السنين تمر واحنا واقفين

السنين اتمر واحنا واقفين
واصعب النسيان في ماضِي لها

ليتني ماعشت من بعد السنين
ليت موتي كان في عز لها

مارخصنا بس كنا كارهين
والنفوس تموت فينا غلها

كلنا غالين لاكن عارفين
بعدنا عن بعض كان أضمن لها

وقفتي كانت لجل شيء ثمين
وقفت لله ثم رضا لها

ومن هقى فني فأنا الشخص الامين
وكل هقوه منك انا كفو لها

بس ليه تبور فيني بعد حين
والمشاكل كان بيدي حلها


ليت وقت مر يسمع كلمتين
ويأخذ المضمون منها كلها

لو يكرر جيته لي مرتين
والمواقف معه وقفت الها

صح لسانك
والحياة كدا لقاء وبعد وان شاءالله تسيرنأ اقدارنا على مانحب
واصل : )

صح بدنك وشكرا لك ولمرورك الكريم والجميل

ما شاء الله تواصل رائع
صح منطوقك يا شاعرنا
لاهنت

ماشاءالله رائع دائما لاجديد

بيض الله وجهك يا شاعرنا العزيز
أبو نايش
ولا هنت يا بعدي على هذه القصيدة
وهذا النظم الجميل وصح لسانك

صحة ابدانكم جميع وشكرا لكم ولمروركم الكريم والجميل

ابدعت يـ شاعرنا
صح لسانك وعلا شانك وبيض الله وجهك
لاتحرمنا جديدك

ابو نائش
صح لسانك شاعر جزل
ﻻهنت

صحة ابدانكم جميع وشكرالكم ولمروركم الكريم