رسالة عاشق

على موالنا الاول نسوق الظرف والمظروف=عساك تروف في حالي وحياتي ماتضيعها
وقدم قلبي العاشق هديه ماعليها حسوف=وعيون.ن على لقياك ماجفت مدامعها
بعد ربي بلانيبك وشفتك قدم عيني شوف= تطالعني بعينك لين عينك صرت اطالعها
وحداني عنك شي.ن ممزج بين الحياء والخوف=ولايالعنبو من بالحياء نفسه يطاوعها
حياتي وش حياتي والنظر دونك يجي مكفوف=ومن دونك جيوش انذال موسعة.ن مسامعها
ولوف احبابك وعشاقك ادري واصلين ولوف=وفي زحمة كثير الناس من غيرك يسنعها
جنون العاشق المغرم جنون الظامي الملهوف=يجيب الغايبه؟؟ بدري خصوص ان صار بايعها
تجمل ياجميل الوجه وكسب فيني المعروف=وتمم باللقاء فرحة عشيق.ن منك طامعها
يهيم بعالم العشاق شاف من العذاب صنوف=ملامحه الحزينه كسوة ايامه وطابعها
يعيش العمر كله في أمل هذا التعب مخلوف=ويجي يوم ويشوف الشجره اللي كان زارعها
تفوح ازهارها واثمارها تقطف بغير كفوف=وتطوي قصة العشاق صفحه من روائعها

		المشاركة الأصلية بواسطة : ابوراكان اقتباس
	تجمل ياجميل الوجه وكسب فيني المعروف=وتمم باللقاء فرحة عشيق.ن منك طامعها يهيم بعالم العشاق شاف من العذاب صنوف=ملامحه الحزينه كسوة ايامه وطابعها يعيش العمر كله في أمل هذا التعب مخلوف=ويجي يوم ويشوف الشجره اللي كان زارعها

الله الله وش هالابداع يابو ركان

صح لسانك قصيده رااائعه وتحيتي لك

	بيض الله وجهك ياابو راكان قصيده جزله من شاعر جزل

مصافحه جزله يابو راكان ....
ولاتعودنا منك غير للجزل
صح لسانك

		المشاركة الأصلية بواسطة : اقتباس
	وحداني عنك شي.ن ممزج بين الحياء ... والخوفولايالعنبـو مـن بالحيـاء نفسـه يطاوعهـا حياتي وش حياتي والنظر دونك يجي مكفـوف...ومن دونك جيوش انذال موسعـة.ن مسامعهـا

هذا وقت الحياء؟؟؟
الله الله .. ما اروع وصفك الدقيق.. لاحساس المحب المتعلق بحبل الرجاء ..
صح لسانك يالشاعر ...

جنون العاشق المغرم جنون الظامـي الملهـوف=يجيب الغايبه؟؟ بدري خصوص ان صار بايعها
تجمل ياجميل الوجه وكسب فينـي المعـروف=وتمم باللقاء فرحة عشيـق.ن منـك طامعهـا
يهيم بعالم العشاق شاف من العـذاب صنـوف=ملامحـه الحزينـه كسـوة ايامـه وطابعهـا

الله الله الله يا أبو راكان وش هالعلوم الذي تهيض ؟!!

ووش هالقصيد اللي من قراه ما مله ؟

بيض الله وجهك يا ولد العم فقد أطربتنا بما نظمت وصح لسانك لا هنت

		المشاركة الأصلية بواسطة : عبدالله الشدادي اقتباس
	الله الله وش هالابداع يابو ركان صح لسانك قصيده رااائعه وتحيتي لك

اخوي الغالي عبدالله

صح بدنك واشكرك جزيل لشكر على تشجيعك المستمر ومتابعتك الدائمه

فأهلاً وسهلاً بك وتقبل صادق مودتي .


ملاحظه/ليه ماكملت البيت الأخير ......... ؟؟
ههههههههههههههههههههه

		المشاركة الأصلية بواسطة : أبو عزة اقتباس
	بيض الله وجهك ياابو راكان قصيده جزله من شاعر جزل

الغالي ابوعزه

الله يحفظلك عزه والجزل حضورك وذوقك الرفيع ووجهك ابيض يالنشمي

وعسى عمرك طويل

		المشاركة الأصلية بواسطة : سعد الشدادي اقتباس
	مصافحه جزله يابو راكان .... ولاتعودنا منك غير للجزل صح لسانك

اخوي الغالي سعد

الجزل

حضورك

والجزل

ذوقك

والجزل

اسمك

سعد

		المشاركة الأصلية بواسطة : المستحيلة اقتباس
	هذا وقت الحياء؟؟؟ الله الله .. ما اروع وصفك الدقيق.. لاحساس المحب المتعلق بحبل الرجاء .. صح لسانك يالشاعر ...

اختي الغاليه المستحيله

صاحبة

الذوق الرفيع

والفكر البديع

والفهم السريع

والأسم المنيع

الله خلقنا والحياء طبع فينا ......صح وخطا .. هم ليه قالو طبايع
ههههههههههههههههههه

صح الله السانك والله لايقطع حبل الرجاء شاكراً ومقدراً حسن تناولكي للقصيده
وماتحمله بين طياتها .