هيكـــــــــلة محـــــــــاسن

الاخوه اداري واعضاء
شبكة الشدادين الرسميه
اسعد الله اوقاتكم بكل خير
هذه القصيده الارشيفيه للتواصل أأمل ان تحوز على رضاكم والسلام عليكم

ياللي حسبت العمر بالنقص والزود=خل التعب كله يجي من حسابي
ايام مانعرف للاحلام محدود=وايام يادوب السؤال الجوابي
ايام ماتفرق للاعصاب مشدود=وعلى التراب اللي يقوم الترابي
وايام لاناشد ولاعنك منشود=تشب تطفي تنتهي في نحابي
ايام تخدمك الحذاقه بموجود=وياعل تملاك الوناسه مطابي
عمر العطا ماجاد باهت بمردود=وعمر الغلا ماينجذب بإغتصابي
تراك يا معطي لقا الصبر منقود=تفك باب وتقفل الود بابي
ياضامر السرجوف لاتقطع الرود=مازلت تكبر عقل واصغر شبابي
عقد البرد والجمر مازال مرصود=وليلك على شمسك محط ارتقابي
تكبر وتتجسد خلاياك بركود=وتعيد هيكلة المحاسن ثوابي
وانا بلاي وعلتي واكبر النود=ماهي بعيده عن بلا بوعقابي
حضرة جنابك كل ماساد محمود=طبقآ لما أمليت حضرة جنابي
ان جيت من ذلك فلاهنت مجهود=وان رحت عن ذلك عمد واذهابي
انا علي اصبرعلى البيض والسود=وراسي من الصكات يا الترف شابي
جود الليالي للبخل فيه مشهود=وماجادت الدنيا بغير اكتسابي

الله يا ما أجزل حروفك وما أطيب قصائدك ..

رائع جداً وأطلت القراءة هنا لأني تلذذت بكل حرف من حرف هذة الشامخة الثرية بكل شيء ..

جزل البيان أشبعت ذائقتي وما زالت ترجوا منك كل جديد ..

صح إلسانك مدد بلا عدد ..

رائع فعلاً رائع

بيض الله وجهك يا أبو فهد
وصح لسانك ملايين
المبدعين أمثالك يستحقون كل شكر وثناء
وننتظر منهم دائماً كل جديد ومفيد

ماقول الا كالعاده انت مبدع ومافيك حيله
صح لسنك يا اطنخ الراس
اعجاااااااااااابي

صح لسانك يـ جزال البيان
والله يعز شانك ويبيض وجهك

وش اقول يابو فهد والله يعجز لساني وانا اخوك

؟؟؟؟؟؟؟؟؟؟؟

تقبل مروري واعجابي

لله درك

ابداع عانق القمم


صح لسانك وعلا شانك