تكفى يافايز

السلام عليكم ورحمة الله وبركاته

أبيات أرسلها الى أخوي

الشاعر/ فايز بن مشحن

تكفـى يافايز وش الدبره وش الحيله=فاللي سبا العقل مني واتلف أعصابي

ملكني الترف غض العود أبو شيله=ويحسب وجودي بكونه ضمن الالعابي

يمــن شوفــه ويبخل فــي مواصــيله=ورســــايله كلبــوها لــــــوم وعتابــي

وان رحـــت يـــمه ليا جتنــي مراسيله=ماينشد ألا عن آخر شعر بكتابي

يضحك ليا قمت له من شوقي أشكيله=ماكنه اللي سبب بلواي ومصابي

وكــــفه مـــنول تعــطرني مناديـــله=واليوم عني قــصر واجهــل بالاسبابي

وتسبق منول تراحيبه فناجيله=واليوم باقــي يصــك بوجهــــي البابي

عقب الغلا اللي لو أشرح لك تفاصيله=تقول ماصار مثله بين الاحبابي

أخوك / سائر الصلاخي

ياهلا ومرحبا
يـــ ابو علي
صح لسااااااااااااانك
ايه ايه عطنا من هالعلوم ذي
نبي نشوف كيف قلب الهواوي
ابشر طال عمرك انتضر ردي
وتشكر على اسناد هذا النص لي والله يجملنا بالرد اللي يطيب خاطرك
دمت
بخير

صح لسانك ابو علي
وبانتظار رد أخونا ابو مشحن

متابعه ,,

ودي

أبو مشحن
البقا والغلا
ويشرفني إسنادي عليك وانت كفو يابو مشحن

وقدها وقدود.

سلمتي يامسافره
وصح بوووحك ..

تقديري

يا هلا والله ومرحبا يا وحي الألم الرائع المبدع ..
وحياك الله

قصيدة جميلة جداً وأسنتدها لقمة شعرية وننتظر رده ..

وأنت قمه وصح إلسانك مدد بلا عدد ..

أبو نايف

أنت القمه في الأخلاق وفي كل شي

وأنت ونعم وأبو مشحن ونعم

وأنا أعرف من أختار

ردي على قصيد اخي الشاعر وحي الالم
واتمنى ان تنال اعجابه واعجابكم

يامرحبا والنداء تبرق مخاييله=اهلاً هلا بالرفيق ونقوة اصحابي
نصاني العلم واوفى في مكاييله=يشكي علي الوله من صاحبٍ غابي
من عقب ماكان يضفر في محاصيله=راح وترك جرته من بين الاطنابي
يالله ترده ويقبل له معاديله=ينزاح همٍ على الخفاق سكابي
ياهيه وحي الالم بهر معاميله=والله ان تموت وغلاك بداخله رابي
اقبل عسى توقد الفرحه قناديله=يااحلي عيونٍ طلع من وسطها حرابي
لكن اصبر ياكود يجي لها ميله=ويسيل عرق الغلا من كل مرقابي
ون كان ودك ندور لك على حيله=نبا نذب الخرايم لين تنطابي
لا تقول تكفى تراني ما امرح الليله= من موقعي لسري الديره على ركابي
على يمينك تراني سيفٍ مهيله=لو كان مااملك من الدنيا سوى ثيابي
فايز بن مشحن

ابو مشحن صح لسانك ولاهنت

وسلامة راسك عن الدنيا كلها

لاخلا ولا عدم عساني ما اعدمك يالذيب
بس يابو مشحن البلا بعض الناس مايفهمون
الكلام المباشر عاد بيفهمون القصيد

وكتبت من الشعر لين مليت لاحياة لمن تنادي

يقتلون روحك ويضحكون
الله لايهينك والف شكر

		المشاركة الأصلية بواسطة : وحي الألم اقتباس
	ابو مشحن صح لسانك ولاهنت وسلامة راسك عن الدنيا كلها لاخلا ولا عدم عساني ما اعدمك يالذيب بس يابو مشحن البلا بعض الناس مايفهمون الكلام المباشر عاد بيفهمون القصيد وكتبت من الشعر لين مليت لاحياة لمن تنادي يقتلون روحك ويضحكون الله لايهينك والف شكر

صح بدنك يــ ابو علي
الله يجعلك تحيى ودوم
والله مشكله اذا كلام مباشر وماجت النتيجه كما تريد
لكن اصبر يمكن الله له حكمه بها ويمكن خيره ودامك هواوي
مالك الا البوح والله يرده لدروب خلانه
لاهنت يابعدي
دمت
بخير

كفو
كفو
كفو

والله يا شاعرنا العذب المبدع والرائع
أبو علي
لا هنت وصح لسان وعلا شأنك
وننتظر جديدك دائماً