موسوعة صواني الفرن

بسم الله الرحمن الرحيم السلام عليكم ورحمة الله وبركاتة تتميز الصـــواني بسرعتها ولذتها ونكهاتها المختلفه وتنفع غداء وعشاء ولو الغداء ... بتقلون لو ماكان كبسة ماينفع .... ادري سبقتكم اقوى شي تنفع عشاء ... او صنف ثاني وقت العزائم مو اذا جاء راعي البيت وقال وين العشاء قلتن وش تبي ... هو وش مدرية يبي شي يسد جووعه والا مثلاً تقدمين له كتاب منال العالم او أطباق النخبــة وتقولين أختاار والا ماشاء الله عليكن عاملات منيوو وتقدمين له الورقة وتقول آمــر >>> لا يكثر هرجك اخلصي طيب ان شاء الله يكون متجدد لعيونكن قريب منكن ... ماعليكن الا تفتحن ذا الموضوع وتدعن لي بالصحـــة والعافيه حياكم الله

صينية الدجاج بالليمون

صينية الدجاج بالليمون خطيرة وتتميز بطعمها الحامض مع البطاطس, المقادير:دجاج مقطع ومملح وعليه بهار اسود وفلفل بابريكا بودر ورشه اعشاب
ايطاليه

قطعي كميه بصل شرايح وليمونتين

رصي الدجاج في بايركس وعقب غطيه بشرايح البصل والليمون



حطي ملح وفلفل احمر واسود

ورشه اعشاب
وغطي الصينيه ودخليها الفرن

هنا الصينيه عقب مرور 45 دقيقه

الحين بملقط ارفعي الدجاج على شرايح البصل
عشان تحمير الوجه

دخليها تتحمر

وقدميهاا
رهيبه وخفيفه ولذيذه



بالعافية على قلوبكم

الله الله
يا شيهانة

تسلم يديك والله يعافيك
سنعة وظفرة بعد

والله يكثر خيرك ما قصرتي

صينيه الشاورما والدجاج بالمخلل رهيبه

ع المقادير:

قطعي بصل وثوم ناعم واحمسيه




لين صار اشقر ضيفي قطع صدور الدجاج مقطع بطريقه رقيقه

مع قطع الفلفل الرومي



خليه لين ينشف الماء وبهري الدجاج:فلفل احمر مجروش بزار الدجاج ملعقتين خل وهني سر النكهه الحلوة
نص مكعب ماجي فلفل اسود



وخلطي وخليه يتسبك شوي





وعقب ماتسبك الدجاج طفي النار

وقشري بطاطس وقطعيها اصابع واقليها في زيت غزير <<<< تقدرين تخليها سلق
ورصيها في بايركس اول طبقه



فوقه طبقة الدجاج والفلفل




فوقه مخلل خيار




نجي للطبقه اللي بنغطي فيها الدجاج:علبه قشطه صغيره 4 ملاعق جبنه بوك بالثوم والاعشاب وجبن سايل 3 ملاعق وموزريلا مبشور



صبيه على الدجاج ودخليه الفرن



دخليهاا الفرن







وتنفع

صينيه دجاج بخلطه رائعه ورهيبه


ع المقادير:::

في مقلاه احمسي كميه كبيره من شرايح البصل والثوم



لين اشقر ضيفي قطع الدجاج انا شلت الجلد وقليه شوي




بهري الدجاج بمكعب ماجي وبزار دجاج وفلفل اسود وفلفل احمر وملعقتين ماي عشان يتسبك

وغطي الدجاج على نار هاديه لين ينضج




قبل ماتطفي النار بعشر دقايق ضيفي السجق ونص كوب خضار مشكله



وردي غطي الدجاج ينضج السجق



هنا نضج الدجاج والسجق طفي النار

حطي الدجاج في بايركس




مقادير الخلطه الرهيبه:

