البارحه ما أمسيت

البارحه ما امسيت طول الليل سهران=من ضيقة بالصدر مرت عليه
والهاجس اللي صار بالفكر حيران=من ضيقته ضاقت عليه القضيه
والقلب قامت تشتعل فيه نيران=من حرها حسيت بالقلب كيه
ليلة فرح بقدومها صرت وجعان=وعقلي نوى المرواح ماهو معيه
احد يعايد ليلة العيد فرحان =وانا اعايد علة داخليه
وعلمن لفاني هزني هز بركان =علمن لفاني ليلة عيد الضحيه
يوم الفرح عيدي تبدل بالاحزان=ليت القدر عجل عليه بالمنيه
هلت عيوني دمعها فوق الاوجان=على إفراق اخوي حالي شقيه
عقبه ترا ماني على العمر شفقان=اللي كواني حر فرقاه كيه
من فرقته لو صار في عقلي اجنان=ماهي حسايف بالحياه البقيه
كنت اتمنى شوفته بين الاعيان=زوله بعيني كل صبح ومسيه
ياليتني كفنت اخويه بالاكفان=او ليتني للقبر شلته بيديه
او ليت يوم الله امر والقدر حان=روحي معه للموت راحت سويه
عزاي انه ماترك خمس الاركان=روحه بذكر الله دائم هنيه
عمره قضاه بطاعة الله والايمان=يخاف ربه مامشى بالخطيه
يالله ياللي خالق النس والجان=سبحانك المعبود رب البريه
يالله ياربي تجازيه باحسان=ياعالمن عن كل سر الخفيه
عسى مكانه جنة الخلد مسكان=يوم القيامة وانت يالله وليه

طبعا القصيده مو منقوله ليه ومايحتاج اقول القصه لان القصيده تبين كل شي

تسلم يمينك اخوي على القصيده الرائعه

الذيابي

رحم الله اخوك

وصح لسانك يالنشمي

وتقبل تحياتي

صح لسانك يالذيابي

والله يرحم اخوك رحمه واسعه

ويسكنه فسيح جناته

		المشاركة الأصلية بواسطة : اقتباس
	يوم الفرح عيدي تبـدل بالاحـزان ليت القـدر عجـل عليـه بالمنيـه

لا يجوز تمني الموت فالمؤمن متعلق قلبه دائماً بالله

راضياً بما كتبه عليه ،، صابراً على مصائب الدنيا

رحم الله أخي رحمة واسعة وغفر له

وصح لسانك أخوي الذيابي

		المشاركة الأصلية بواسطة : شمعة الدنيا اقتباس
	تسلم يمينك اخوي على القصيده الرائعه

تسلمين انت على المرور الرائع شكرا لك

		المشاركة الأصلية بواسطة : من رؤس بنيوس اقتباس
	الذيابي رحم الله اخوك وصح لسانك يالنشمي وتقبل تحياتي

الله يجزاك خير


صح بدنك وشكرا على مرورك

		المشاركة الأصلية بواسطة : الغربي اقتباس
	صح لسانك يالذيابي والله يرحم اخوك رحمه واسعه ويسكنه فسيح جناته

صح بدنك


وجزاك الله خير ويرحم اموات المسلمين

		المشاركة الأصلية بواسطة : السلطان اقتباس
	لا يجوز تمني الموت فالمؤمن متعلق قلبه دائماً بالله راضياً بما كتبه عليه ،، صابراً على مصائب الدنيا رحم الله أخي رحمة واسعة وغفر له وصح لسانك أخوي الذيابي

السلطان شكرا على مرورك

وتعرف وانا اخوك وقت الصدمه الله يحمي جميع المسلمين وحادث فجاءه لكن خلها على الله


صح بدنك ابو عبدالله


وجزاك الله الف خير

الله يرحمه ويغفر له
.
.
صح لسانك
والله يعطيك ألف عافية