مملكة احمد الروقي

ليه اللـيـالـي بـاهـتـه يوم صديت
حـاول تـنـبـه كـانـك تـخـاف ربك

رميتني في بحر الاحزان واقفيت
ما كـنـك اللي حـبـنـي كـثـر حبك !

ليت الوفاء يخبر عن اللي : ما وفو ؟
الا لـ كـسـب المـصـلـحـه .. ويذلها

ما كان شفنا الكرسي اللي : للكفو
تجلس عليه اللي : مهي كفو الها

الارض لا سـولـفـت عن طـيـبـنـا للسماء
قامت نجوم السماء تحسد مـن نجالسه

في داخلي قرعٍ مثل قرع الاجراس
هو فيه احد مثلي او اني لحالي !

اشوف موتي كل ما هب نسناس
من حربةٍ في يد سود الليالي !

غـابـت عيون الناس فـ الثلث الاخير
وقـتٍ يـسـرّي راعـي الـعـزم الـقـوي !

كيف بـ رجل حاله مثل : حال الضرير
ذيـب الـشـقـا ياكل جـنـوبـه ويـعـوي

اذكـر اني كنت ابـادر فـي رضـاه
لجل يزهر قاع صدري لا ابتسم لي

لـيـه ؟ يـحـرم خـاطـري لـذة غـلاه
مـهـديٍ غـيـري غـلاه و لا قسم لي !

اللي يقول الماضي اللي : فات مات
الـنـفــس قـلـه وش سـبـايـب هـمّـهـا ؟

صـوت المـطـر يحيي جميع الذكريات
ودك تـجـي فـي داخـلـك وتـضـمّـهـا

ليه ؟ الوصل ما يستمر بين الاحباب
درب الجفاء ما بعده الا : النصايب

صرنا بعد كثر الغلا مثل : الاغراب
مـا كننا فـي يـوم كـنـا حـبـايـب

لا تحاول تجعل الماضي غريب
والدموع تبين من بعض الطواري !

ما مضى لي معك لا يمكن يغيب
ذكرياتي غيث وايامك صحاري

يلي رسمت من الملامح تعابير ...ونقيت من زهر البساتين فله

دنياك محومه بسير المقادير...لوهي صفت لك يوم باكر تعله


وحنا بها ركبان هجنن مسايير ...ايامنا لوطالت سنين قله


مهما يلاعبنا غرام الغنادير ...الي اتعبنا بالرموش المظله


وقلوبنا تكفخ كما حايم الطير ...قامت نسانيس الهبايب تشله


الحب فارس كم جندل مناعير ...واصبح طريح والسبب بعدخله
السلام عليكم ورحمة الله وبركاته
اقتحمت صفحتك المميزه وقرأت مافيها وحبيت ان اترك
لك فيها هذه الابيات المتواضعه اتمنا تنال اعجابك واعجاب المتابعين
متمنيا للجميع التوفيق
الشاعر/فيحان ناجي الشدادي