مغرور كيفي لو تقولين مغرور

البيت بيتي كانه البيت مكسور
من لايسره لايمر القصيده
مغرور كيفي لو تقولين مغرور
اللي طلب رايك غبي يابليده
كنت احسب انك فاهمه كل مستور
اموت واعرف بس وش مستفيده
قبلك يجنّي بالخفا صف طابور
وانا الذي ابغاه لازم اصيده
يامدلعه ماعاد لك بينهن دور
انا عنيد اشلون اعشق عنيده
اسم ٍ مثل اسمي وحفارة قبور
هذي ورب البيت صارت مكيده
مثلك حشا ماعندها احساس وشعور
وشلون مثلي تستفزه وغيده
ماهو بأنا اللي تشغله نظرة الحور
كم عاشقه كانت تبي لمسة ايده
دستور يابنت افهمي عاد دستور
احب انا كل يوم وحده جديده ؟؟
مانتي الوحيده خافقك حيل مقهور
لا .. لا وربي البيت مانتي الوحيده
هاتي المفيد ان كان به شي مغمور
ان كان عندك جملتين ٍ مفيده
وكانه غرور انا اعترف صرت مغرور
لانك جهلتي غايتي بالقصيده

قصيده روعه وصح لسان قايلها
شكريات أختي