديرة تنبت أحرار = من دار بو مشعل ذراي وسندها


،؛، .. يـــوم المزايـيـــن .. ،؛،


من لابتي مّره الى جـدي افطيـس= ربعي مطوّعة الصعـب بالصمايـل

ناموس ياللـي تكسبـون النواميـس = ياهـل العلـوم الغانمـه والجمايـل

اهل السموت وفي الملاقا فواعيـس = يقطعـك يـاهـرجٍ بلـيـا دلايــل


انتو خيارينٍ علـى الخيـل فريّـس = اسـمٍ ينومـس بيـن كـل القبايـل


يامقلّطينٍ شـذرة السيـف والكيـس = قد قالها ابن حميـد ضمـن المثايـل

منصا الرجال اللي على ضمّر العيس=وفالحرب نطّاحة شبـا كـل عايـل

هواجـرٍ لاجـات قدهـي مقاويـس= ركب الضيوف امن السرا والقوايـل

تنصـا ربـاع امتعّبيـن المحاميـس = مروين حـد المرهفـات الصقايـل

يردون غصباً والعـزاوي متاريـس= لاجـا نهـارٍ فيـه عـدلٍ ومـايـل

وامسيّسين اسياسة الفـوز تسيّيـس= باللبل وبالهجـن السبـاق الاصايـل

تفوز في يـوم المزايـن وفالريـس = من كـل منعوتـه تسمـى وحايـل

ولو حصل للبل من النـاس تفليـس = يكفيكم انك فالعـرب مـن لاوايـل

تلبس من العنّـاب زيـن الملابيـس = يوم المزاين مـع ارجـال الحمايـل

يزها بها لـون العلـم تتبـع افنيـس = ابـلٍ لهـا عـادات كسـب النفايـل

ومدحي لبو زايد محمد بـلا قيـس = مدحٍ لـو يقـارن بفعلـه .. قلايـل

الله يمهّـل بـه ويخـزي لاباليـس = وايدوم ذكره فـوق كـل الطوايـل


،؛، .. لا ضاقت الدنيـــا .. ،؛،



لا ضاقت الدنيا عليك وتشاويت = خلق الله اللي فالرخا كان واجد

ومن العرب والصوت والثوب مليت = وقامت عليك هموم بأقعا تراجد

فارفع يديك لخالقك لا توضيت وادعو تراك أقرب إليا صرت ساجد

ووقت من أوقاتك للأوقات توقيت = وسجل لنفسك في المساجد تواجد

وأبشر بفزعة حامي الدين والبيت = إليا هجدك من الهواجيس هاجد

اللي يميت الحي ثم يحيي الميت = لرضاه شف كثر البشر بالمساجد


،؛،.. الــبـارحـــة ..،؛،


البارحة ربي كتب لي ومريت =ٍ درب عليه بروق الأحباب لاحت

جيت المكان اللي جمعنا وخفيت = وقامت جروحي للجوارح وصاحت

ياليتني في لفة ال!!! زليت = كان العيون من الدموع استباحت

التم غيم الدمع من يوم لفيت = وورقا القصيد لشوفة الغيم ناحت

وضحكت ماأبغي الناس تدري يبالفيت = لكنها غصبٍ على العين ساحت

حارت دموعي في عيوني وصديت = وأرمشت مابيها تبين .. وطاحت

وعقبه برق في العين براق .. واسقيت= خدي ووناتي بصدري تلاحت

وأنا أحسب إني في فراقه تشافيت= وان عبرتي من مدخل الزاد زاحت

اللي يحسب إني على البعد سجيت = والا ان عيوني للرقاد استباحت

ياليتني من قبل لا أحبه اقفيت =والا ان دروبي عن دروبه تناحت

أهون علي من البكا والتناهيت = وأشلا من سدودٍ على الناس باحت

عرفت كيف الحي يفرق عن الميت= وعرفت قيمة نعمتي يوم راحت

قولوله اني عقب بعده تدانيت =ورجلي عن دروب المعافين شاحت

البعد نار وطاعة العذل كبريت = يقصر على بعده .. ترى الكبد فاحت



،؛،.. أنا جـــيت كـــلي ..،؛،


ماهو بكيفك عقب شيٍ حصلي = من ذوّق المحتاج يصبر الى احرجْه

خليتني من حلو حاليك احلي =واصبحت مدمن حب والقلب روّجْه

بين العروق وصار مافيه " ملي " = الا وله جُرّه تمرّه وتسهَجْه

وذود الغلا في عشب قلبي تفلي = وتراب صدري للمطر منـْك ما احوجْه

يمحل الى صدّيت ويموت يا اللي = صديت عنـّه والله احياه واخرجْه

ولي خاطر ٍ يسألـْك من لي ياخلي؟ =غيبتـْك تلعب به وشوفتـْك تبهجْه

ولي عين حالي دمعها لك يهلي = وانْ رحْت راحت مالح الدمع تزعجْه

غالي ولا يحتاج بسّك تغلي = غلاك اخذ قلبي وروّضـْه واسرجْه

ولو قلت ياعيني بصدره تملي =شافت خفوق ٍ حبك الذرْب توّجْه

وماهو على كيفك عقب ما حصلي = من ذوّق المحتاج يصبر الى ازعجْه

(عطيتني وجهك وانا جيت كلي = محروم والمحروم ما ينعطا وجْه)



