قيفان

اخواني أعضاء منتدى الشدادين والقائمين عليه
السلام عليكم ورحمة الله وبركاته
انفاذا لتوجيهات الاخ الشاعر جزل البيان عندما طلب مني في قصيدته (اسطع بما تؤمر مع اهل السنه)بين يديكم قصيدتي (قيفان)وارجو ان تحوز على رضاكم
وتفضلو بقبول فائق الاحترام

بسطع بما امرت له استجابه=حشمه وتقدير ومهابه وعرفان
للشاعر الي دق الابداع بابه=وامسكه باالمعروف واطلقه بااحسان
على الورق وارقاه ثم ارتقابه=كنه معزب والتعابير ضيفان
وسراه مسراالغاديه في ذهابه=واليا غدا عود معه قلب ولسان
ومرور شعري ياحروف الكتابه=يمربي هاجس واسريه قيفان
واقلطه بين السطور برحابه=وانكاله اقدم جرح باالصدر مابان
يقدع من اهاتي صبابه صبابه=واسقيه من حبر القلم زين الالحان
واجمله وارقى بحضرة جنابه=عن زود يحرجني وعن كل نقصان
وانا شعور انسان حزنه سطابه=واتملكته احزان واحزان واحزان
نابه وكن العقل ماهو بنابه=تكفون يااهل الراي وشيوخ الاوزان
ان كان لي في ملتقاكم اجابه=ولفته من الانسان لخوه الانسان
لاتتركون حروف شعري مذابه=في ناضري والعور ماهم بعميان
وانا من اذيابه واعشي ذيابه=ولي من حواليه عوارف وشيخان
وفي داخل الحطاب قدر ومهابه=للمنتدى كله على راس سلطان
لااني لقيت ابكل شاعر ذرابه=تميز الفنان عن كل فنان
والشعر لولا الفضفضه وانسكابه=كان اصبح الطربان ماهو بطربان
لاطاح سين ولامسته الاجابه=يقوم جيم ويصبح القول مليان
وانتم شبابه وافتخر في شبابه=ربعي ولي فيهم رفاقه وصدقان
والمنتدى جيته ودقيت بابه=وعديت نفسي ركن من جيز الاركان
ادخله وارقابه مع من رقابه=وذيبان لاوقف مع اخوه ذيبان
وتاصل رسالتنا بليا رقابه=بحوار راقي يختلف فيه الاثنان
والكل له وجهه وفكره وجابه=ومنظورتاسعه المدارك والاذهان
ونعلن تواجدنا ونشعب ركابه=وندرهم اكحيلان في كل ميدان
شعر ونثر واتقان فن الخطابه=والذوق في طرح العبارات بااتقان
وانا من اصغركم واعاني الرتابه=روتين مليته وتقليد عميان
اكتب وكل حروف شعري كتابه=لامربي هاجس اسريه قيفان

صح لسانك وبيض الله وجهك
أبدعت
تقبل مروري

صح بدنك واشكر مرورك الجميل
وتقبل تحياتي

صح لسانك ملاييييييييييييييييييين


ابيض وجه والله لآيهينك ياحطاب الليل


تحياتي لك

وجهك ابيض وشكرا على مرورك الكريم
وتقبل تحياتي

صح لسااااااانك ملاييييييين ياحطاب ليل

مافيك حيله

شاعر كبير وجزل وابن رزيق كفوا

صح بدنك ياالغربي وشكرا على مرورك الجميل
وشاعر المنتدى فهدابن رزيق كفو قليله فيه
وتقبل تحياتي

حيااااك ربي ياحطاب ليل

فهد بن رزيق كفوا فيه ولكن المقصود ببن رزيق هنا هو جزل البيان

كلكم كفو ثلاثتكم رائعين واتمنى لكم التوفيق
وتقبل تحياتي

ان كان لى في ملتقاكم اجابه
ولفته من الانسان لاخوه الانسان
للك في ملتقانا التقدير والتصفيق الحار لهذه القصيده الشامخه ابدعت قليله فيها صح لسانك مليارات على كل حرف من حروفها ودمت مبدع ومتالق والله يعيطك الف عافيه
تقبل تحياتي,,