بعض العرب

بعض العرب حبه يوردك الجنون
،،،، ولا يوصّـف له غلاك حكاك له
ما يقنعه وصف الغلا لو وش يكون
،،،، لو كل حرف(ن) بالحرير يحاك له
الموت جاك وهو تقلبه الظنون
،،،، ولا لك الا الصبر ( وش وداك له ؟ )
ان قلت ضايق قال هونها تهون
،،،، ما يدري ان ضيقتك له وبكاك له
تقعد تحبه وانت ساكت ومغبون
،،،، يمكن بيوم يدال له منفاك له
و كانك مشكك هو يمون او ما يمون
،،،، تخيل ان عفت الصبر فرقاك له
غلاه من فوق الغلا ما هو بدون
،،،، و حكاه سمعك يجبرك برخاك له
ودك تحطه بالعيون من العيون
،،،، وتبسط على رمض الثرى يمناك له
و تظله من الشمس في ظل الجفون
،،،، ولا يمر اذنه سوى لـبـّّـاك له
و تسج من غيره لو انهم يذكرون
،،،، ومنين ما سجت القدم ممشاك له
غرون(ن) يميله الترف ميل الغصون
،،،، غصن الليان ومكرمه بسقاك له
وجديله لا اقفى ستر منه المتون
،،،، كني بريحه لا التفت بدعاك له
كيك وعسل . . لكن ماهو في صحون
،،،، و دعاك من عين الحسود غطاك له
الله لا يعطيه ناس(ن) ينظلون
،،،، ويستر عليه من النحل لا ياكله
الوصف والتعبير في وصفه يخون
،،،، غير اطلب الله يستجيب دعاك له
و عذال قلبك في محبته يهبون
،،،، سكينهم عن قطع حبله حاك له
ناس(ن) عن اعراض العرب ما يعرضون
،،،، دايم على نفس الشكل والشاكله
اللي من لحوم الأوادم ياكلون
،،،، وحلوقهم دفع البلا متواكله
في سلمهم اولى بالأكل الأقربون
،،،، وأطيبهم اللي صيدته شكواك له
يدعيهم الشيطان للذنب ويجون
،،،، هذا يقطع له وذاك يواكله
ياجعلهم فدوة ثرى الغض الفتون
،،،، اللى على الدرب الطويل إخطاك له
طيفه الا نام البشر زارك بهون
،،،، وطيفك الا نام البشر سرّاك له
حبه دفان ومقبره خضر الطعون
،،،، بين العظام العوج كنك ناكله
اللي كذا حبه لو تموت مغبون
،،،، ولا لك الا الصبر ! ( وش داك له ؟ )


سلامتكم
هذي القصيدة لشاعر : ابن افطيس

اتمنى ان تنال اعجابكم

تحياتي

صح لسان الشاعر
والله يعطيكـ العافيه يا ابو سعود على الانتقاء العذب
لا هنت
,,

هلا وغلا
يا بو غايب
نورت الموضوع بوجودك
وشكراً لحضورك ومشاركتك الرائعه
تحياتي

صح لسان شاعرها
وتسلم يمناكــ
تقبل مروري

رائع بن فطيس ورائعة جداً قصائدة ,,

ورائع ذوقك يا مخاوي وسلمت ودمت .

.

بعض العرب حبه يوردك الجنون=،،،، ولا يوصّـف له غلاك حكاك له
ما يقنعه وصف الغلا لو وش يكون=،،،، لو كل حرف(ن) بالحرير يحاك له
الموت جاك وهو تقلبه الظنون=،،،، ولا لك الا الصبر ( وش وداك له ؟ )
ان قلت ضايق قال هونها تهون=،،،، ما يدري ان ضيقتك له وبكاك له
تقعد تحبه وانت ساكت ومغبون=،،،، يمكن بيوم يدال له منفاك له
و كانك مشكك هو يمون او ما يمون=،،،، تخيل ان عفت الصبر فرقاك له
غلاه من فوق الغلا ما هو بدون=،،،، و حكاه سمعك يجبرك برخاك له
ودك تحطه بالعيون من العيون=،،،، وتبسط على رمض الثرى يمناك له
و تظله من الشمس في ظل الجفون=،،،، ولا يمر اذنه سوى لـبـّّـاك له
و تسج من غيره لو انهم يذكرون=،،،، ومنين ما سجت القدم ممشاك له
غرون(ن) يميله الترف ميل الغصون=،،،، غصن الليان ومكرمه بسقاك له
وجديله لا اقفى ستر منه المتون=،،،، كني بريحه لا التفت بدعاك له
كيك وعسل . . لكن ماهو في صحون=،،،، و دعاك من عين الحسود غطاك له
الله لا يعطيه ناس(ن) ينظلون=،،،، ويستر عليه من النحل لا ياكله
الوصف والتعبير في وصفه يخون=،،،، غير اطلب الله يستجيب دعاك له
و عذال قلبك في محبته يهبون=،،،، سكينهم عن قطع حبله حاك له
ناس(ن) عن اعراض العرب ما يعرضون=،،،، دايم على نفس الشكل والشاكله
اللي من لحوم الأوادم ياكلون=،،،، وحلوقهم دفع البلا متواكله
في سلمهم اولى بالأكل الأقربون =،،،، وأطيبهم اللي صيدته شكواك له
يدعيهم الشيطان للذنب ويجون =،،،، هذا يقطع له وذاك يواكله
ياجعلهم فدوة ثرى الغض الفتون =،،،، اللى على الدرب الطويل إخطاك له
طيفه الا نام البشر زارك بهون=،،،، وطيفك الا نام البشر سرّاك له
حبه دفان ومقبره خضر الطعون=،،،، بين العظام العوج كنك ناكله
اللي كذا حبه لو تموت مغبون=،،،، ولا لك الا الصبر ! ( وش داك له ؟ )
سلامتكم
هذي القصيدة لشاعر : ابن افطيس
اتمنى ان تنال اعجابكم
تحياتي

عايض يسلمت ومت على الانتقاء المميز يامميز
وين الغيبه ماعاد نشووف لك مشاركات مثل اول في القسم
اتمنى يعجبك تنسيق

هلا وغلا
يا معاند ومنور الموضوع
تحياتي

		المشاركة الأصلية بواسطة : بندر النايف اقتباس
	رائع بن فطيس ورائعة جداً قصائدة ,, ورائع ذوقك يا مخاوي وسلمت ودمت . .

هلا و الله يا بندر
مشكور على مرورك العطر

		المشاركة الأصلية بواسطة : بدر المشيطي اقتباس
	عايض يسلمت ومت على الانتقاء المميز يامميز وين الغيبه ماعاد نشووف لك مشاركات مثل اول في القسم اتمنى يعجبك تنسيق

آرحب آرحب آرحب
تراحيب المطر
يا بدر
ابشر بالمشاركات و المواضيع يا الذيب
ومشكور على مرورك العذب
تحياتي