آخر 10 مشاركات |
مختارات | من أراد صفاء قلبه فليؤثر الله على شهوته |
|
||||||||||||||||||
قصيدة وردها مع الشاعر حمود بن جربان
بسم الله الرحمن الرحيم السلام عليكم رحمة الله وبركاته.. في البداية كل عام وأنتم بألف خير ومبروك عليكم عيد الأضحى المبارك وإليكم أخواني الأعزاء هذه القصيدة التي أرسلتها للشاعر الكبير/ حمود بن عبدالله بن جربان وهي عبارة عن مدح للجرابين خاصة والشدادين عامة وأترككم مع القصيدة وردها
يا حمود فعل ٍ ثابت ٍ بالبراهين = ومن فضل ربي ما عليكم قصيره أنتم هل الأمداح أوّل وذلحين = واللي جهل ينشد شعوب الجزيره يا سعد عيني يا خوالي الجرابين = يا أهل المراجل والأسامي الشهيره فعولكم معروفة ٍ في الميادين = يوم الرحى بين العرب مستديره عيال عود ٍ حزة العسر واللين = جربان بن ضاوي زبون الكسيره شيخ ٍ يفك القوم يوم الاكاوين = أن أدبرن ذلي وذلي مغيره نعمين يا نسل الحرار السلاطين = اللي يشوفون الكبيره صغيره أهل الوفاء والطيب قضّاية الدين= وأهل الكرم يوم الليالي العسيره ترحيبهم للضيف بالخاطر الزين = ولا يذبحون ألا الكبوش الكبيره وقصيرهم محشوم ما يسمع الشين = وعند النوايب كلهم له عشيره ارجال عرف وفي المشاور حكيمين = وألا الردي حتيش ما نستشيره وعيالهم مثل الذياب السراحين = علومهم وسط المجالس سفيره الاد بديوي ملحقين المخلين = أهل الشجاعة محتمين العثيره غالين عندي يالشدادين غالين = يا درع جنبي يالسيوف الشطيره والمدح فيكم ما تشيله دواوين = الساس طيّب والفعايل كثيره وختامها صلوا على ناشر الدين = عداد همّال المزون الغزيره رد الشاعر/ حمود بن جربان :
يا قاف فيصل يا كبير العناوين = يالمادح الممدوح غال الذخيره
خوالك الظفران والجد أميرين = ساس المراجل والكرم أنت أميره ابوك رباكم على المنهج الزين = و سرتوا على نهجه وسرتوا مسيره وراع الهروج العوج عنّه مقفين = خله مع الوادي يسرح حميره وترى النميمه من طبوع المساكين = والله ما يسوون حبة شعيره لا ناشد ٍ عنهم ولا قايل منين = و رديت سيفي دونهم في جفيره وحنا هل الطاله ونسل الميامين = نسل الرجال اهل الدهاء والبصيره شيخان فعل وفي المواقف شجيعين = واللي يغط النور عينه ضريره ويا فيصل الاجواد تزرع بساتين = ويعلم الاجيال ناس ٍ خبيره والآد مهرس للمعادي عمى عين = هم عزوة المنضام وأم الضفيره ذباحه الحايل كعام المعادين = اهل السيوف اللامعات الخطيره كسابة الامداح بين المثارين = عون الرفيق وستر عيب القصيره كبار الفعول مزبنين المجلين = روس الرجال اهل الثناء والبريره يهدون الانفس لا غدى العلم علمين = وسيف المراجل في يديهم مصيره لاصاح صياح الضحى يا شدادين = تجيك دقلات السبايا مغيره عليهن الفرسان مثل المجانين = ضياغم ٍ ما يقبلون الكسيره
|
26 Nov 2009, 03:01 AM | [ 2 ] | ||||||||
شاعر
|
صح لسانك يابن مهرس والله يعطيك العافية قصيدة رائعة جدآ |
||||||||
|
|||||||||
26 Nov 2009, 01:50 PM | [ 3 ] | ||||||||
شاعر
|
صح لسانك يابن مهرس ولسان ابن جربان والله يبيض وجيهكم على الرديه وعلى الكلام الجزل وانا اشهد انكم ماقلتم غير الصحيح والشمس ماتحجب بغربال تقبل تحياتي |
||||||||
|
|||||||||
26 Nov 2009, 04:09 PM | [ 4 ] | |||||||
عضو متميز
|
صح لسانك فيصل قصيدة جزلة من جزل وصح لسان ابن جربان الله لايهينك ويعطيك العافية وتقبل مروري وانا اخوك |
|||||||
|
||||||||
27 Nov 2009, 07:06 PM | [ 5 ] | |||||||
شاعر
|
رعد الجبوب حياك الله وصح بدنك يابن العم |
|||||||
27 Nov 2009, 08:14 PM | [ 6 ] | ||||||||
مراقب عام
|
فيصل بن مهرس عبد الله بن جربان والله استمتعت بالقصيده وقراءتها لمافيها من المعاني الجزال والمدح المستحق الله يديم بينكم المحبه والتقدير |
||||||||
|
|||||||||
28 Nov 2009, 04:18 AM | [ 7 ] | |||||||
شاعر
|
صقر المراجل حياك الله يا رامي وصح بدنك ولاهنت |
|||||||
28 Nov 2009, 04:20 AM | [ 8 ] | |||||||
شاعر
|
فهد بن رزيق صح الله بدنك ولاهنت يا سنايدي |
|||||||
28 Nov 2009, 04:21 AM | [ 9 ] | |||||||
شاعر
|
شدادي كوووول صح الله بدنك ولا هنت على المرور الراقي |
|||||||
04 Dec 2009, 02:40 PM | [ 10 ] | ||||||||
شاعر
|
أخوي العزيز بن مهرس لاهنت يالبناخي وعيدك مبارك |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تغطية احتفال الشاعر حمود بن جربان | شــاهر | أخبار الشدادين | 45 | 04 Mar 2011 03:45 AM |
الغربي في حفل حمود بن جربان | بيرق الشعر | شيلات ومحاورات وقصائد شعراء بني الحارث | 23 | 21 Oct 2010 12:35 AM |
هذه القصيدة ألقيتها في حفل تكريم الشاعر / حمود بن عبدالله ( إبن جربان ) | فارس الشدادي | بحور القوافي | 13 | 02 May 2009 11:53 AM |
ألف مبروك لقبيلة بني الحارث لتأهل شاعرنا حمود بن عبدالله (ابن جربان) | سطام الشدادي | أخبار الشدادين | 8 | 19 Apr 2009 02:45 AM |
قصيدة قديمة ومشهوره لشاعر عتيبي وردها | **ابن سعدون** | القصص الشعبية والتاريخية | 7 | 25 May 2007 11:07 PM |
|