على مهلك

نصحتك من أول مير مافاد نصحي لك =نصحتك نواصي هامتي لا تباريها

نصحتك تروم النوم هذا هواحسن لك=ولكن نفسك مشكلتها خوافيها

تنطع بطيب النفس والغل محتلك =ولا غير ربي عالمن وش تواليها

ترى ما انام وناظري دوم يفطن لك= وبنت المشاعر تحتضني قوافيها

وأنا ياغريب الدار ماني غبي مثلك=اداهم بيوت القوم واخطي مضاويها

أنا راسمن دربي وحظي غلب حظك=ولا عاد لك في ليلك الا بلاويها

تقدم معي قدام وارقب على ضلك=وساقك تريث لاتُعجِل خطاويها

تراني بذلت الروح لجله على مهلك=واذا ماعجبك القول متر مداويها

ترى الموت واحد ربما يوم يضحك لك=وتندم ولايمديك تلحق عراويها

،
.

.




نُصحٍ مُدوُيَّْ ؟!
أَمْ تَهديِدُ مُقنَّنْ ؟!
أَمْ توٌغَّلٍ بالأنفُسْ المٌغتلَّة ؟!
أَمْ أَنهَّا سموُ بالذاتْ ؟!


.



أَبوُ حمَّد أَيُهَّ البَوارديَّْ

.

.

حيَّ قافكْ وَ حيْ هَلابكْ وَ صَّح الله بوُحكْ حتىَّ تَرضىَّ
عَشرَّةُ أبياتٍ مَحبوُكَّةٍ بِفطنَّة وَ وعيُ مُلِمْ بِتلكَ الأنفُسْ
العَابِرَّة نحوُ عَالَّمْ اللآشيءِ ’


طِبتْ وَ لا هِنتْ أَبوُ حمَّد وَ عساكْ علىْ القوُة دوُمْ

سارة الغيد / ملكة القاف / مروضة الحرف / إستثنائبة الفكر / والنبل والخلق العظيم .
،
الله يطيّب قلبك في الدارين ويحفظكِ من كل مكروه .
لاهنتِ يابنت الأصول لاهنتِ
وما توفيقي إلا الله ..
صح الله قلبك وبدنك ورفع شأنك وأعلى منزلتك .
والعز بالله .. العز بالله .
تقبلي تقدير وإحترام
أخوكِ المتواضع لله وحده .

البواردي.

ارحب ارحب
يا شاعرنا العذب أبو حمد
والله يحييك ويبيض وجهك يا بعدي
ما قصرت بنظم كل جزل وجديد
وكل قافٍ فريد وصح لسانك

بيض الله وجهك يا بواردي
على النشيد الزين والعلوم الغانمة
وصح لسانك ملايين

قصيدة شاعر كبير
ولا يشق له غبار
لا فض فوك أيها البواردي

ابو حمد

مرحبا بك ملايين وصح لسانك مليار والله يبيض وجهك و ( ارقى سنود ولايجي خاطرك شين )


و

كم وجيهٍ ( لو تخلد ) ماتسرك=مير خذ علمي وحافظ في جوابه
البحر دامك تغرفه مايضرك=النباح اللي عجز ضر السحابه

لله درك يا شاعرنا الفاضل

ابدعت وامتعت للغايه

لافظ فوك