مافيه أطول من عمر صاحب الثأر

افيه أطول من عمر صاحب الثأر
راعيه من حرصه موصي عياله

ميراثهم غسيل دم من العار
ووصف لهم وسم الخصم في حلاله

وسم بميسم في حلاله من أيسار
ووصف وصور كل شي بخياله

ومن قو وصفه حير الورع واحتار
ثم انقطع كل النفس من خلاله

ومن بعدها قفى وكنه على نار
يومه نطق ب اسمه ووصى وقاله

واقفى يشيل بداخله كنز الأسرار
أكبر عيال العود والي بقى له

حمله ثقيل وحاجته صعب تندار
والخصم في وجيه القبايل قباله

دخيل في ووجه حمى قبله الجار
والضيف يذبح له من أطيب حلاله

وفي وجه منهو يكرم الضيف مدرار
عزالله انه عنه ماهوب داله

لاكن عزم الورع من قوته طار
واصبح يحوم بفكرته في مجاله

القلب ساطي والقرار أكثر إصرار
وأقبل على روس القبايل لحاله

طلاب حق وراعي الحق مابار
جاهم وشمس الصبح مايل ظلاله

واقبل عليهم في فمه كلمة الثار
ولاضنه بيرضى بشي بداله

وقالو هل الحله وهم دونه اختار
اختار فينا شخص يرضيك حاله

اعيال عود ورس قوم من احرار
والكل منهم مآ ضعف احتماله

وأقبل وعينه في قصيرين الاعمار
ومن قبل ياصل ماتبي النفس طاله

لاكن حكمة ربنا فوق الأقدار
في حكمته في دبرته في كماله

وحامت ملوك الموت فوقه والاخطار
واختار ربي بينها طيب فاله

عطاه مطلوبه وكفه من الثار
وعطاه عمر ومد له في حباله


مات الخصيم وموتته تطفي النار
وارتاح في قبره أبوه ورضاله

مات الخصيم وموتته دون أضرار
موتتت قدر ونهايتن لسلاله

تبارك الرحمن
شاعرنا
ابن نايش هلابك
وهلا بحضورك
لاجديد سوى
الابداع والتميز

الله الله
يا شاعرنا العزيز
أبو نايش
والله يبيض وجهك على هذه القصيدة
وهذا التميز والعطاء ولا هنت يا بعدي

صحة ابدانكم جميع وشكرا لكم ولمروركم الكريم والجميل

صح لسانك
ولا هنت أخوي
كل الشكر والتقدير

صح بدنك وشكرا لك ولمرورك الكريم