|
||||||||||||||||||
البشر في الدنيا تأكلها البشر!
قصتي قِصَه مُفيـده وقِلتْ : أكتبْهَا بسطور=ويا عسى مِن كانْ يقرى مِنَّهَا .. ياخِذ عِبَر مغفره وذنوب , والساعه بلا تُوبَـه تدور=السنه صَارتْ سَريعه حِيلْ , وأحْسِبْهَا شهر عِذتْ أنا مِنْ شَرْ خَناسٍ يوسْوسْ بالصدور=وما بكيت إلا لوجــه اللــه في ليلة قدر تِختصر مَعنى حياتِكْ كيف تبني لِكْ قصور!=أحْتِــــرم رايك وهذي تُعتبَــر ( وجهَــة نظر ) ! زين طيِّب .. دام تِدري إنَّ لِكْ رَبٌ غفور=ليه ما صَلِّيتْ لَجله وما رفعت إيدك شكر!؟ حَدِّث العاقِلْ بمَا يُعقَل ..وفي قلبٍ جَسُور=وإنْ خطيت بحق غيرك روح قدِّم له عذر رافِقْ الشخص المِثالي اللَّي لو تخطي / يثور=وإن سِمَعت إسْمَعْ مِنْ اللِّي تِلقى في صَمته " دُرر " وقبل تِسأل عَنْ حياتي وكِيف وجهي شَع نور=خلْ كلامي لِكْ وصيَّه وخلْ بعد عِندكْ خبر ما نالْ في الدنيا أحَدْ يا سَائلي غير (الصبور)=والدليل إنِّي صِبرتْ .. وكانت أيامــي تمر لا تقول: الحَلْ إنِّكْ تِلقَى لِكْ,عاشِقْ غَيور=إنْ حَبِّتِكْ عِينه ترى ماحَبِّتِكْ عِين الدهر !! مِثلِكْ أوَّلْ كان حَالي وضِيقتي ونفس الشعور=كِنت أقول : شمعنى قلبي في مشاريعَه خسر ما دريت إنَّ الغِيابْ أحيَان أفضَلْ .. مِنْ حضور=لِين شِفت " الشمس " تشرق بعد ما يغيب ( القمر ) وما دريت إنَّ التواضُع كنز / ومَكرُوه الغرور=لِين شِفت إنَّ الغِنى .. في الآخِرَه مِثل الفقر !! كِنتْ غـافِلْ في حياتي وكِنتْ أجْهَلْهَا الأمور=لِينْ ربِّي له هدَاني .. وصِرتْ أدَوِّر لِي أجر لا تقول: أعيش يُومي دامي في عمر الزهور=منت ضامِنْ عُمركْ الباقي .. وقَطَّافْ الزهَر قبل لا تبدي الخطِيئه وتبْنِي لِذنوبك جسور=خافْ مِنْ ربِّكْ وفكِّـر في وعَد يُوم الحشر مَهْمَا كِنت إنسَان " راقي " وتعشِق أنواع البخور=التراب اللَّي يضمك بعد مُوتك ..والقبر !! ياما قالوا الناس : خايف وقلت : ما فيني قصور=بَسْ شِفتْ إنَّ الشَّجَاعَه مَعنى ثاني للخطر إيهـ خافْ وكُونْ سَالِم دام هالدنيا بحور !=والبحر مَهْمَا وفالِكْ طبعَـه ( غدار ) البحر وللشجر إن شفت هامه هذا مِنْ طيب الجذور=يعني أعمالك جذورك هذي هـي بالمختصر القضيه: ما هِـي شخصٍ خالِفَـه شِرطي المرور=البشر في الدنيا هذي . . . صَار , ياكِلْهَا بشر !
|
28 Sep 2009, 10:52 PM | [ 2 ] | ||||||||
شاعر
|
رآآآئع يابندر النايف
قصيدة قمة في الروعة والجمال والأكثر من ذلك هو انتقاءك وذوقك الراقي سلم فكرك وسلمت يمناك على هذا النقل المميّز وصح لسان الشاعر دمت بخير ,,, |
||||||||
|
|||||||||
29 Sep 2009, 06:02 AM | [ 3 ] | ||||||||
|
هلابك شاعرنا واعي ومرحبا فيك شكرا لمرورك الطيب ولحسن كلامك يا جميل دمت بود |
||||||||
29 Sep 2009, 06:44 PM | [ 4 ] | ||||||||
مؤسس شبكة الشدادين
|
لا هنت يا مشرفنا الراقي على اختيارك العذب الجميل تسلم يديك والله يعافيك |
||||||||
|
|||||||||
29 Sep 2009, 06:51 PM | [ 5 ] | ||||||||
|
هلا بك يا أبو نورة ومرحبا تراحيب الأمطار وشاكر لك مرورك الطيب ودمت بود |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
بشر غير البشر ....الزجاجيون | خشوف الشدادي | القسم العام | 6 | 25 Jun 2010 02:00 AM |
غض البصر | ألماسة حساسة | المنتدى الاسلامي | 18 | 16 Feb 2010 01:37 AM |
نعمة البصر | بسمة | المنتدى الاسلامي | 11 | 02 Jun 2008 09:31 PM |
حال البشر | الداخل | قصائد مختارة | 12 | 05 May 2008 10:50 PM |
عشر فوائد في غض البصر | بن جحفان | المنتدى الاسلامي | 8 | 12 Nov 2006 08:20 PM |
|