لا تشتكي للناس لوكنت مطعون

اضحك وفلّ حجاجك اشفيك محزون=دنياك ماتسوى وخذها نصيحه
مادام مالك ميت ولا انت مديون=ارم الهموم وخل نفسك مريحه
لو كانوا اصحابك يضاهون مليون=نق الكفو منهم وخل السطيحه
ولا تشتكي للناس لوكنت مطعون =والذم من بعض الخلايق مديحه
ولا تنحني للهم وتعيش مغبون=ترا المريح اهل العقول الصحيحه
لاصرت صادق قالوا الناس مجنون=مايمدحون الا النفوس القبيحه
وخلك صمود بوجه الايام دندون=وما حرم الله اثم لا تستبيحه
والكبر لو به فايده فاد فرعون=ومن ذاع سرّه بشّره بالفضيحه
والله لو يعطون لك مال قارون=ماشفت نفسك بالغنى مستريحه
انفض هموم القلب وابليس ملعون=وان ضاق صدرك ارض ربي فسيحه؟!

أولاً حياك ربي في منتدى الشدادين تراحيب المطر

وثانياً صح لسانك ملايين قصيده جميله .

وثالثاً اتمنى منك توضيح اسم شاعر القصيده

لـــ مني كل تقدير وأحترام ــــك

أنت عمري

بيض الله وجهك وسلمت يمينك

قصيده جزله وشاعر جزل صح لسانك مليوون

أنت عمري مشكور على القصيده الرائعه...

صح لسانك وبيض الله وجهك قصيده جزله
الله يعطيك العافيه على الطرح الرائع.

صح لسان الشاعر وشكرا لك

نتمنى وضع القصائد المختارة في قسمها

قصيده رائعه بمعنى الكلمه
ويؤسفني بل أعتذر أن أقول بأنها مكرره تحت عنوان
دنياك ما تسوى وخذها نصيحه

يعطيك العافيه أخوي وفي أنتظار جديدك القادم

لاهنت على القصيدة الجزلة وبيض اللة وجهك