رثاء في الشيخ مسلط بن فهيد رحمه الله

قصيدة رثاء في الشيخ مسلط بن فهيد الشدادي
رحمه الله وأسكنه فسيح جناته

الله يجبر حزنكم يا الشدادين= لا والله اللي راح شيخٍ وقرناس
يشهر على الطالات نسل السلاطين =وللطيب والوقفات هو خير نبراس
مسلط بن فهيد الفخر واحمر العين =نبع الوفا والطيب عنده على ساس
من دون ربعه واقف بجاه ويمين= من طيب نفس ولا يعرف التغطراس
ريف الضيوف وقدرها الصدر والعين= قدام تقديم المفاطيح والراس
والطيب ما هو سلعة بالدكاكين= تحوزه اللي ما وطت درب الادناس
مثلك يا مسلط كاسب المجد بيقين= بالفعل ما هو بالحكي والتمساس
وعساك تسكن في رياض وبساتين= تهنى وتسعد ما ترى وسطها باس
لكن عزانا فالحرار الميامين= بعيالك اللي حازت لكل نوماس
والله لو بأكتـب لمثله دواوين= ما أوفيت صاحبنا على حبر قرطاس

الشاعر
سلطان بن عايض الشدادي

هلابك نوماس قصيدة
معبره للشاعر سلطان الشدادي
جزاه الله كل خير وبارك الله فيه
وهلابحضورك
والشيخ مسلط فهيد الشدادي
غفر الله له واسكنه فسيح جناته
لك كل التقدير والاحترام والف شكر لك ع النقل المبارك

حياك الله يا نوماس الشدادين
وهلا بتواجدك معنا ومشاركتك بهذه القصيدة
في رثاء الفقيد أبو سعود الله يرحمه ويغفر له
ويدخله فسيح جناته

.


حيّاكْ الله وَ يَ هلا وَ مرحبا فيكْ نوُماسْ الشدادينْ
رَحِمَ الله فقيدكمْ وَ أسكنهُ الفردوُسْ الأعلىْ

ارحب يا نوماس الشدادين
والله يرحم ابو سعود ويغفر له
ويلهم أهله وذويه الصبر والسلوان
وصح لسان الشاعر

حياك الله ومرحب بك النوماس
الله يرحم ميتكم ويصبركم
وكلماتك برثاء الفقيد رحمة الله عليه
ودمتم بخير

صح لسانك وبيض الله وجهك على قصيدتك
اللي تمدح فيها ابو سعود الله يرحمه

السلطان ،عذب المعاني،خيال الشدادين
تبقون والله يسلمكم وصحت ابدانكم وشاكر لكم مروركم
والله يرحم ابوسعود ويسكنه فسيح جناته

اخي السلطان اشكرك على ماتقوم به من جهد انت والمشرفين على المنتدى تجاه القبيله والله يعطيكم العافية

ساره الغيد عشقك خفوقي شاكر على مروركم