++(((بنات الهوى والحيزبونات والرٍق)))++ قصيدة موجهة للشاعر هاجوس

يا هلا ولله وألف غلا

حياك الله يا أبو طارق وصح لسانك

المعنى غزير والمفهوم في بطون الشعراء

صح لسانك ولا هنت وفي انتظار أبو عناد ورده

		المشاركة الأصلية بواسطة : السلطان اقتباس
	يا هلا ولله وألف غلا حياك الله يا أبو طارق وصح لسانك المعنى غزير والمفهوم في بطون الشعراء صح لسانك ولا هنت وفي انتظار أبو عناد ورده

حياك الله يالسلطان
وأنا معك من المنتظرين!!
صحت أبدانك

صح لسانك ياسعود وماشاء الله عليك

راح ياصلك ردي عن قريب بأذن الله

اخوك هاجوس

		المشاركة الأصلية بواسطة : هاجوس اقتباس
	صح لسانك ياسعود وماشاء الله عليك راح ياصلك ردي عن قريب بأذن الله اخوك هاجوس

هلا بهاجوس الشعر .. مرحبا!!
أدري إنك قادر على الرد والا ماكنت أسندت عليك..
أهم شئ نبي حل كامل للالغاز..مع العلم إنها سهله
والهدف ليس التعجيز بقد ماهو الشعر.
بعدها المفردات اللي سرت في القوافي لاتعيدها..
وترى فيه أكثر من شاعر ردوا على القصيدة
ردودهم عندي وانا موقفها في أنتظار ردك..
والرد الأقوى راح يعتمد ..والا ولوية لك..
أنت على الشداد!!
ويامرحبا بك..

قصيده ورد اروع من الروعه
نتمنى المزيد من هذه المساجلات الرائعه
تحياتي
لسعود:-
ابدعت في المعنى ولا خانك الطرق ابيات يستانس بها من قراها

لابوعناد:-
برق لمع ماشفت مثله سنا برق يكفي الليله الظلما ينور دجاها

		المشاركة الأصلية بواسطة : جزاء دهيس اقتباس
	قصيده ورد اروع من الروعه نتمنى المزيد من هذه المساجلات الرائعه تحياتي لسعود:- ابدعت في المعنى ولا خانك الطرق ابيات يستانس بها من قراها لابوعناد:- برق لمع ماشفت مثله سنا برق يكفي الليله الظلما ينور دجاها

هلا بابو دهيس.. ملح المنتدى.. صح لسانك على البيتين أعلاه..وبيض الله وجهك!!

الردود الواردة على القصيدة حتى الأن...سوف ننتظر البقية..أن وصلت..ونطلب التصويت على الأفضل!!

(القصيدة)

يعجبني المعنى ويطربني الطرق=ويشدني سبك البيوت وبناها
ونفسي تتوق لمنهلٍ جمه أزرق=يبل صاديها ويقطع ضماها
على ضفافه جرد الأغصان تورق=وأثمارها تكبر ويكبر عطاها
لكن غدن مني بنات الهوى سرق=وبكيت ترفاتٍ تقافت خُطاها
أحلى البنات الغِيد والشُقر والطُرق=أمْرّهن ما أقدر أوصف حلاها
أعمارهن شهور مابينهن فرق=عشرين مع عشرين قفت وراها
ماباقي الا الحيزبونات والبُرق=أقبالهن شيب العيون وعماها
أدور معهن دورة الدم فالعرق=والنفس تعبت ما حصل مبتغاها
عتقت من رِقٍ وطبيت في رِق=أتبع هوى الشمطا وأدور رضاها
تسوقني للغرب واسوقها شرق=وأطلب من المولى يحقق مناها
هاجوس دوك القافيه شدها وارق=صافح سحايبها وعانق سماها
اشرب سديم وشب نارك من البرق=يمكن مفاتيح الفرج في سناها
وهات النتيجة قبل لا اتوه وأغرق=في لجة بحور الهجوس وغثاها
فصل الخريف أحرق خَضَار الورق حرق=ذبح ربيع الارض وأزهق شتاها

(1) رد هاجوس

يا مل قلـبٍ ينسـرق للهوى سـرق=وحالٍ سقـام الحـب فعـلا براهـا
قاسي الحديد يلين مع حامي الطـرق=وحلو المعاني ذي والأخرى تراهـا
يا جد كانك صدق بتجـاوب الـورق=قصة غرامي صدق ما أحـدٍ قراهـا
هذي سنين العمر وشهورهـا فـرق=وهاجوس يـا جـدي ورا مستواهـا
وباقي الوصوف بميسم النار له عرق=حتى تبين وصوفهـا فـي ضحاهـا
يا سعود في أذن التايهة سو لك شرق=ويبين سارقهـا ومـن هـو غذاهـا
دنياك تمرق حلو الأيام لـك مـرق=شمطا ودايـم فـي يديهـا عصاهـا
هذي هقـاوي والهقـاوي لهـا زرق=رمـاح المعانـي جـدد الله عطاهـا
والمعرفة بيني وبينـك تـرى بـرق=ما حدد العالـم تـرى مـن لغاهـا

(2) رد فواز موبص

يامرحبا..عداد مايسجع الورق=وأعداد همال المزون وحياها
باللي صدر بيته على قافية رق=أبيات شعرٍ تذهل اللي قراها
يشكي من سنين العمر يوم تزرق=وصل أربعين ولا عرف كيف جاها
لاتحزن من الشيب ياطيب العرق=وقار في روس الرجال ولحاها
دنيا دنيه تطرق أعمارنا طرق=الحيزبون اللي خبيثٍ لماها
أول لياليها غناج وتزبرق=ترمي عبايتها وتحذف غطاها
وآخر لياليها سواليفها قرق=تشين حليتها ويقفي صباها
ما تخدع الا ناقص العقل الأخرق=ويامن طردها منت لاحق مداها!
ياعم مالي عن قصيدك تدرق=لو القوافي واصله منتهاها
للشعر قدر وللسوالف تطرق=وهوايتي بدع البيوت وغناها
ماشدني عودٍ وطبله ولا أورق=ألي هوا والناس تتبع هواها
والديرة اللي روس شعبانها فُرق=ما أرعى مراعيها ولا اذوق ماها
ليا ضاق صدري وقت في قمة أبرق= بارضٍ حباريها تسابق قطاها
والي مع أهل الشعر مخرج وممرق= وأخاطب العالم حسب مستواها
ولابد من بعد التجمع تفرق=وكلٍ يموت وحاجته ماقضاها

بيض الله وجهك يا سعود ولا ننسى أن نشكر أبو موبص

الله يرده لنا بالسلامة

تفاعل جميل مع هذه المشاركة وعساكم على القوة دوم.

صحت الساااااااااااااانكم
جميع والله انكم كفيتوااا ووفيتوا
هذا الشعر والا بلاش
معنى جزل من شعاااار جزلين
تقبلوا وافر التحيات

الاخ ابو طارق بيض الله وجهك وصح لسانك . وصح لسان الاخ هاجوس

الاخ فواز صح لسانك . مافيه شيء غريب السيل من جبل