،؛،.. في كــــفـــها خــــاتــــــم ..،؛،


في كفها خاتم وفي خدها خال=وفي عينها غيم وعمارات وبيوت

الخال شفته واضحٍ من ورى الشال =والخاتم الماس مرصع بياقوت

والعمر في العشرين كني مانيب زال=والجسم كنه من جبل ثلج منحوت

جبل ولكن لا طرقه الهوى مال= وخطواتها ماهي بالأمتار بالفوت

ماهي تشوف الشمس من ظل الاظلال= ومصيافها ما بين لندن وبيروت

الشمس لو تشرق على جسمها سال= كنها مجسم محلبيه وبسكوت

ومن صغر مبسمها شقى حالها الحال = ما تاكل الا اللوز والخوخ والتوت

ماهي تشوف الناس تمشي وتختال=ومرٍ على جاكور ومرٍ على حوت

وخدامتين وهي بلا زوج وعيال = وسمعتها تدعي الدريول يياقوت

وثلاث جوالات ماهو جوال = ومن يوم خلقت كل شيٍ بريموت

لكن قلبي مالها فيه مثقال = وش قرب البشت الحساوي من الكوت

ياجعلها للي خذت قلبي نعال = اللي غلاها عندي الشرب والقوت

حوريةٍ من فوقها الليل شلال = كنها صبحٍ فوقها الليل مكتوت

قلبي لها من كثرة الشوق مشخال = وللسر عن كل المخاليق تابوت

تنحت لي من الحب في القلب تمثال = وحبي لها ينحت على الساحه بيوت

في عينها ماكل رجال رجال = وأقصى حدود الوصل في سلمها الصوت

زودٍ على القلب وعلى الحسن من آل = روسٍ لهم روسٍ على متونها بشووت

الى رضت موتوا يا أهل روس الأموال=وإلى زعلت جربت وش سكرة الموت

من دونها رجلي وراكب وخيال=والسيف والأمواج والبحر والحوت



هذي قصيدة عندما أراد أن يعمل علمية الليزر

،؛،.. دكـــــتور العـــيون ..،؛،


(يامؤمن الريفي )انا جيتك زبون= جيتك على مدح اكثر الناس وعنيت

جيت وتعالى الله عمّا يشركون.= لولاه (يامؤمن) لطبك ما اهتديت

راضي بحكم الله علي مهما يكون= عالج عيوني لو بعد طبك عميت

ودي اخاشر فالبصر من يبصرون=واشوف اي لا سرحت ولا ضويت

والى قنصت اثبت مع اللي يثبتون=واشوف طيري كل ما اوميت ودعيت

ياااكثر ما يضرب خويي (الطابلون) =من كثر ما اكلّته مطباات وكليت

وودي اشوف اللي علي يعرضون =وبعض الليالي ودي اسري دون ليت

وااشوف ناس ٍ فالقفا ما يرحمون= اما وقفت لصاحبي والا مشيت

من دون نظاره ولا هم يحزنون= يا كثر ما كسّرت كشمات وشريت

لكنٌ يا دكتور جعلك ما تهون =ابغيك كلمت راس دامك ما بديت

اسمع ولا ابغي اللي وزانك يسمعون=ربي كتب يكشف لك اسراري وجيت

صورة عديل الروح عندك فالعيون= واخاف تقطعها بموسك ما وعيت

ولا عليك امر..اطوها تحت الجفون= وعقبه لو تقطع عيوني ما شكيت

هي راس مالي والعرب ما يدركون= اني على باب الممات و ما حكيت

ياقو قلبي يوم قفن الضعون= اللي على ذاك الموادع ما بكيت

ويا صبر صبري والعواذل يحسبون= اني دلهت من الهوى والا سليت

اسكت عساهم من سكاتي يسكتون= وانا عن اللي في ضميري ما انتهيت

وادور الفرحه مع اللي يسهرون=وان ذكروني خذت فنجال وسريت

اخذت من وقتك يا دكتور العيون= عالج عيوني لو بعد طبك عميت

واستر علي واللي معك لا يفطنون= انت الوحيد اللي بعد ربي دريت


توقيع : أبن جبري
الخيل ورث النشاما من قديم الزمان=ياعاشق الخيل حذرى تفلت الجامها
قحص المهار الاصيله في غلاها مدان=واجدادنا بالبيارق رزة اعلامها
لكن يابو علي جود لجام الحصان=مثل المطيه ليا قبضت فخطامها

