الفارس علي بن حسن القضاع الشدادي

بسم الله الرحمن الرحيم

السلام عليكم ورحمة الله وبركاته..

الفارس علي بن حسن القضاع الشدادي من ذوي زايد من الشدادين فارس معروف وأفعاله خالدة ومعروفه عند جميع القبائل ولكم قصته مع الفارس سدحان بن تعب البقمي..


كان الفارس سدحان بن تعب الموركي البقمي لا يبالي بالغزاه وكان يترك إبله ترعى في المفالي دون الخوف من أي إعتدى عليها وكانوا ربعه يحذرونه من قبيلة الشدادين وهو لا يبالي بنصائحهم

وذات مرة غاروا فرسان الشدادين على البقوم وحصل بين الطرفين قتال وأراد الله أن يأخذ الشدادين إبل سدحان البقمي وبندقه بعد أن واجههم ببسالة وحتى أنهم كادوا يأسرونه ولكن الفارس سدحان البقمي دخل على الفارس علي بن حسن القضاع الشدادي فآمنه من القتل والأسر وبعد إنتهى المعركة قال الفارس سدحان بن تعب البقمي هذه القصيدة وبعد أن سمع الفارس علي القضاع القصيدة رد البندق والذلول على البقمي وهذه قصيدة سدحان البقمي:

يالله ياللي بأمرك الرزق ينقاد = بأمرك ذعاذيع الهبايب تقودي
طالبك رزق ٍ ما تولاه حسّاد = ولا حال من دونه خطات الحسودي
من خاطري بأطرد ثمانين عوّاد = وأثر العوادي مخلفين العهودي
صكوا علانا قاعة الصبر لا عاد = امولمين أرماحهم والفرودي
وا شيب عيني يوم نادوا بشدّاد = وثار الدخن يشدي لحس الرعودي
وثورتها يوم الغلب في ورّاد = وأزريت أريّع للتفق بالردودي
وا بندقي يطرب لها كل طرّاد = هيف ٍ لجرد موشمات الخدودي
ياما بديت بها طويلات الارجاد = لا باطن الحلة خطات الرقودي
ويا طول ما ننطح بها جمع الأضداد = علم ٍ صحيح وعندنا له شهودي
جوّدت منعي عند شعوان الأولاد = وانخى ( علي) حامي عقاب البلودي
تنشر له البيضاء على روس الارجاد = من باب صنعاء لا قرايا السعودي
وتنشر له البيضاء مع كل مدّاد = بيض ٍ تنشر في جميع الحدودي
جماعته ضارين في كسب الأذواد = فعولهم من يوم رز العمودي
نفعل ولا ننكر فعول ٍ للاجواد = ولاني بخطوات البخيل الجحودي

وتقبلوا تحيات أخوكم ابن مهرس

سالم وغانم أخوي ابن مهرس لا عدمناك

مشاركاتك دائماً قمة وتواجدك دائماً في العالي

رحم الله فارسنا القضاع وتغمده بأوسع رحمته

تسلم يمنك يالنشمي وهذي العلوم اللي حنا نبغاها

في المنتدى وندورها أتحفتنا بها ونطالبك بالمزيد وفقك الله

يا مرحبا يالسلطان ابشر بالسعد يالغالي

السعد والله في وجهك وحضورك الدايم معنا

حييت يا الأمير

لا هنت يالذيب

مشكور يا بن مهرس
ولك منى فأق المحبة والتقدير وأشكرك على هذه المواضيع المتميزه
ونحن هنا مقدرين لك تواصلك معنا الدائم والبحث عن كل جديد

اخوي الشدادي مشكور على مرورك وهذا واجبنا

مشكور ياابن مهرس
يعطيك العافية وعساك على القوة

حياك الله يابن العم

فعلآ نطالبك بالمزيد

زي ماقال اخوي السلطان

ابن مهرس سلمت يالغالي

دايم متواصل مع قصص الفرسان

اشكرك يانشمي وبيض الله وجهك