هذا شان يعنيني بعيبه ونوماسه

بسم الله الرحمن الرحيم

اخواني مشرفين وأعضاء وزوار منتديات قبيلة الشدادين

حبيت ان اشارك معكم بقصيده تم ارسالها لشاعرنا الاستاذ مصلح بن عياد الشلوي

عسى ان تنال أعجابكم ورضاكم

1 هواجيس فكري نوب تهرج مع اللهجـات=ونوبٍ تبين لـي خبـر مافهـم اقياسـه
2 أكذب هجوس القلـب وأطيعهـا مـرات=حركات وجه الادمـي تكشـف احساسـه
3 على مايصرّف للحقيقـه يجـي لمحـات=تحـدث لقلـبٍ درسـه وقتـه ادراسـه
4 تشتت هجوسه طيش ويصيب في حالات=يراها مناضر حرف دفتـر علـى ماسـه
5 أصـدق حديـث النـفـس لاورد أدلات=بعد ما تمعن وابحث الامر مـن ساسـه
6 وقفت أتذكر ما مضى واقلب الصفحـات=ولا شفت غير اللي حسبت الزمن داسـه
7 اخذ من زمانه هدنـه وجالـه ايثـارات=تراسـل علـى خـطٍ نزعنـاه جراسـه
8 تجره سلوك الهاتـف مشكـل الموجـات=لها من خبرنـا موجـة أنسـام نساسـه
9 تساقت عروقه بعد دار الزمـان ومـات=صلاتي على من قال الاعـراق دساسـه
10 تطوّى مع ألأيـام مـن طيـت الحيـات=طريات مضهرها علـى العيـن يباسـه
11 الاسباب ساقـت والسواليـف جذابـات=بعد ما نسينـا موقـفٍ غابـت ارماسـه
12 أنا أقفيت من يمي عليـه الكفـن لفـات=دفنته اجنـازه لافـضٍ جملـة أنفاسـه
13 ولاحسب يصير الميـتٍ مندفـن بعثـات=عليه الصفايـح ليسـت فوقـه الياسـه
14 حسبت له خمس وعشر بحساب محصيات=سـدود الضمايـر دون قفلـه وترباسـه
15 ماحب اللغلط ولا أتكلـم علـى الهقـوات=ولااتبع هجوسٍ في بحر طيـف غطاسـه
16 ولاجمع بلا واقع من الفاضـي ايجابـات=نظام التفاوت يغرس اسرار فـي ناسـه
17 خطا يالكبـود اللـي تضاربـك النوبـات=مثل ضرب سلك الكهرباء لاضرب ماسـه
18 ماجى من طرفنا كلمةٍ تخلـف النضـرات=ولا أيضاء تصرف يجرح اشعور حساسه
19 وأنا اللي حسمت الموقف لفكة الزحمـات=ورى واقعي يضهر لي أحـداث عكاسـه
20 يقولون خيـر القـول مـادل بيجـازات=وأنا أقول صنـدوق الضمايـر بحراسـه
21 بعد كل هاذا بشتكي واعرض الشكـوات=على اللي لهم فاحـداث الايـام هنداسـه
22 هل العرف لاغابت صدوف الزمان وجات=تنكـر بوجـهٍ لزمـن تبـرق امواسـه
23 رجال الحلول ان وقف الحـل للصعبـات=يحلون ويوفـون مـن حـارب انعاسـه
24 ولاخص منهـم غيـر دكتـور حسيـات=يفي بالغرض حسب الطلب تبني اهجاسه
25 خصوصاً اذا كانـت مواضيـع سريـات=مايلعـب بعـد رده مغـنـي ورواســه
26 يعلـم ويفـهـم ويتفـهـم برمـزيـات=لصافي علـومٍ سرهـا دونـه اللباسـه
27 مثل مصلح أبا ادعيه ياجيـد الفزعـات=أبا انخاك حول امرٍ عليّ حـدد أقواسـه
28 ماجاله ياطيب يمـك اسبـاب توجيهـات=اليّ فيك نظره قـدرة ارشـاد بسياسـه
29 لالاها ماترجمت السرايـر بمخطوطـات=كتمت الجـروح وكـل حـرفٍ بكراسـه
30 مابي غير رايك فيـه يابوفهـد حاجـات=هـذا شـان يعنينـي بعيبـه ونوماسـه
31 لقاله مصرقع عقل مغـرم بحـب الـذات=يكب الصحيح ويحسب الصح في راسـه
32 ياليته يعالج ماشكى فـي سعـه بسكـات=بدل مايشيلـه بيـن الاحضـان بكياسـه
33 مثل مايشال اعن النضر غالي العمـلات=لكن اختلافـه فيـه غيـض وتغطراسـه
34 فهمت ومشيت مجانبـه لايصيـر فـوات=وتبدي علـوم الهـا جماهيـر جلاسـه
35 هـذا وقبلـو منـي تحيـات مثنـيـات=عدد ماكتبت حـروف شعـري بكراسـه

