مدح في سلالة الشيخ حمدان الايداء شيخ قبائل ولد على في المملكه العربيه السعوديه

مدح في سلالة الشيخ حمدان الايداء شيخ قبائل ولد على في المملكه العربيه السعوديه

هذه قصيدة مدح في سلالة الشيخ/ حمدان الملقب (بالايداء )

شبل الايدا لالفوه اهل الحكايا

عنده المقياس مقياس التجارب

مايطاوعهم على سو السوايا

راعي النمه يجي ويروح هارب

من دفن وسط العسل سم الحيايا

قصده يحط الفتن بين الاقارب

جعله يصير الضحيه بالضحايا

طايحن بين الحيايا والعقارب

مايخلى الفار يحفر بالزوايا

لاتركت الفار يهدم سد مارب

يارجال العز في صفو المرايا

يارجال العز في صفو المشارب

جدنا حمدان ورَاد المنايا

ضارب التاريخ في كل المضارب

والسلاله منه متعبين السبايا

يامتعبين الطيب دسمين الشوارب

اسم الايدا سامي بين السمايا

لانسف كوره على شيب الغوارب

طيبهم ممنوح من رب البرايا

في شهادة شاهدٍ ماله مآرب

من تميز في جميلات المزايا

عز ربعه بالمشارق والمغارب

ونعم والله بالشيخ حمدان
وونعم بقبائل العرب كلها
والله يحييك أخوي ممدوح

ونعم فيكم يابن علي وبالشيخ
يعطيك العافيه
ودي

صح لسان قائلها ولاهنت على النقل الطيب باأهل الطيب يستاهل الايدى ويستاهلون ولد علي ولاهنت