فقه الحب

الاخوه الاعزاء اداري واعضاء
(شبكة الشدادين الرسميه)
اسعد الله اوقاتكم بكل خير
اضع بين انضاركم هذه القصيده المتواضعه امل ان تحوز على رضاكم
والســــــــــلام عليكم

أغفري لي يالشعور الفذ يالحس الرهيف=ان سمعت الشور وأن عكمست حلمك بالغضب
أعذريني يالغرام العف يالعرض النضيف=أن شطبت الحب قامه قبل أحيطك بالسبب
قسوة ألأيام ياسيدي وطابعها المخيف=أنهكتنا واشبعتنا فوق راحتها تعب
قمت ياحضي تقيم موقف الصب الوليف=والحكايه كلها تهريج مكني للشغب
كيف واحبك واكون اكبرعدو مالي وصيف=وكلها ساعة زمن تقبل وتقفي بالطلب
كل فقه الحب داير خطوته حيد الرصيف=لحظتا تطلق تبادلنا المشاعروالنشب
اعترف لك يالطيف اللطف بالوقت اللطيف=اختلط سيله وألأبطح والنحاس مع الذهب
حب عصري واكب السرعه وداخلها بكيف=يغني أستقبال مايعنيك لاطاح الحطب
لوتأكد بنت ابوها نسبة الحب الشريف=ماثبت فالواقع المزري معدل للشبب
الرخامه صنع لاتثريب للعقل الخفيف=بل باقل اللي نقول الكارثه قلت أدب
كل ماتملكني القسوه وأحس أني عنيف=أستحي من فعل يدفعني ويلحقني عتب
لاتواخذني بتمرير أنفعالي ياضريف=ولاتعلمني حكايه حرف بعيونك رسب
أنت باعماقك مشاعرعكس ماتبدولفيف=كن باعماقك دحم بركان قاسي لاوثب
وفيك تعرف مالنا عن حق درب ولامصيف=وصعب نقبلها من التالي على حرق العصب
ومالنا مبدى ولامعدى على الدرب القصيف=وأرض ربي واسعه وفجوجه أكثر من حدب
أن بدى لك راي يأمن مايؤمن مستخيف=مدها واشدها والله يطرح من كذب
ماعلى الدنياتصف حسن المحاسن للكفيف=من ضبط دربه على الايمان يلقى ماكسب
ألوكايد كل ماقرب من هل الدنيا معيف=ولاسلم قلبي ولاصدري تفارق من نحب
وفوق اشوف اني بحاجه للأماني والرديف=وانطلق من واجبي لاصار من حق وجب
والحلول اللي تقدم حق ساري بالنصيف=داهنت بالحق من تعطيه في قو الصخب
حتى في دور الكلام العذب لي خنجر وسيف=ومثل مايقلون من قرركلامه ماشطب
توكم همسة نفس دافي لهاعصف وعسيف=دورة اعقاب الحمق قوه تحرك للشنب
لاتقلي يامصيبي قبل اقلك منت صيف=أنت وقعه جمرت بين المحاني بالعطب
أنتفض كلي على قلي وبيح بالنزيف=والسطور الشاهد ألأعظم لياأعطت من كثب
مايحرك داخل الشاعرمهاراته بزيف=لابدى من ماش تأثيره بما قاله نصب
ومن قرى جملة سكونه مايغالب للذريف=ومن عطى واسخى عيونه ماورى ذلك نسب
أن بدى لي فيك حظ ومابقي منك المشيف=لاتعرقل ساعة القدره وحسن المنقلب
أنما أصبو بكيفي من على الضلع المنيف=وفي ايابك ياذهابي واعتبر حالي ذهب

اكثر من رائعه

يعطيك ألف عافيه

أخوي جزل البيان

والله إني تمنيت إن القصيده ماتخلص

وإنك صحيح عرفت تختار مسمى صحيح لشاعريتك

صور إضائيه مبهره ومنوره ومترابطه

وكلها تنطق بالفم المليان حتى لو أنك حاولت تتستر خلف
المجامله بعض الأحيان حسب مفهومي
والله عليك وعلى إنسجامك

وتلاعبك بالألفاظ وسخريتك من الحرف و الأخذ من المفروض السليم وتعرية الواقع

المشين يمكن يكون في المجتمع في عينك

والله ان ودي أوردكل بيت منها وأشرحه

لكن أنت ماشاء الله عليك

سجيت بتفكيري إلى أبعد مدى

سجلني متابع لك بجد والله العظيم ماهي مجامله

والله العظيم إنك تذكرني بقصائد والدي رحمه الله

ووالله إن الأبيات الأربعه الأولى انها رسخت في مخيلتي


بدون ماتنقص من مستوى القصيده كامله وبيت بيت


الله يسعدك وتحياتي لك

يا الله والله يا أبو فهد
ويا صباح الخير والسهر



سعدت والله بحضورك وجمال مشاركتك
تسلم ويسلم غاليك
وصح لسانك ملايين

،*
صح الله لسانك
كفيت ووفيت
رااائعه جدا
ربي يسعدك
،*

ما أجملك وما أجمل روحك وروح قصائدك ..

هنا وجدت نفسي أقرأ نص شامخ ورائع وعالي الفهم والشاعرية ..

صح إلسانك مدد بلا عدد ودمت بود وسعادة .

صح لسانك ياجزل البيان ان اشهد انها كاملة زين
قريت وسوف اعود لقراتها كل مااشتقت القصيد
صح لسانك ملايين
تقبل مروري