لحن الوجع والتناهيد

الـحـزن يـجـتـاحـنـي والـدمـع مـايـكـفـي =لـلـبـوح بـالـلـي يـراودنـي مـن أحـزانـي

بـالـلـه وش فـي يـدك الـيـوم يـاحـرفـي =لاصـرت غـرقـان بـيـن أمـواج وجـدانـي

يـامـا ويـامـا يـضـم الـصـدر ويـخـفي =وش حـيـلـتـي لاعـجـزت وثـار بـركـانـي

أخـاف تـشـب فـيـنـي نـاره ولا تـنـطـفـي =وتـحـرق شـرايـيـن قـلبـي جـمـره أشـجـانـي

أنـا الـغـريـب الـحـزيـن الـراحـل الـمـنـفي =لا الأرض ارضـي ولا الـعـنـوان عـنـوانـي

ويـن الـذي عـطـرهـم مـازال فـي كـفـي =راحـوا وخـلـونـي أشـرب كـأس حـرمـانـي

مـاودعـونـي وغـابـوا لـيـل عـن طـرفـي =والـحـسـره أنـي مـاعـاد اشـوفـهـم ثـاني

ثـقـلـت هـمـومـي وعـجـز يـشـيـلـهـا كـتـفي =هـذا الـفـراق الـلـي مـن بـدري أشـقـانـي

يـسـمـع صـدى أوتـار قـلـبـي مـن سـمـع عـزفـي =لـحـن الـوجـع والـتـنـاهـيـد أعـذب ألـحـانـي

قـصـايـدي حـبـرهـا مـن دمـعـي ونـزفـي =والـشـعـر يـامـا بـكـى مـنـي وبـكـانـي

أبيات جميله ..

روائع وأختيار أروع
يا رعي الطيب
بيض الله وجهك على هذه
القصيده ومشكور يا الغالي

أحترامي وتقديري

تسلم يديك يا ملك الليل

وصح لسان الشاعر

أختيار متميز وبأنتظار القادم

		المشاركة الأصلية بواسطة : ALMAHKOOM اقتباس
	أبيات جميله .. روائع وأختيار أروع يا رعي الطيب بيض الله وجهك على هذه القصيده ومشكور يا الغالي أحترامي وتقديري

مشكور اخوي ALMAHKOOM
ولاهنت على مرورك

تحياتي لك

		المشاركة الأصلية بواسطة : حاتم الشدادي اقتباس
	تسلم يديك يا ملك الليل وصح لسان الشاعر أختيار متميز وبأنتظار القادم

حيــــاكـ الله أخوي

وشاكر لك مرورك الكريم يا بعدي