آخر 10 مشاركات |
مختارات | خَيرُ الخِلالِ حِفْظُ اللِسانِ |
|
||||||||||||||||||
طريقة الخبز على الجمر والطريقة البرية
(((((المطبخ البري : فطير بالسمن البري ))))) اليوم طلعت طلعة خفيفة وحبيت اشرحلكم طريقة عمل الفطير مع تمنياتي لكم بالفائدة .. أولا ً : شب نارك وارك الدلال ومعاميلك وذب الهجيني ثانيا ً : جهز الأدوات التالية بر ..... يستحسن يكون زريعيه ( مزروع على المطر ) ... وان كان ماهو موجود أنا أفضل بر ( نجران ) ..... أو أي نوع من البر الفروق نتيجتها الطعم فقط الكمية ... على مزاجك وحسب عدد اللي معك يعني الكوب من البر يكفي شخصين طبعا ً هذا الكوب يلزمة كوب الا ربع ماء لاننا بنسوي فطير لو قرص .... يقل الماء الى نصف كوب لكل كوب بر طبعا ً لاننسى الصاج اللي بنسوي عليه هالفطير انا افضل الصاج الثقيل والثخين ويكون بشكل دائري مقعر للداخل المقعرللخارج يصلح للمقشوش ( الشراك ) .... الشي اثاني زيت زيتون وسمن بري كلا ً على حسب شهوته ثالثا ً : نضع الماء على البر بمعدل كل كوب بر يقابله كوب الا ربع ماء ويوضع الماء بشكل تدريجي ويعجن بعضهم يعجنه باليد وهذا من عيوبه تكتلات العجين وتكوره اللي تظهر لك.... انا هنا قمت بعجنه بملعقه سلك لكي يكون متجانس طبعا ً حتى يسهل عليك صب العجينة على الصاج ضع العجين بعد تجانسه في ( جيك ) .... رابعا ً : نساوي الجمر ونفصله عن الحطب ... يعني يكون الجمر على قد الصاج خامسا ً : نصخن الصاج على النار ... ونضع عليه مسحة بسيطة من السمن او زيت الزيتون سادسا ً : نضع قطرات من السمن البري او زيت الزيتون على الصاج ومن ثم ابدأ في صب العجين على الصاج بكميه ترى انها كافيه بحيث تكون في المنتصف ومن ثم ارفع الصاج وابدأ في تحريكه دائريا ً حتى تتسع دائرة العجينه وتأخذ الحجم اللي تبيه في الفطيرة لاحظوا الدائرة ماضبطت معي هذي نهاية الفلسفة . . الان ركد الصاج على جمر ( ابعد عن اللهب لانه بيحرق الخبزة عليك ) لما تحس انه قرب ينضج ثم جب الملعقة وحدد حواف الخبزة من الداخل ليتم قلبها على الوجة الاخر . واخيرا ً لاتنسى تغرقها بالسمن البري مع تقريب شاهي ابوجبل وبالعافية عليكم جميع والله ودناء بطلعه تنومس تجمعنا في الحياء ومنها نتعرف على بعضنا ومنها نتمتع في مضارب الباديه بعيد عن المنتدى والنظر في مثل هذة المواضيع ولانطلع نتمشى الله يوفقنا ونجتمع نتمشى في الحياء .؟
أخوكم/أبو مشعل
|
31 Jan 2009, 10:16 AM | [ 2 ] | ||||||||
مؤسس شبكة الشدادين
|
والله ما قصرت يا أبو مشعل وعز الله إنه طلعة تنومس عسى ربي يسلمك ويعافيك والطلعة ما عندي أي مانع لكن حدد الوقت وضبّط أمورك وخلنا نتوكل على الله |
||||||||
|
|||||||||
31 Jan 2009, 10:35 AM | [ 3 ] | ||||||||
مراقب عام
|
السلطان أشكرك على مرورك الجزل والله يوفقك وتحياتي وتقديري لك |
||||||||
31 Jan 2009, 10:38 AM | [ 4 ] | ||||||||
شاعر
|
وانت راع الطيب يابو مشعل وبيض الله وجهك على جهودك المميزه وان شالله انا بنطلع سواء وبنتمشى بس خل لين يجي الوقت المناسب تحياتي لك |
||||||||
31 Jan 2009, 10:44 AM | [ 5 ] | ||||||||
مراقب عام
|
الغربي أسعدني مرورك ولك تحياتي وتقديري وأحترامي يالبناخي |
||||||||
31 Jan 2009, 10:47 AM | [ 6 ] | ||||||||
|
يا هلا والله وغلا يا أبو مشعل وبيض الله وجهك عزالله الطلعه مثل أي طلعه عاديه بس يزينها وجودك شرواك وشروا الرجال الطيبه وما قصرت في موضوعك وهذا شيء علمني عليه عواض منير جدي من زمان بس أتمنى الفائده للجيل التالي <<< أوخس يالشايب ههههههههههههههه سلمت يا ذيبان ودمت .. |
||||||||
|
|||||||||
31 Jan 2009, 10:55 AM | [ 7 ] | ||||||||
كلامه يقوطر عسل
|
يا ويلي يا أبو مشعل عز الله أنك فاهمني شبت نار وقهوه وشاهي وقرص وجلسه مع رجال طيبين شرواكم تسواء شيء كثير , بيض الله وجهك يا أبو مشعل على هذا الموضوع المميز , لاهنت والله يعطيك العافية ., |
||||||||
|
|||||||||
31 Jan 2009, 10:59 AM | [ 8 ] | ||||||||
مراقب عام
|
بندر النايف المحكوم أسعدني مروركما وكم أنا ودي بمقابلتكم لانني والله لم أعرفكما ولي الشرف بمعرفتكما وأنتم لكم تقدير وأحترام عندي. |
||||||||
31 Jan 2009, 11:15 AM | [ 9 ] | ||||||
|
فالك الطيب يالنشمي .. ياخوك والله محتاجين لطلعة تحبها القلوب .. نكسر الرتابة والملل .. وانا مثل مايقولون كبار السن (عود من طرف حزمه) منكم وفيكم مستعد وعساكم ع القوة .. كل الشكر .. |
||||||
|
|||||||
31 Jan 2009, 12:09 PM | [ 10 ] | ||||||||
شاعر
|
صور رائعه الف شكر لك خيال الشدادين |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وش قولة الغربي ليا من دعيناه ..للشاعر الغربي | فايز بن مشحن | بحور القوافي | 24 | 25 Jan 2012 08:38 PM |
الفرق بين المدير الغربي والمدير العربي | حمد الشدادي | القسم العام | 7 | 14 Sep 2009 07:22 AM |
حصرياً لعيون (المحكوم) برنامج Driver Scanner 2009 لتحديث تعاريف الجهاز وجلب التعاريف | the fantasy | جديد المواقع ـ شروحات البرامج ـ المشاكل والحلول | 18 | 16 Mar 2009 01:19 PM |
يا النشامى | ابو مشهور | الترحيب والتهاني | 14 | 21 Feb 2006 02:35 PM |
قصيدة أم في إبنها المحكوم عليه بالأعدام يا حسااافااه | الولهان | قصائد مختارة | 2 | 24 Oct 2005 01:51 AM |
أدوات الموضوع | |
|