الشاعر / عواض بريكان الشلوي

صح لسانك اخوي عواض

قصيده من اروع قصايدك

اللي قريتها وياليت تجيب

رد مصلح اذا هو عندك

		المشاركة الأصلية بواسطة : عواض الشلوي اقتباس
	11 الاسباب ساقـت والسواليـف جذابـات=بعد ما نسينـا موقـفٍ غابـت ارماسـه 12 أنا أقفيت من يمي عليـه الكفـن لفـات=دفنته اجنـازه لافـضٍ جملـة أنفاسـه 13 ولاحسب يصير الميـتٍ مندفـن بعثـات=عليه الصفايـح ليسـت فوقـه الياسـه 14 حسبت له خمس وعشر بحساب محصيات=سـدود الضمايـر دون قفلـه وترباسـه 15 ماحب اللغلط ولا أتكلـم علـى الهقـوات=ولااتبع هجوسٍ في بحر طيـف غطاسـه 16 ولاجمع بلا واقع من الفاضـي ايجابـات=نظام التفاوت يغرس اسرار فـي ناسـه

صح لسانك ياعواض وسلم بنانك ....

قصيده جزله.....


من راسً جزل......



تحتي لك.......

الله يسلمك ياعواض على النقل .. وصح لسان شاعرنا
عواض... وين الغيبة..

		المشاركة الأصلية بواسطة : عبدالله الشدادي اقتباس
	صح لسانك اخوي عواض قصيده من اروع قصايدك اللي قريتها وياليت تجيب رد مصلح اذا هو عندك

بسم الله الرحمن الرحيم

اخوي عبدالله الشدادي

مشكور على مرورك وتعليقك الرائع

وصح بدنك

بالنسبه لرد القصيده لم يصلني الى الان وابشر بإيضافته اذا وصل

تقبل تحياتي،،،،،

		المشاركة الأصلية بواسطة : سعد الشدادي اقتباس
	صح لسانك ياعواض وسلم بنانك .... قصيده جزله..... من راسً جزل...... تحتي لك.......

بسم الله الرحمن الرحيم

اخوي سعد الشدادي

مشكور على مرورك وتعليقك الرائع ولاعليك زود

وصح بدنك

تقبل تحياتي،،،،،،،،

		المشاركة الأصلية بواسطة : المستحيلة اقتباس
	الله يسلمك ياعواض على النقل .. وصح لسان شاعرنا عواض... وين الغيبة..

بسم الله الرحمن الرحيم

مشكور يالمستحيله على مرورك الرائع

من قال يسلم وصح بدنك

حي الله أبو بريكان

من طول الغيبات جاب الغنايم

تغيب وتغيب إذا عودت جيت بأجزل الألفاظ وأقوى المعاني

قصيدة جزلة ومقدمة لابو فهد الله يطول في عمره

وننتظر بس منك الرد لاهنت

صح لسانك ابو بريكان

جزله من جزل

وننتضر منك رد الشاعر مصلح

وتقبل تحياتي

		المشاركة الأصلية بواسطة : السلطان اقتباس
	حي الله أبو بريكان من طول الغيبات جاب الغنايم تغيب وتغيب إذا عودت جيت بأجزل الألفاظ وأقوى المعاني قصيدة جزلة ومقدمة لابو فهد الله يطول في عمره وننتظر بس منك الرد لاهنت

بسم الله الرحمن الرحيم

البقا يابوعبدالله

المعذره اخوي لوغبت القلب مع الجميع

وأشكور على مرورك وتعليقك الرائع

ولاعليك زود طال عمرك

اتمنى ان يصلني الرد من ابوفهد واذا وصل ابشر

تقبل تحياتي،،،،