شيهانة الخرب

رجعت والناس في عيني على ماهي=عمر الجمل مايشاهد عوجة أرقبته
أتعيش وتدوم لي يافكري الراهي=ومرحوم يادرب فيه الغير قد تبته
شيهانة الخرب واقت من على الناهي=وجاتك بمخلب في نحر الصيد ثبته
و ريشي اللي على جسم كسى ظاهي=لوتنكسر منه ريشه من سبب شبته
الغالي اللي بقلبي آمر و ناهي=أسهوم حبه بقلبي من عصر سبته
وين أنت ياللي غيابك قطع أشفاهي=ياواحد" لو تبت الكل ماتبته
مع ضجت الناس رمشي فالغلا ساهي=ياجعل صدره سعيد ولا شكى كبته
سقت الخطا يمكم والمنتدى زاهي=لو كان بير القوافي ناس غثربته
الشعر كاسه وبيت الشعر له شاهي=والعجز خدرت معلم والصدر سبته

.
.
هلا وغلا ..ومرحباا مليوون برجعتك
والحمد لله على سلامتك يالغلا
وصح الله لساانك ..مبدعه
وان شالله اخر الغيبات
وربي يسعدك
.
.

هلابتس يا الغاليه
وصح بدنتس ولاهنتي على المرور

سقت الخطا يمكم والمنتدى زاهي
لوكان بيرالقوافي ناس غثربته

بيت جميل وتوصيف آجمل

صح لسانكـ ياشيهانة القصيد ..مبدعه لله دركـ

شهادة اعتز فيها من شاعر له مكانته
في المنتدى
ومشكور على المرور

قبل فترة وفي لقاء لك
سألتك عن الشعر والقصيد
وانكرتي إنك شاعرة وساعتها توقفت عن
إكمال اللقاء لأن إجابتك بنعم وقتها كانت شرطاً لهذا الاكمال

اليوم تأتين بهذه الرائعة وتؤكدين صحة اعتقادي المنفي من قبل
وتثبتين بأنك شاعرة لا يشق لها غبار .. ومن الوزن الثقيل بعد ..!!

ما أقول إلا:
صح لسانك ملايين ولا هنتي
والله يحييك بهذه الرائعة المتميزة

حياك الله يا السلطان

وصح لسانك
وانا لست من يحكم على نفسه انه شاعر قبل ما يحكمون عليه الاخرين
واحمد الله
من شهادتك اني اصبحت شاعره

شيهانة
صح لسانكِ شاعرة كبيرة
وفقكِ الله

يا هلا والله ومرحبا فيك يا شيهانة وحياكِ الله وفرحت والله بالقصيدة النسائية الجميلة
وأتمنى أنكم يا شاعرات المنتدى ما تقاطعون الأقسام الشعرية ..

قصيدتك هائلة وقمة في الشعر وقافيتها قوية جداً .. ولكن تمنيت إنك ضبطتي القافية بالحركات لأن القراءة صعبه كثير مع هذه القافية
أو إنه خانتك القافية في بعض الأبيات ...
لأن فيها المشدود وفيها المفتوح وهذا على حسب قرائتي .. ودي تعيدين كتابتها بالحركات علشان نقراها صح ...

وصح إلسانك مدد بلا عدد وحياكِ الله مره اخرى ولا تقاطعين هنا ... وأرجعي ضبطي الي قلته لك .

هلا والله وغلا بشيهانتنا.. شـاعرتنا
صصح لسـانك ياصديقتي ولاهان شـانك
يعنـي نفهم من هالطرح ترقيع لغيابك لا مانرضى >>برا