أحيا ملك

كنت حاضر في مجلس رجال وطلب مني الشهاده على بيع سياره وسمعت الاتفاق بغرض شهادة الحق
وبعد فتره طلبت مني هذه الشهاده وعندما شهدت بالحق إنتقدني الكثير وقالوا لي ليه تشهد على انسان اقرب لك من طالب الشهاده
عاد أترك لكم الحكم
المهم اتهموني بأني خواف أو ان قصدي مصلحه من طالب الشهاده وكتبت هذه القصيده



روح السطر عن خاطري يطرد الخوف 00 ولاعمر صار لخوفي بنفسي بلاد
عمري على الدنيا ثلاثين وينوف 00 ماقد حكمني شي منها ولاساد
أحيا ملك بجمل مزاياه موصوف 00 أزرع فخر ولهيبة الذات حصاد
وعني شموخ وعزة النفس معروف 00 ودايم ولي مع لذة النصر ميعاد
أحيا المعزه مارتجي عيشة ضعوف 00 ولاني ورى غرات الاجواد طراد
عندي قناعه حاذف الناس محذوف 00 وصياد غرات المخاليق ينصاد
وعلى كثر ماعشت في عمري ظروف 00 وعلى كثر ماغارت بنفسي ابعاد
أعين من يشكي من الوقت ملهوف 00 واعطيه موجودي لو اقعد بلا زاد
ولاعمري الحق من ورى مقفي حسوف 00 ولاشب في قلبي على فوت وقاد
ولو قاموا اهل الأرض قدامي صفوف 00 واحدٍ سألني حق قدام الاشهاد
أنطق بقول الحق ماحولي كسوف 00 ولا احسب فرح شامت ولالوم نقاد
من مبغضي ماسمع مشوره ولا اشوف 00 في نظرته غير الدفينه والاحقاد
واتعبت حسادي وهم حولي وقوف 00 في بحثهم عن زلتي مثل الارصاد
ومن العنا جبت الهم انواع وصنوف 00 ومن العذاب وكسر الانفس والاجهاد
ويهرج عديم الفهم من عنت وصلوف 00 ولامن ضحك له خبل كنه بنا امجاد
يحسب طمين الهرج لاصار مصفوف 00 ووافق حديث النفس تضماه الاكباد
واضحك واسولف واملك الجو ويطوف 00 عليه معنى ضحكتي كيد حساد
وليته يويق بداخل الصدر ويشوف 00 حشد الجروح اللي قديمات وجداد
أخفيتها عن عين شامت وملقوف 00 صدري جعلته بيت وضلوعي اوتاد
ولاني عن أطباع المخاليق مكلوف 00 وعن غير ذات الهم ماني بنشاد
وعني خطا نفسي من الحق موقوف 00 وورى هوا غيري لو اغليه ما انقاد
وفي بر أبويه كان لي نهم وشفوف 00 وعليه ماعمري تعاليت بعناد


اخوكم الشاعر / سائر الصلاخي

صح لسانك
وسلم بوحك
ياساير
وبيض الله وجهك
نص جميل اعجبني كثيرا
وبه حكم ونصايح غفل عنها اغلب البشر
وفعلا مانطقت بغير الحق
والشهاده امانه وانت اديتها على اكمل وجه
ماعليك من هروج الناس
دمت
بخير

ساير الصلاخي صح السانك ياقدع هاكذا تعمل رقال ولا فلا ابيض وقه
ارق التحايا

يابو علي صح السانك قصيدة في غاية الروعة

سلمتوا ولاهنتوا ولاعليكم زود وشكرا لكم

البيت الواحد يحمل من المعاني ما يجعلنا نقف لنروي أفكارنا منه

فكيف بنا والقصيدة تحمل جلاً من المعاني العظيمة

فلترتوِ صفحات المنتدى بعبق يفوح من يراعك .
بارك الله فيك ..

الله الله عليك ياساير والله ابدعت في هالقصيده الجزله

صح لسانك يالصلاخي واعتلى شانك

بيض الله وجهك


احترامي

سلمت ياقصر القصيد
وابيض وجه ولاهنت

ماشاء الله اخي سائر
بيض الله وجهك وصح لسسانك
.
والحق ماغيره ولاتحسب حساب الا لرب العباد
ومحد(ن)سلم من كلام الناس
واصل بارك الله فيك

سلمت وسلم غاليك
والله يعافيك ويبارك فيك

ما قصرت وصح لسانك وعلا شأنك
وننتظر جديدك دائماً