صح لسانك يالغربي

الايمي بالخيل بالهون بالهون // لا يالسنافي كب عنك العذايل
للخيل حبٍ داخل القلب مكنـون // احبهـا من حبهـا لتخايــل
رمز الشجاعه والفخر كان تدرون // اقسم بها الرحمن منشي المخايل
الخيل فيها الخير ثابت ومسنون // وصى بها محمد وديع الرسايل
ومن عرض ما جاء في المثايل يقولون // الخيل عزن للرجال وشكايل
منها كسبنا معرفة كل دندون // اعيال الرجال اللي تشيل الثقايل
التعديل الأخير تم بواسطة رعد الجبوب ; 15 Sep 2010 الساعة 09:34 PM

رد مع اقتباس
قديم 15 Sep 2010, 08:22 PM [ 2 ]
عضو متميز


تاريخ التسجيل : Oct 2005
رقم العضوية : 612
الإقامة : saudi arabia
الهواية : كمان معرفش
مواضيع : 159
الردود : 6956
مجموع المشاركات : 7,115
معدل التقييم : 179الغريق الشدادي has a spectacular aura aboutالغريق الشدادي has a spectacular aura about

الغريق الشدادي غير متصل


مـجـمـوع الأوسـمـة : 16
مسابقة الشدادين الكبرى

المشاركة في احتفال المنتدى

وسام أفضل تقديم للسفرة

فعالية أجمل شعار

المشرف المميز

فعالية تذكر واتربح

الاحتفال بالعام السابع

وسام صورة ومثل

فعالية عيدية الشدادين

مشارك في مسابقة القرآن الكريم


رد: مجموعة من قصائد الأسطورة محمد بن فطيس المري


حياك الله يابو علي ولاهنت

قصايد وأبيات جميله تسلم يمينك يالذيب

رعد نسق القصايد هههه

والله يبيلها شهر مشكور يابو علي مره أخرى


توقيع : الغريق الشدادي



لن آنساك أيها العام الجميل
ستظل في مخيلتي إلى أن تأتيني منيتي
أنت أجمل أعوام عمري رغم كل المشاكل اللتي جلبتها لي
لكنك قدمت لي حلم عمري

1432
ستبقى في الذاكرة

الأعلى رد مع اقتباس
قديم 15 Sep 2010, 08:36 PM [ 3 ]
فارس الشدادين


تاريخ التسجيل : Aug 2010
رقم العضوية : 29451
الإقامة : saudi arabia
الهواية : ركوب الخيل
مواضيع : 102
الردود : 1288
مجموع المشاركات : 1,390
معدل التقييم : 28أبن جبري is on a distinguished road

أبن جبري غير متصل


مـجـمـوع الأوسـمـة : 1
الحضور المميز


رد: مجموعة من قصائد الأسطورة محمد بن فطيس المري


مشكوور يا الغرييق على المرووور الأكثر من راااائع

الأعلى رد مع اقتباس
قديم 15 Sep 2010, 08:38 PM [ 4 ]
فارس الشدادين


تاريخ التسجيل : Aug 2010
رقم العضوية : 29451
الإقامة : saudi arabia
الهواية : ركوب الخيل
مواضيع : 102
الردود : 1288
مجموع المشاركات : 1,390
معدل التقييم : 28أبن جبري is on a distinguished road

أبن جبري غير متصل


مـجـمـوع الأوسـمـة : 1
الحضور المميز


رد: مجموعة من قصائد الأسطورة محمد بن فطيس المري


مشكوور ياا رعد الجبوووب على التحرير

الأعلى رد مع اقتباس
قديم 17 Sep 2010, 07:07 AM [ 5 ]
عضوة متميزة


تاريخ التسجيل : Nov 2009
رقم العضوية : 22437
الإقامة : saudi arabia
الهواية : .
مواضيع : 420
الردود : 16118
مجموع المشاركات : 16,538
معدل التقييم : 149السديم will become famous soon enoughالسديم will become famous soon enough

