الليلة الثورة..!!

قصيدة موجعة حد البكاء ..

كلماتها مؤلمة حد البعثرة..

تجرعنا معها الحقيقة المره التي يتجاهلها الكثير .

كتبها جابر هايف العتيبي بمداد من دم قلب اضناه القهر ..




[RAMS]http://www.sadanajd.com/poem-801.ram[/RAMS]

اليكم القصيده ياجماهيري وهي خطره =وخلو هالرقابه تسجن الشاعر وجمهوره
هدوء ايها الساده حضور الحفل والسهره = مساء الخير ع الصاحي واشوف الناس مخموره
انا اسف على الازعاج ولكن طالت السكره = ذكرت اني قبل ساعات اصيل وعزوتي
على فكره الكرفته عجزت افكها عسره = ابي واحد ينزلها او اي وحده ومشكوره
وابي ثوبي جيبولي ثوبي الاشهب مع الغتره = قبل والله لاطربقها على هالحفل بحضوره
ولا واحد يتكلم قبل لا أخلص النشره = ومن يحكي قسم بالله لادوس برجلي حنجوره
تراها قفلت ياساده بلادي وياستره = هي مدامها خربت بقول الليله الثـوره
انا بحكي من اول يوم جيت لدنيتن قذره = وتكرم عن قذرتها بيوت الله ومـعموره
انا مولود في ليلة شتاء مع بردها مطره = في خيمه وسط صحرى مابها سستر ودكتوره
انا ياحضرت الساده غريب وضاع من صغره = لعن جدي زماني بين مذهوره ومهجوره
حملت من الشقاء مالايطاق وجايكم ذكره = ولاني عاجز اتحمل واموت بنفس مقهوره
وانا ادري يذبح الرجال كثر الصبر في قهره = وعن قهر الرجال المصطفى حذر ومذكوره
وهم قالو مفاتيح الفرج للحي في صبره = وانا اشوف الصبر مفتاح ضاع وزادطابوره
تعبت اللملم ايامي بيدين الهم والحسره = تعبت اللمع البرواز وامسح غبرت الصوره
تعبت ابوس كف الجوع وخشم الفقر طال عمره = تعبت اكذب على الحاجه واقو ل الحال ميسوره
تعبت احمس من القهوه واحط السمن والتمره = تعبت ودلتي وحده وكل شوي منثوره
احسب العز بالدله وبيت النذل ابها عشر دلاله = اكثر الملعون مليانه ومسطوره
انا بحكم البداوه انزرع في داخلي بذره = عن علوم المراجل الف بذره فيني مبذوره
تربينا على الدين ونطيع الله مع شكره = تعلمنا نصلي ونحفظ القران وكل صوره
تعلمنا نحب الضيف وفينا الكرم فطره = تعملنا نقول الصدق لالفه ولادوره
تعلمنا نحلب النوق ونعرف وشهي البكره = تعلمنا الضمى وحنا بيدينا البير محفوره
تعلمنا وكثبر الى تعلمناه وش كثره = اخذنا درس بالدينا بلا دفتر و سبوره
وانتم ياسكار الحفل عفون ايها الزمره = منو فيكم عرف قهر الزمان وظلمه وجوره
منو فيكم وطاه الجوع وذله وصفقه فقره = منو فيكم عرف يحتاج للقمه ونشف زوره
منو فيكم من الضيقه حفر بصابعه قبره = منو فيكم رقد ليله وسط اجساد مقبوره
منو فيكم مشى حافي برمضن كنه الجمره = منو فيكم سهر ليل الظلام بدون اباجوره
منو فيكم مطاح الفين مره وسلمت الجره = وانا من قبل اطيح وجرتي بيدني مكسوره
لكم الماء والوجه الحسن والمال والخضره = ولنا حنا الضماء والجوع وفقر وشيفتن عوره
ولامره حضي ضحك بوجهي واشكره مره = وغيري مبتسم حضه وكل ايامه ومسروره
كتبت الشعر من صغري وبيوتي مابها كسره = وانتم تبرزون الي كتب بيتين مكسوره
انا ياحضره الساده فقيرن مغتنى بشعره = مدإم المومس الى تشري الاشعار مشهوره
وانا ياحضره الساده هنا الليله وعلى فكره = ترى هالبدله مصروقه ورجلي بجزمه محشوره
ولكن قلت ابحضر هالحفل والعمر بختصره = وابي ابدع معاكم وسط اليله انس ومحضوره
اذا كانت رجولتكم بكاس الثلج والخمره = انا بشرب بدون الكاس وثلجه الف قاروره
وابويه قاللي مره دسم شاربك بالغبره = مايدري بالشنب محلوق وجابر فاقد شعوره
انا بمشي مدام الليل ودع وإبتداء فجره = بروح ارد هالبدله على هالمعلاق مزروره
وانا ادري ياكلاب الحفل اني بالسجن بكره = مدام الليله جبت العيد بهاذا الحفل وحضوره