3ملاعق مايونيز بالثوم
3ملاعق جبن سايل

2ملاعق زبادي
ملعقه طحينيه.ملح .كركم.بزار دجاج.فلفل اسود
تقدرين تضربيهم في الخلاط او باليد مثلي مااحب البقدونس يفرم كثير

نص كوب بقدونس مقطع

خلطي الخليط






وعلى الوجه اغطي الدجاج

حمريها في الفرن بس من قوق









يقدم جانبها الخبز >>>> مو بشوكة على بالي انكم ماتدروون

صينية فرن <<< مالها اسم انا سميتهاا امووون خخخخ

صينية الفرن بالبطاطا وصدور الدجاج

اول شي قطعي بصل ناعم مع ثوم وحمسيه في زيت زيتون


لين يشقر لون البصل
قطعي بطاط حلقات رقيقه


اقلي البطاط


نرجع للبصل لما يشقر ضيفي صدور دجاج مقطعه بشكل طولي ورقيق


لما ينشف ماء الدجاج بهريه
بمكعب ماجي ..فلفل احمر مجروش..بابريكا..اوريجانو...بقد ونس جاف...فلفل اسود

خلطي الدجاج

نجي لسر النكهة الحلوة في الصينيه ضيفي نص كوب زيتون اسود مقطع
ونص كوب فطر شرايح

خلطي المزيج وخليه كم دقيقه على النار

ابشري طماطم كبيرة وضيفيها للدجاج

خليه على النار 5 دقايق عقب طفي النار
حطي الدجاج في صينية الفرن

رصي طبقه الثانيه ..البطاط المقلي حطيه على الدجاج

رشي عليه نص كوب جبن مبشور تشيدر

نجهز الخلطه..3 ملاعق جبن سائل...3 ملاعق قشطة...2 ملعقه مايونيز استخدمت اللي بالفلفل الحار

حطيه على وجه الصينيه

حطي موزريلا على الخلطه

دخليها الفرن اول ولعي النار تحت ربع ساعه تقريبا عقب ولعي فوق






بالعافية

صينية عشاء جديدة بس هالمرة الاسم عليكم

حمسي بصل وثوم

لحم دجاج مفروم ضيفيه ع البصل لين ينشف منه الماي

قطعي طماط..كوسه..فلفل حار او رومي..

حطي مكعب ماجي..فلفل اسود..كمون..بزار..بابريكا...كز برة بودر..فلفل احمر

نص كوب ماي وخليها تتسبك مع ملعقه معجون طماط

هنا نضجت

حطيها في صينية الفرن

حطي عليها خلطة ومن التشيدر والموزريلاا

اقلي مكعبات الباذنجان والبطاطا

حطيهم على الجبن واللحم

ردي حطي خلطة من الاجبان عليهم

ودخليها الفرن اول من تحت ثم من فووق

وقدميهاا

صينية الخضار <<< طبخة عراقية

المقادير
كما بالصورة التالية ..
نقطعهم كل الخضار حسب ماموجود بالصورة ..




بعدها نضع الطماطم المقطعة بالصينية بالشكل التالي


وبعدين نروح نقلي البصل ونضعه بالطاجن فوق الطماطم وبعدها نقلي البطاطا والباذنجان ونرتبهم بالشكل التالي ..



وبعدين من نخلص قلي الخضار وترتيبهم
نجي نسوي كفتة اللحم ..
نخلي للحم شوية دقيق
وشوية بهارات وملح
وفلفل قليل جدا
وفص ثوم مفروم ناعم
ونخلطهم باليد سوية
وبعدها نسويهم كما بالصورة



ومن ثم نقلي اللحم ونصفه فوق الخضار المقلية بالصينية



وبعدها نضع فوقهم الفلفل الاخضر المقطع
ملاحظة ( الفلفل الاخضر لاتقلوه )
ولو تحبوا ضيفوا القليل من الكرفس او البقدونس المفروم ..



وبالنهاية نصف الطماطم من جديد لتكون في الاعلى ..