السديم غير متصل


مـجـمـوع الأوسـمـة : 13
المشرفة المتميزة

المشاركة في احتفال المنتدى

العضو المميز

القسم المميز

الاحتفال بالعام السابع

الاحتفال بالعام السابع

نجم يوميات الأعضاء في رمضان

الخطوط الشدادية

مسابقة تعرجات قلم

العضو المميز


رد: مجموعة من قصائد الأسطورة محمد بن فطيس المري


^
^

ماشاءالله كل قصيده أحلى من الثانيه ^ ^

وصح لسان الشاعر الاسطوره أبن فطيس


تسلم أخوي وماتقصر


الأعلى رد مع اقتباس
قديم 18 Sep 2010, 07:11 PM [ 6 ]
شاعر


تاريخ التسجيل : Nov 2005
رقم العضوية : 627
الإقامة : saudi arabia
الهواية : [].. اقتناص الافكار..[]
مواضيع : 696
الردود : 20457
مجموع المشاركات : 21,153
معدل التقييم : 478عيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of light

عيد الشدادي غير متصل


مـجـمـوع الأوسـمـة : 11
المشاركة في الاحتفالية السنوية

المشاركة في احتفالية العام التاسع

الشاعر المميز

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

عضو مخلص

الحضور المميز


رد: مجموعة من قصائد الأسطورة محمد بن فطيس المري


روووووعه يعطيك العافيه

على النقل والاختياااار الذوووق

تحيااااتي الغربي




توقيع : عيد الشدادي
بيتي مشيد في قيا للمناعير=وانا على بابه وارحب واهلي..
افخر بمقدوم الوجيه المسافير=مادام قدري فالزمان امتعلي..
.
.
.
.
.
.
الفقد ..ماهو فقد من غاب يومين=الفقد والله فقد شخصٍ توفى
فارق وخلى من يحبه من سنين=ياموت هد شوي طالبك تكفى
.
.
عيد الشدادي

الأعلى رد مع اقتباس
قديم 10 Dec 2010, 03:04 PM [ 7 ]
فارس الشدادين


تاريخ التسجيل : Aug 2010
رقم العضوية : 29451
الإقامة : saudi arabia
الهواية : ركوب الخيل
مواضيع : 102
الردود : 1288
مجموع المشاركات : 1,390
معدل التقييم : 28أبن جبري is on a distinguished road

أبن جبري غير متصل


مـجـمـوع الأوسـمـة : 1
الحضور المميز


رد: مجموعة من قصائد الأسطورة محمد بن فطيس المري


مشكووووووووورين على المرووور العطر




تحياتي


الأعلى رد مع اقتباس
قديم 10 Dec 2010, 03:14 PM [ 8 ]
عضو متميز


تاريخ التسجيل : Mar 2010
رقم العضوية : 26592
الإقامة : saudi arabia
الهواية : .
مواضيع : 114
الردود : 1647
مجموع المشاركات : 1,761
معدل التقييم : 27سلطان الشدّادي is on a distinguished road

سلطان الشدّادي غير متصل


مـجـمـوع الأوسـمـة : 3
المشاركة في احتفال المنتدى

العضو المميز

الحضور المميز


رد: مجموعة من قصائد الأسطورة محمد بن فطيس المري


ابن جبري
يعطيك العافيه قصايد رائعه


الأعلى رد مع اقتباس
قديم 11 Dec 2010, 11:14 PM [ 9 ]
فارس الشدادين


تاريخ التسجيل : Aug 2010
رقم العضوية : 29451
الإقامة : saudi arabia
الهواية : ركوب الخيل
مواضيع : 102
الردود : 1288
مجموع المشاركات : 1,390
معدل التقييم : 28أبن جبري is on a distinguished road

أبن جبري غير متصل


مـجـمـوع الأوسـمـة : 1
الحضور المميز


رد: مجموعة من قصائد الأسطورة محمد بن فطيس المري


 
 
المشاركة الأصلية بواسطة : سلطان الشدّادي
اقتباس
 

ابن جبري
يعطيك العافيه قصايد رائعه

 
 
مشكووور على المروووووووور الراااااااااااائع


الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
ابن فطيس المري يمدح الروافض عبدالعزيز مسلط قصائد مختارة 5 16 Aug 2010 10:19 PM
امسيه ومقناص لابن فطيس المري محمد العتيبي المقناص ولوازم الصيد وحياة الطبيعة 4 11 Jun 2009 12:23 AM
محمد بن فطيس المري أبن مهرس Vip قصائد مختارة 14 08 Mar 2008 08:06 AM
الشاعر محمد بن فطيس المري أبن مهرس Vip قصائد مختارة 12 06 Feb 2008 11:02 AM
محمد حمد بن فطيس المري من قطر al_shdady toop قصائد مختارة 11 01 Apr 2007 04:17 AM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

12:59 AM
Powered by vBulletin® developed by Tar3q.com