بقفل الهاتف واطش الشريحة

بسم الله الرحمن الرحيم

اسعد الله اوقاتكم بكل خير

قصيده متواضعه اتمنى ان تنال اعجاب الجميع

وسامحونا على القصور وعلى الغياب

ان كان ماودك عليه تردين=بقفل الهاتف واطش الشريحه
واخش جو العالم المستلجين=لين ان هم القلب ربي يزيحه
وش صار يوم انك عليه تغلين=خليتي اعصابي بهجرك جريحه
ودي اعرف الطبع ذا جاك من وين=لني منول خابر انك صريحه
ماكنت اضنك من مزاجك تصدين=ولاكنت اضن القلب يصرخ بصيحه
لكن يابنت الرجال العزيزين=روحي وانا باقوم من بعد طيحه
والحين بقفي واحبس الدمع في العين=وادعي لقلبي جعل ربي يريحه
واليا اتصل غيري نصيحه تردين=لني بعد فعلك كسرت الشريحه
مادام مع غيري مزاجك تسلين=ماطار طير الا وقع في مطيحه
وان كان موتي جاك وسط العناوين=ادعي وقولي جعل ربي يبيحه
جتك القصيده من زبون السلاطين=من بعد ماهاضت علي القريحه

الغربي

صح لسانك الغربي
وعساك على القوة

ولو أنه فيه ألفاظ أضع عليها أكثر من علامة أستفهام
لأني أتوقع أنك أكبر منها


لكن ماقصرت وبيض الله وجهك
وأنا مو في مقام أني أقيم قصيدة


تحياتي لك أخوي

صـح لسآنڳ أخوٍي الغربـﮱ .,

ويـ ع ـطيڳ آلـ ع ـآفيـهـ .,

.

,

.

صح لسانك رااائعه القصيدة

صح لسانك يالغربي


الله يعطيك العافية

		المشاركة الأصلية بواسطة : حاتم الشدادي اقتباس
	صح لسانك الغربي وعساك على القوة ولو أنه فيه ألفاظ أضع عليها أكثر من علامة أستفهام لأني أتوقع أنك أكبر منها لكن ماقصرت وبيض الله وجهك وأنا مو في مقام أني أقيم قصيدة تحياتي لك أخوي

صح بدنك ياحاتم

ومشكور على مرورك وتواجدك

تحياتي لك الغربي

صح لسانك
اخوى الغربـــــــــــــــــــــــــي

حيـــاك اللــه يا الـغـربي

صح لسانك يا الذيب وبيض الله وجهك

قصيده جـــزله اللــه يعـــطيك الــعــافيه

بــس أنحـــش عــن عــالم المستلجين ..

		المشاركة الأصلية بواسطة : بـنـت أبوهـــا اقتباس
	صـح لسآنڳ أخوٍي الغربـﮱ ., ويـ ع ـطيڳ آلـ ع ـآفيـهـ ., . , .

صحت ابدانك يابنت ابوها

ومشكوره على مرورك المميز

صح لسانك يالغربي ( وننتظر جديدك بفارغ الصبر)تحياتي