السؤال الصعب

حسرة الواقع ولا فرحة خيال= وش على اللي مات من زود الطعون
والحقيقه مالنا عنها مجال= انتظار الموت هو سر الجنون
وآخر اوراق الامل عندي سؤال= في حياتك ياحياتي من اكون
هل انا الموعود في عرش الوصال= او انا موهوم في كذبة عيون
احتوت نظراتها عند الزوال=ثورة البركان افراح وشجون
خوف وفراق وفرح والدمع سال= كاد يفضح سرنا لحظة سكون
وانختم بيمين من راحت شمال= عهد طول العمر عندي مايهون
عهد مايبلى على مرالليال= عقد تسليمك فؤادي يافتون
واعتبرني من مماليك الجمال=لاتشاورني على عمري تمون
ان حفظت القلب بلغت الامال= وان رميته كون في رميه حنون
قلب حبك ظلم يدفن بالرمال= واسالك بالله من سوء الظنون
خلني للتضحيه ابقى مثال= ميتة الفرسان لاموت مغبون
اه يابدر ترجيته هلال= واكتمل ثم احتجب خلف المزون
ولو نحيث السير ونشد الرحال=ولو وردنا بالمنى حوض المنون
ماتقدمنا على وقت الاجال=ولو قضينا العمر تسديد الديون
والختام ابغى الصراحه لامحال=في حياتك شخص لكن من يكون

		المشاركة الأصلية بواسطة : اقتباس
	خلنـي للتضحيـه ابـقـى مـثـال ...ميتـة الفرسـان لامـوت مغبـون

هنا تبقى التضحيه رمزاً

		المشاركة الأصلية بواسطة : اقتباس
	والختام ابغـى الصراحـه لامحـال ...في حياتك شخص لكن مـن يكـون

السؤال الصعب من يكون



جزاء صح السانك قصيدة جزلة

أرق التحايا

مشكور على القصيده الرائعه

نعم هو السؤال الصعب يا أبو سفر

هل أنا الموعود في عرش الوصال=أو أنا موهوم في كذبة عيون ؟

صح لسانك يا جزاء والإبداع ما هو غريب عليك

مقتنع من وجود شخص في حياته

ونتمنى أن تجد الأجابة وأن تكون غير مزعله لك

قصيدة في قمة الروعه وصح لسانك

صــــ ــــح لــــ سـ ــــانــــ ــــكـ

واعتبرنـي مـن مماليـك الجمـال=لاتشاورني علـى عمـري تمـون
ان حفظـت القلـب بلغـت الامـال=وان رميته كون في رميـه حنـون
قلـب حبـك ظلـم يدفـن بالرمـال=واسالك بالله مـن سـوء الظنـون
خلنـي للتضحيـه ابـقـى مـثـال=ميتـة الفرسـان لامـوت مغبـون

الله الله يا جزاء

يا مرحبا بك وبإبداعك يا شاعرنا

تسلم وصح لسانك

هل انا الموعود في عرش الوصـال=او انا موهـوم فـي كذبـة عيـون

الله الله الله عليك ياجزاء يعجني هذا الاسلوب فالشعر

صح لسانك وبيض الله وجهك يالغالي

		المشاركة الأصلية بواسطة : جزاء دهيس اقتباس
	اه يابدر ترجيته هلال= واكتمل ثم احتجب خلف المزون

تصوير رائع يابودهيس...
وشاعرية فذة..كتبت فأبدعت وأمتعت..
صح لسانك وبيض الله وجهك!!

في حياتك شخص. لكن من يكون ؟؟؟ لماذا تجزم .. هل تعتقد ان الصد سببه الاكتفاء؟؟
لا اعتقد .. ربما الصد تضحية وحرمان .
صح لسانك ياشاعرنا ...