اشكروني ما تنكروني

مـجـمـوع الأوسـمـة · توقيع : روعة الوجود

قال إبن منصور قولٍ مايدخل به نزاع=مصدره من باشةٍ ساكنٍ بين الضلوع
أدرس الأحداث بالتجربه والأطلاع=وأتنقى تمرة الطير من فوق الفروع
وإن زهمت الشعر لجة مواويله وطاع=ترد في رأسي سرايا وأصدرها جموع
كن رأسي رأس ضلعٍ تعاوى به سباع=ليا تلاقت به هجوسٍ تجي من كل نوع
كثروا أصحابي وربعي وكبر الإجتماع=في ضميرٍ مادخل فيه شيطانٍ منوع
وصرت آراعيهم بحب وكرامه وإقتناع=وأدمح الزله ولو شفتها عميا الصنوع
أستر المخطي وأذريه بأطراف الشراع=وأنصح اللي ماوقع ينتبه قبل الوقوع
وأبذل المعروف فيهم بقدر المستطاع=وأتبعه بالصمت والصبر لو أضما وأجوع
والنتجيه، شيءٍ أثمر بطيب وشيء ضاع=وإكتشفت المخلص من المنافق والخدوع
إشكروني مأنكروني طويلين الذراع=وأنكروني ماشكروني خبيثين الطبوع
مير توبه ثم توبه وقلعه وإنقطاع=عن قريبين المضره بعيدين النفوع
يامضيعة الرفاقه من اليوم الوداع=الوداع بلا تحيه ولابعده رجوع
أنا ربعي كل قرمٍ عريب أصل وشجاع=ماني في حاجة منافق ولا خبلٍ خموع
أحتمل صكات بقعا وأصارعها صراع=والصبر والعزم لي في غياهبها شموع
من كلام البهرجه ماضرب رأسي صداع=صاحياً فكري وأعرف النزول من الطلوع
سلم أخويه وإبن عمي وأخوي من الرضاع=والرفيق اللي ليا حسني حسه جزوع
وطال رأسي مع هل العز والدنيا متاع=يتعب الطماع فيها ويرتاح القنوع
والهبيل اللي يركب على رأسه قناع=لاعلى ملة محمد ولا ملة يسوع
يابو ناصر روسنا ماتراخى للخناع=والله مأخبر في بني عمي الرأس الخنوع
أصل واحد مابنا حبةٍ من كل صاع=جنبي الأيمن والأيسر تغطيه الدروع
وأفتخر بذيابةٍ ماتروعها الضباع=الضباع ليا عوى ذيبها راحت مزوع
قال إبن منصور قولٍ مايدخل به نزاع=مصدره من باشةٍ ساكنٍ بين الضلوع

لفيصل الرياحي
اعجبتني
وخاصه بعض الابيات منها
احس فيها حكم

وسلامتكم