.
.
.

أعتذر لتعكير صفو صباحكم/مساءكم

دمتم بأفضل حال..

هههههههههه
مع الصبح سكره وخمره
ومكبره الخط بعد !
الشاعر يبشر بالعافية لم يعد للحديث تأثير حتى يعاقب عليه
أرق التحايا

		المشاركة الأصلية بواسطة : ناصر مرزوق اقتباس
	هههههههههه مع الصبح سكره وخمره

قلت أخربها مثل ماخربها العتيبي

هذا أنا ..

حين يتعكر المزاج يكون هذا الإنتاج..

		المشاركة الأصلية بواسطة : اقتباس
	ومكبره الخط بعد !

أنت ياسيدي رزتك محروقة دخلت الموضوع بسرعة قبل التعديل ..

دائما أنت من يصيد أخطائي ..

		المشاركة الأصلية بواسطة : اقتباس
	الشاعر يبشر بالعافية لم يعد للحديث تأثير حتى يعاقب عليه أرق التحايا

سبات عميق حتى بالعقاب..


ناصر مرزوق ..

دمت بخير

قصيدة في منتهى الروعه
صح لسان شاعرها وسلمت يمينك سيدتي على نقلها
دمتي بود

وانا ادري يذبح الرجـال كثـر الصبـر فـي قهـره
وعـن قهـر الرجـال المصطفـى حـذر ومـذكـوره
وهـم قالـو مفاتـيـح الـفـرج للـحـي فــي صـبـره
وانـا اشـوف الصبـر مفتـاح ضـاع وزادطابـوره


شكراً من الأعماق على هذا الاختيار الموفق الجميل
ولن اطيل حتى لاتفقد هذه القصيده معانيها الرائعه
يعطيك العافيه والصحه

صح لسان شاعرها جابر الهايف

قصيدة راااائعه تحكي معاناة الجميع الحقيقه

مشكوره اختي الكريمه

مودتي

أخاف ردي يشوه القصيدة
لكن لازم أبدي أعجابي بها ...

صح لسان شاعرها
وسلمت يدين ناقلها...

سيدة الأشجان يعطيكي ألف عافية على النقل الموفق

سيدة الاشجــان قصيده اكثر من رائعه عبرت وعبرت وعبرت لايستحق شاعرها

الا تعظيم سلام لماتحمله من معنى صادق لمعانأة صــادقه,,

يعـــافيك ربي سيدة الاشجان,,

تحــــيــاتي,,

رائــــــــــعة هذه القصيـدة

سيدة الأشجان

يعطيك العافية على النقل

		المشاركة الأصلية بواسطة : نور الهدى اقتباس
	قصيدة في منتهى الروعه صح لسان شاعرها وسلمت يمينك سيدتي على نقلها دمتي بود

وسلمتي غاليتي على مرورك العذب ..

دمتِ بخير نور