بعد الانتهاء من الترتيب .. نضع الصينية عالنار
ونضيف لها خليط من ملعقة ملح وماء ومعجون طماطم
بحيث يكون شوية اكثر من مستوى المقادير الموجودة في الصينية ..
ونخليه عالنار حتى يغلي بس الاهم من هذا
ان ماءها ماينشف يعني يكون فيها مرق باقي ..
مثل ماتسون مرق بس مو تكون ثخينه ..
ولو تغطونها بين ماتغلي يكون افضل بعد ..



وما ان تنضج قليلا نرفعها من النار
ونضعها بالفرن لتحمير الوجه ..




ثم تقدم مع الرز او الخبز ...



وبالعافية

صينية البطاطس بالتشدر والبشاميل

المقادير والطريقه مع بعض

الطبقة الاولى (طبقة البطاطس):
4 أو 3 حبات بطاطس حجمها وسط مسلوقه + رشة ملح + رشة فلفل اسود +ملعقة زبده
+ملعقة جبن سايل >> نخلطهم مع بعض بشوكة أو ملعقه خشبيه أو البسي gloves القفازات
وبيدك اعجينها (اللي يريحك) وافرديها بالصينية

الطبقة الثانية (حشوة الدجاج):
نسلق دجاجة وننتفها ولو فرمتيها احسن ( بس انا كانت الاله خربانه وقتها)
+ بصلة مفرومه + 2 فص ثوم مفروم + بهاراتك اللي تحبين (واضيفي عليها الاعشاب الايطاليه وورق الريحان >> انا بصراحه استغنيت عن الاعشاب الايطالية والريحان)
حبه فلفل بارد + ذره معلبه +جزر مبشور + ملح >> لاتحطين ماجي لأن الصينية فيها ملح بكل طبقه فنستغني عنه


نشوح البصل والثوم بالزيت >> بعدين نحط الدجاج ونقلب شويااات >> بعدين نحط الخضار
وبعده البهارات ونقلب >> وآخر شي نحط الذره لأنها مستويه ونخليها شوي على نار هاديه
ثم نطفي عليها ونحطها بالصينيه كطبقة ثانيه

الطبقة الثالثة:
علبة جبن تشدر كبيره نبشرها ونحطها فوق خلطة الدجاج

الطبقة الرابعة (البشاميل):
بخلاط الكاس >> كاس مويه دافيه + 2 ملعقة كبيره دقيق
+4 ملاعق كبيره حليب بودره + رشة ملح وفلفل ابيض او اسود >> نخلطهم ونحطهم عالنار
حتى يثقل الخليط ونفردها عالصينية ونحط هالوجه موزاريلا وبابريكا



ندخلها فرن مسبق التشغيل من تحت شوي
ومن فوق لحد ماتسيح الجبنه


وهذي شكلها اول ماطلعتها

وهذي بعد التقطيع والتزيين

وبالعافية

صينية بطاطا وباذنجان بالدجاج المفروم


المقادير:
بطاطا مكعبات مقلية نصف قلية
باذنجان مكعبات مقلية نصف قلية
خلطة الدجاج:
دجاج مفروم
بصل مفروم
طماطم مفروم
شوي ذرة
ملعقة طعام صلصة طماطم
ملح
بهار
رشة كزبرة ناعمة ناشفة
نصف ملعقة صغيرة كركم

الصلصة البيضاء:
علبة قشطة
4 حبات كيري
ملعقة مايونيز
علبة القشطة ماء

الطريقة:
بعد قلي البطاطا والباذنجان



نحضر خلطة الدجاج
نشوح البصل على النار في القدر مع شوي زيت ذرة ثم نضيف الدجاج المفروم مع الملح والبهار والكزبرة
والكركم ونتركها شوي ثم نضيف الطماطم مع الصلصة ونتركهم ليتسبكو





نخلط الدجاج مع البطاطا والباذنجان ونضعهم في صينية الفرن ونرش عليهم ذرة




ونخلط الخلطة البيضاء ونصبها عليهم ونضعها بالفرن









وقدميهاا بالعاافيــة